محتارة ماذا أفعل ؟؟؟

زاد الاردن الاخباري -

السلام عليكم ...

 بتمنى من الجميع نصحي لاني بجد بحاجة للنصيحة و مشكلتي
مو عاطفية ابدا بس مشكلتي باني بدي اخد قرار باشي كتير مهم بالحياة
انا عمري 23 سنة كنت بشتغل و انا بدرس و الحمدلله كملت شغلي بعد التخرج
و كل اموري تمام ... معي زميل بالشغل من 3 سنين انا وياه كتير صحبة و هوة كتير محترم
و ابن عالم و ناس ... من جديد صرت احسو بيلمحلي عني و انو بدو يخطبني
و انا كتير فرحت لانو احلى اشي انو شريك الحياة يكون صديق و بيفهم علي و بفهم عليه
بس فاجأني بقصة ما كانت لا عالبال ولا عالخاطر و ما عمره حكالي عنها من قبل
انو هوة حامل لفايروس التهاب الكبد الوبائي جيم (سي) و انا ما ابديت اي اعتراض
لانو ما كنت اعرف شو هوة هاد الاشي و لما سألت ناس حكولي عنو خطير
و انا مو عارفة شو درجة خطورتو مو عارفة اكمل معاه و اخطب او اتركه عشان هيك
و انا حتى انو اتركو لهاد السبب كتير رح اجرحو بتمنى من الي عندو خلفية عن هاد المرض
يحكيلي و ينصحني لاني كتير بحاجة انو اقرر , هاد قرار كتير صعب ورح يأثر على حياتي
لانو معدي و انا خايفة ... بتمنى انكم تساعدوني