تركني من دون أن أعلم ما السبب

زاد الاردن الاخباري -

ارجو يا زاد طرح مشكلتي ...

  انا بنت عمري 24 سنة وبحب ابن جيرانا بس اخر فترة كتيير صار يتغير معي ما بعرف ليه
 كتيير صرنا نتخالف ونقعد بالايام ما نحكي مع بعض ونرد نرجع نحكي مع بعض ونرجع نحب بعض ولا كانه صار شي ..
 انا بعرف انه بحبني وحاولت اكتر من مرة لما نتخالف ما نرد نرجع نحكي و فترة قعدت 7 اشهر وانا ماخدة موقف اني ما بدنا نرجع لبعض وهو ضل يحاول وما يئس طول هالمدة
انا نرجع نحكي وهو يوعدني انه مارح يتكرر الشي اللي صار من خلافات بس لااسف ما وفى بوعدو ورجع زي قبل..

هلاء انا بعرف انه عنده ضغوطات كتييرة حواليه لانه هو اكبر واحد باخوانه وابوه متوفي
يعني عنده مسؤوليات كتييرة وكمان عمامه مش من النوعية اللي بوقفوا جنبوا لا بالعكس دايما ضده وانا متحمله هاد الشي وبحكي مو مشكله الله يعينه ..

كنا مقررين انه يجي يتقدملي على بداية هادي السنة بس ما بعرف شو صار ...انا وياه كنا فترة ما بنحكي مع بعض وازا بتسالوني ليه والله العظيم مع انه قبلها بيوم كنا مع بعض ما بعرف لحاله بطل يرد علي وبالصدفة سمعت من بنت عمي انه ناوي يخطب وعم يدور على بنت حتى ما فكر تفكير في لي ما بعرف ..مع العلم اني ما حكيت معاه بسهولة يعني قعد اكتر من 4 سنيين وهو يترجاني وانا ما كنت اوافق لاني كنت لسه بالمدرسة والله شاهد علي بحياته ما قرب علي بالزور حتى مسك ايدي كم مرة وهاد طبعا بعد 5 سنين من علاقتنا ..

ليه هيك عمل مو عارفة وانا ما بدي ارن عليه حتى ما يفكرني راميه حالي عليه مع انه الحمدلله انا من عيلة محترمة وضعها الاجتماعي ممتاز وهو اقل مني دايما كان يقولي انه خايف اهلي ما يوافقو عليه بس كان يوعدني انه مايياس ويضل يحاول معهم وامه كانت تحاول تسال ستي بطريقة غير مباشرة انه ازا تقدمنا بتعطونا بس انا شو دخلني ليه خلاني احبه …مو قادرة انساه وكتيير خايفة من اليوم اللي بدو يخطب فيه شو رح تكون حالتي ..

ارجو مساعدتي بارائكم ..

شكرا