قلبي انطفى طول الحياة

زاد الاردن الاخباري -

الحياة حلوه بس نعرف كيف نعيشها وانا بحاول اعرف كيف اعيش الحياة بس مو زابطة معي وبعمرها ما رح تزبط.

عمري  24 سنة ولساتني بدرس وبشتغل وانا بدرس اتأخرت بالدراسة لظروف مادية واني حولت من تخصص لاخر ، قصتي طويلة وبتمنى تقرؤها من البداية لاخرها علشان لما تعطو رايكم تعطوه فعلا وانتو عارفين كل تفاصيل القصة.

قبل سنة كنت اشتغل بمركز واتعرفت على شاب وطلب من الارتباط ولكن هو ليس موظف وطلب اني انتظره واجا قرأ فاتحتي بمعني " حجزني" بالعامية وصارلنا تقريبا سنة مع بعض حبيتو حب اكتر من حالي وقف معي بشغلات اخوي ما بوقفها معي وطلب اترك الشغل علشان يريحني ضحيت بعمري كرمالو وانا فتاة ملتزمه وما بحب اغضب ربنا علشان هيك اتمسك فيي وهو ببادلني نفس الشعور القصة بلشت بانو في شغله صارت معي قبل ما اعرفه وهي انو انسرق مني فلوس ومبلغ كبير وهو كان مو الي رنيت على محامي وسألتو مجرد سؤال واستشارة قانونية انو بقدر ارجعهم وبس ما كنت بدي ارفع قضية لاني حكيت بعدها انا بنت وما بصير اعمل مشاكل وحكيت املي بالله كبير وهو بيرجعلي حقي وللصدفه طلع المحامي صاحب لاهل خطيبي ولما عرف اني خطيبتو نقل الصورة بطريقة غلط انو انا ضاحك علي شب بالفلوس وكنت بدي ارفع قضية وحكى هالحكي قدام عمتي واخوان خطيبي الستة وهالمحامي اتقدملي قبل سنتين وانا رفضت ومن هبلي رحت استشرتو ، انا بكتب بقصتي ودموعي على خدي وبتنزل على الكيبورد اتغلبت كتير بحياتي ابوي متوفي
 
اهل خطيبي صارو يحكولو يا نحنا يا هيي مع انهم عرفو اني مضلومه وما الي دخل واتبينلهم الصح بس ظلموني ووقفو بطريقنا وبدهم يحرمونا من بعض  وهمي مو راضيين يغيروا رايهم مع انو الشغله مو مستاهله انا مظلومه وصاحبة حق والمفروض يوقفو معي  وانا مجرد سالت محامي سؤال صاروا يحكولو بكره بيجينا من وراها مشاكل وما بدنا كل هالزواج.

كيف بدي ابعد عنو وانا روحي معلقة فيه وهو امل حياتي ووقف معي وهو مثل الضايع ويلو انا وويلو اهلو شو اعمل هاي حياة ومستقبل ليش  يوقفو بطريقنا ويحرمونا من بعض طبعا رح تحكولي بكره بتنسيه انتو غلطانين هاد حياتي وعشت كل احلامي معو وصعبة علي انو نفترق وبس افكر بانو رح يتزوج غيري او اكون مره لحد غيرو بنجن بنهبل وباكل حالي من الغيرة وممكن يصيبني مرض نفسي من كترما بحبو .
شو اعمل مشان الله ساعدوني اعطونا الحل كيف نخليهم يقتنعوا ورجاء لا تحكو رايكم  الا بكل جدية وبعد ما تدرسو حالتي منيح انا ضايعه وهلا عندي امتحانات فاينال على اخر فصل تخرج مش عارفه ادرس صعبة جدا علي .

ليش الناس ظالمه هيك فوق الظلم الي موجود بالحياة بس انا املي بربنا كبير وما رح ينساني لاني صادقة ومو عامله شيء غلط.
بطلب مساعدتكم بترجاكم تساعدوني صعب ابعد عنو اتقبل انسان غيرو او مو صعب مستحيل وهو نفس الشيء صرت اشوف كل الشباب ما بستاهل اتزوجو وحرمت على حالي الزواج كرمالو اذا ضلو اهلو هيك.

لا تحكولي ليش مكبرتيها حطو حالكم مكاني واحكموا وحتى لو حطيتو حالكم مكاني كل انسان بتختلف شخصيتو عن التاني انا لاني صادقه وحبيتو بصدق عم بموت اول باول ومرضت مرضة كبيرة ممكن تأثرعلى حياتي بسبب الموضوع ادعولي وفكرو معي بالحل كل شيء بالدنيا الو حل بس نحنا مو ملاقيينو صبروني بترجاكم ساعدوني بعد رب العالمين وبحكي انو لو عملنا شيء غلط السبب همي الاهل يعني لو شفنا بعض هلا من دون علم الاهل اهلو السبب الاهل مرات بيضيعو حياة اولادهم .

وما تفكرو لو بدي اتزوج بكره بتزوج انا فتاة جدا جميلة وعلى مجرد ازا بمشي بالشارع بلفت نظر كل شب بجمالي وادبي واخلاقي واحتشامي وكل يوم بيجيني عريس بس والله والله والله ازا ما اتزوجنا بعض ما الي نفس لا بخطبة ولا بزواج من حد تاني والله انا بحكيلكم الصح وما عم بخبي عنكم.

بتأسف اني طولت بالحكي وانا ما بحكي كتير بس قصتي هيك طويلة ومتعبة والزمن مر