قم للمعلم وفه التبجيلا

زاد الاردن الاخباري -

السلام عليكم يا قراء زاد
انا الحمدالله ما عندي مشاكل مدمرة بس عندي هالمشكله اللي جد متعبتني (طبعا اذا عندي غلط في الاملاء مو مشكله عدوها) انا معلمة لغة انجليزيه درست في الاردن سنة صف سابع تامن تاسع لكن كنت مستمتعة في مهنة التدريس.

هلاء انا في الامارات وبدرس صفوف توالت بس اصحا كل يوم حتى اروح على الدوام بكون كأني رايحا على جهنم بتأخر في اللبس وفي كل شي حتى جوزي يزهق وما ياخدني على المدرسة ومع هيك بياخدني .مو قادرة اسيطر على الاولاد هدول طلاب شرسين مو مربين جايين على المدرسه حتي يلعبو وياكلو بس .ما بهتمو لا في كتاب ولا دفتر ولا بحترمو كبير ولا حد .قالولي عززيهم عززنهم اشكميهم شكمناهم ولا نافع شي .ممنوع الضرب والصراخ ممنوع التهديد والتخويف طيب كيف بدي ادرسهم والصف فوضا مو عارفة
ما بصدق ال 45 دقيقة يمرو بطلع من الصف كأني طالعو من معركة . شو اكتر من انو طالب يعضني في ايدي لما اجت امو بتقول والله ابني مأدب في البيت , ولما طالب يحكيلي والله بسفرك مفكرني شغالتو الهندية .صرت مغيرة 3 مدارس كل مدرسة درست فيها 3 ايام واشي يوم واترك لنفس السبب

بتمني تعطوني طرق لظبط الصف استعملت اسلوب الهدايه والمكفاءات والصراخ ما خليت شي
مع اني معلمة متمكنة من الانجليزية وادرس منهاج امريكي لكن تنقصني الخبرة في التعامل مع هيك قرود