ساعدوني ارجوكم !!!

زاد الاردن الاخباري -

مو عارفة من وين ابدأ بمشكلتي , للاسف اشتغلت بمكتب عن طريق صديق للعائلة وطلع المدير انسان غير مؤدب بالول كنت افكر انو انا غلطانة واحكي حرام اظلمو ولانو بعرفو صاحب والدي صرت ابرر تصرفاتو , وكان في موظف بالمكتب متزوج كان يساعدني اني اتخلص من حركشات المدير وهاد الموظف كان يتواصل معي عن طريق الشات بالمكتب وكان يحكيللي هاد الشب انو بحبني طبعا" كأخ وانو ما بدو غير يساعدني ولما تصرفات المدير زادت عن حدها قررت اترك المكتب وفعلا استقلت المفاجأة انو المدير كان عندو كل الشات وعرف شو بنحكي عنو انا والموظف  وصار يحكيللي المدير رح اورجيكي المهم استقلت وتركت المكتب وبعد اسبوع عرفت انو جمع الموظفين وحكالهم عارفين الموظفة هاي ليه تركت لاني اكتشفت انها ععلاقة مع موظف بالمكتب  وطلب من موظفة تشوف الجزء اللي بدو اياه من الشات مع انو ما في اشي بس مثلا" ورجاها كلمة " والله اني بحبك "" تكملة الجملة طبعا" ما ورجاها وكل اللي في المكتب صدقوه

يا ريت وقفت المشكلة لحد هون انا ما عرفت ادافع عن حاللي لانو ما في اشي بايدي المهم مرق عالقصة 6 شهور وبالصدفة قابلت واحد طلع بشتغل عندهم بعد ما انا طلعت وعرفت منو انو كل واحد بيجي عالمكتب بمسكو هاد المدير وببلش يحكيلو عني

مو عارفة شو أعمل الدنيا صغيرة والكل بعرف الكل كيف بدي ادافع عن حاللي حاولت قد ما اقدر ما في فايدة والله انا بنت مؤدبة ولو بدي اكون قليلة ادب كان ضليت عندو لانو خلال شهر زادلي راتبي 50 دينار وعيني مديرة مكتبو

بعرف طولت بس مو عارفة شو أعمل خايف عسمعتي منو وما بقدر احكي لاهلي لانهم لو عرفو هيفكرو انو عن جد كان في علاقة بيني وبين الشب المتزوج

ساعدونييييييييييييييييييييييي