الموت حق

زاد الاردن الاخباري -

بسم الله الرحمن الرحيم
اول ما ابدأ به كلامي هو ان نطلب الرحمة ونقرأ الفاتحة على روح صديقتي المرحومة جعل الله مثواها الجنة يارب وغفر لها ذنوبها يارب

احبائي معلقين ومعلقات زاد وزوارها ومحررها الاكرم تحية لكم وبارك الله فيكم .. انا معلقة معكم قلبا وقالبا وان شاءالله تساعدوني فيما سأعتبره مشكلة لانني ولاول مرة ينتابني عجز في متل هالموقف

نبدا بالموضوع :
لنا صديقة او بالاخص لاختي الكبيرة صديقة منذ اكتر من 20 سنة دون مبالغة يعني عندما كان عمري 10 وقد اصبحت البنت صديقة للعائلة كلها لا وبل اهلها ايضا اصدقاء لعائلتي .
ومهما تمر الايام والسنين لا تنقطع علاقتنا بالنبت ابدا لانها قريبة جدا لنا وبمنتهى التواضع والاخلاق وشاءت الاقدار ان اصبح عمرها 43 عاماولم تتزوج وكانت مكافحة ومتدينة بحياتها وخفيفة الظل ومسالمة جدا حتى مع اقرب الناس لها ...
لكن كان الها اخت اصغر منها قوية وجريئة ودائما تحمل الصوت العالي لاختها (صديقتنا) وبالعامية تشوف حالها عليها لانها احلى منها ودائما تحكيلها انتي غبية انا افهم منك واذكى منك واحلى منك واختها من النوعية العصبية والي بتشوف نفسها انها جميلة بكل شيء وصديقتنا كانت مسالمة ودائما تسكت وتختصر المشاكل وتحكي معلش بضلها اختي الصغيرة

بعرف اني طولت الموضوع بس لازم نحكي بعض التفاصيل لتكون الصورة واضحة ... بالامس رأيت اخت البنت بالصدفة وبعد السلام اخبرتني بأن اختها الكبيرةالتي هي صديقة العائلة قد توفت والبنت يبدو عليها الالم والحزن والتعاسة الشديدة وانا لم اتمالك نفسي وحتى انني بكيت وانا بالشارع العام حيث ان الصبية قد اصيبت بسرطان بالدم ولم تكتب لها الحياة بل خلال 17 يوم دخلت المستشفى ولم تخرج منها وكانت قد توفت بأول ايام رمضان .

المصيبة ان اختها متأثرة جدا ومو متحملة الشي الي صار وتشعر بالندم لدرجة انها تشعر بأنها مرضت نفسيا على موت اختها ومو متحملة الي صار لانها بتندم وبتبكي بلوعة لانها كانت قاسية على اختها المتوفاة وكانت لئيمة معها وعصبية عليها وهي داخليا بتعرف انو اختها بمنتهى الطيبة والحنونة والبنت متأثرة وبتصرخ وبتحكي كلام بيقطع القلب وبتشكتي لوالدتي ولعائلتي انو بدها اياها ترجع بس لتسامحها والله شيء يقطع القلب لما شعرت فيه من ندم لانها لم تتوقع الموت السريع لاختها الحنونة الله يرحمها

وانا وعائلتي بالرغم من حزننا الشديد حاولنا التخفيف على البنت الا انها لم تستجب لاي تخفيف وكل مافيها تزيد بالندم والبكاء والله انا لم استطع بعدها الكلام على ما سمعت منها من مواقف كانت تعملها مع اختها الميتة الله يرحمها وانها بس بدها ترجع للحياة لو يوم لتبوس ارجلها ندم ولكن هل ينفع الندم الان ؟؟؟

بصراحة حبيت اطرح الموضوع لناخد اولا العبرة من الموضوع وتانيا انا بجد مو عارفة كيف الطريقةالي ممكن البنت تطلع من ازمتها وحالتها النفسية التعيسة خاصة وانها مو متزوجة والحزن مسيطر عليها جداواهلها بيحكلوها راحت الحنونة الي كنتي دائما تقاتليها وتزعليها وهي بتعترف انها بتحبها وانها كتير طيبة وبتفتقدها بكل مكان بالبيت وخاصة غرفتهم الخاصة والله البنت بتتمزق من الالم وللعلم هي ليست صغيرة بالعمر تقريبا 33 . بس شيء محزن جدا جدا وما اصعب الندم

ياريت اسمع منكم كيف بقدراطلع البنت من ازمتها النفسية وحالة الحزن الشديدة

اعتذر للاطالة

اختكم