شو اعمل

زاد الاردن الاخباري -

السلام عليكم انا بنت عمري 21 سنة تزوجت وانا عمري 19 اهلي زوجوني مع اني اخدت بالتوجيهي 80 وكنت حابة اكمل تعليمي بس ابوي شعر انو العريس اللي اجى مناسب وانو الفرصة ما بتتكرر مرتين المهم وافقت عليه لاني ما كنت حابة ازعل اهلي وحكيت انو ازا منيح رح يعوضني عن كل اشي لانو حالتو المادية كتير منيحة وشغلو بأبو ظبي وحاكالي انو رح يخليني اكمل تعليمي هناك تزوجت وسافرت معاه هناك اول سنة كان كتير منيح معي واي اشي بطلبو مستجاب وتعاملو كان ولا اروع من هيك بس بدت المشكلة لما طلبت منو انو اجيب ولد هو رفض وبشدة حكالي انو لسه صغار والعمر قدامنا مع انو مو صغير عمره35 سنة ضليت اشد عليه بهلموضوع وطلبت انو نروح على الدكتور وصار متل المجنون حكالي انا مش مريض وانتي المريضة وبعدها صار ينام بره البيت ومرات ما ييجي على البيت الا كل يومين وما يسأل وانا بالغربة لحالي وما بعرف حدى هناك حاولت انو ارن عليه وما كان يرد ولما اجى حكيتلو انو بدي ارجع على الاردن  اول اشي عارض وبعدين حكالي ازا بدك ترجعي ورقه طلاقك بتكون معك اولها خفت من الفكرة لاني صغيرة واكون مطلقة وما بدي اهلي يزعلوا اتحملت وبعدها صرت ازا بدي احكي معو اشي وما يعجبو يضربني ويسب ويحكيلي انو انتي اهلك ما كان بدهم اياكي وهما باعوكي وبدك ترجعيلهم همه اخدوا حقك مني ما قدرت اتحمل هاد الذل حكيتلو انو خلص رجعني وبدي اطلق حكالي ازا بدك ترجعي ارجعي بس ما تحلمي اطلقك انا هلاأ بالاردن عند اهلي اللي شهرين وهو ما بسأل ولا بدو يطلق وجديد عرفت انو كان متزوج قبلي وطلق لانو ما بخلف انا مش عارفة شو اعمل كمان اهلي بلوموني لاني تركته بحكولي كان لازم تتحمليه يعني لا هون مرتاحة ولا هناك مشان الله تحكولي شو الحل مرات بفكر اموت بس برجع وبستغفر (اسفة على الاطاله