مشكلتي حجابي ماذا أفعـــــــــل ؟؟

زاد الاردن الاخباري -

مرحبا...

انا وحده عندي عقده كبيره من الحجاب ولو بابا حكالي أشلحي الحجاب هلأ ما بأصر ...
 
انا اتحجبت وكان عمري 10 سنين طفله بريئه ، كنت لما ألعب مع صحباتي بالحديقه انا الوحيده الي اكون متحجبه بيناتهم كنت احس حالي أكبر منهم او حتى احيانا امهم ، وكنت اترجى بابا احكيلو مشااان الله خليني اشلح الحجاب بس لما ألعب مع صحباتي هادا وانا 10 سنين بيحكيلي لأ .وكنت كتير اخاف منو احيانا يسير بدو يضربني وكنت أتعقد لما أشوف صحباتي بربطو شعرهم وبيرفعوه وهيك بالمدرسه فكنت أحكي لماما سويلي متل صاحبتي لما اروح ع المدرسه تروح تسويلي وتلبسني الحجاب كنت أحكي لبابا بس يوم واحد خليني اروح ع المدرسه هيك بيحكيلي لألألأ و هلأ كبرت وكمان شهرين بطبق ال 16 سنه ،بس هلأ عندي عقده من الحجاب كبيره ما بدي اتحجب بكره الحجاب مو مقتنعه فيه ومو بس انو انا بغطي شعري وكمان بلبس جلباب وممنوع احط مكياج ولو حتى اشي خفيف مثلا جلوس وحتى ع البلكونه ممنوع أطلع غير وأنا لابسه الحجاب ولو حتى مسكره الكهربه..

حاولت احكي لبابا بس ما بأدر بابا عندو هادا الموضوع ممنوع نتناقش فيه ولا بأي طريئه انا مو قادره اعيش هيك يعني قد مأحكيلكم صعب صعب صعب اتناقش معاه ولو حتى بأشي عادي أخر شي بتبهدل وأخواتي هديك المره عملو مشكله عشان مدايئين و لأنا كلنا مخنوقين بس ما طلع بأيدهم شي وبابا ضربهم.انا بعرف الحجاب انو حريه شخصيه لأنو عنجد أزا انا مو مقتنعه بالحجاب ع الفاضي بتحجب يعني انا بتحجب بصراحه عشان بابا مو عشان الله أعزروني عن هاي الكلمه بس هاي الحقيقه وكتر الضغط بولد الأنفجار يعني انا بأمكاني أشلح الحجاب من وراهم !!! مشااااااان الله مو عارفه شو اعمل طبعا انا هلأ بفترة المراهقه ولما اشوف انا وخواتي صحباتنا كيف بطلعو وبفوتو ع البيت قدام اهلهم. بدون حجاب وهيك وعادي بموووت من البكى بسير ابكي وعفكره الوحده اخلاقها مو بحجابها انا كتير حاولت اقنع حالي بالحجاب بس ما زبط معي وأخر شي( شلحتو اكتر من مره من ورا اهلي )وأخر مره شلحتوهاي السنه لأنو شفت بابا عمرو ما راح يقتنع
وعفكره انا ما بدي ياكم تردو وتحكولي انك بحجابك متل الجوهره ومن هالكلام ولا بدي مسبات انا بدي طريقه ممكن أخلي بابا يقتنع فيها والي ما عندو لو سمحتو ما بدي تعليقات بايخه لأنها والله مشكله كتير كبيره عندي ويمكن عندك تعتبر مشكله تافها... واسفه طولت عليكم