زاد الاردن الاخباري -

السلام عليكم . اسمي يزن ، وعمري 22 سنة .

مشكلتي هي اني بحب بنت وفي بيناتنا علاقة من سنة ونص، انا من ناحيتي بحبها كتييير وهي كمان كانت تحسسني وتحكيلي انه شعورها تجاهي بفيض من الحب والعشق ،اهالينا بيعرفوا عن هالاشي. لكن الي فترة برن عليها ومابترد وبعدين صار تلفونها مغلق وانا بيطلع من راسي علامات تعجب واستفهام عهالتصرف ، فبالاخر رنيت عأمها لحتى اسألها شو سبب انقطاعها عني ، فاعتذرتلي وحكتلي انها ريما خطبت ، فانا تضايقت كتير من هالاشي وما عرفت شو اعمل ، ارجوكم احكولي ليش هيك صار معي رغم اني مخلص ب حبي الها ، بس بعد هالاشي شلتها كلها من قلبي ، ومع ذلك مش عارف شو اعمل.

اذا في معلق بده يسب او يهزأ فخلي تعليقه لنفسه لاني بدي حل لمشكلتي مش سب وتجريح.

مع خالص شكري سلفا