أفيدوني …

زاد الاردن الاخباري -

السلام عليكم

أنا بدي أطرح مشكلة او بالأحرى هي قضية بعاني منها أنا و الكثير غيري.

أنا بدي أتزوج و لكني مغترب ، كل الذي املك من الوقت هو في أفضل الأحوال شهر واحد لإتمام كل شيء.

يعني بتنزل على الأردن بتكون امك شايفة 3 او 4 صبايا بدك اسبوع تا تشوفهم و ممكن يعجبوك و يمكن لأ ، وممكن انت تعجبهم و يمكن لأ ، في أحسن الأحوال عجبتك وحدة بدك كمان اسبوع عشان الزيارة الثانية والثالثة والسؤال والاتفاق . و بعدين كتب الكتاب وتحضير للحفلة و الأمور الأخرى   بدها كمان اسبوع
يعني بالمحصلة معاك باقي اسبوع واحد بس عشان تتعرفوا على بعض وجه لوجه . هذا في أحسن الأحوال اذا لا سمح الله ما صار شي حادث وفاة أو مرض أو غيره.

هل من المعقول انك خلال اسبوع واحد أو أقل تكون تعرفت بشكل تام على شريكة حياتك و هي تعرفت عليك ؟؟
بالنسبة إلي.. نزلت أول سنة بعد وصولي باسبوع صار في العائلة حالة وفاة (اقارب درجة اولى)    وراحت اجازتي بدون خطبة ، والسنة الثانية نزلت وما صار نصيب على قولة " ما بدي أعيش بالسعودية "  أو ما يصير في ارتياح أو اعجاب متبادل . لأنو لو راح أول اسبوعين بدون ما تلاقي حدا .. خلص عيدت و راحت للسنة الجاي.

و إذا تمت الامور كلها بخير ، بنرجع للموضوع الأول .. فترة الخطبة اسبوع  :(
بصراحة أنا صار عندي حالة إحباط عنيفة و مش عارف شو أعمل.

فأفيدوني …                 و شكراً