التخبط بقرارات عودة ابنائنا جلبت لهم الويلات .. نور مثالاً برسالة مؤلمة

التخبط بقرارات عودة ابنائنا جلبت لهم الويلات .. نور مثالاً برسالة مؤلمة

زاد الاردن الاخباري -

خاص - لا شيء سوى الاحباط سكن الطالبة نور ومثيلاتها بحلم العودة لاحضان الوطن في ظل جائحة كورونا الملعونة ..... فبعد الصبر واستنزاف كل ما لديها من مال وحتى ما لدى عائلتها بالاردن وبعد طول انتظار وخوف وهلع اهلها عليها وتعداد الساعان بل الدقائق لعودتها كانت الصدمة .

فبعد ان انطلقت بشائر العودة لارض الوطن ودخلت السعادة لقلوب الجميع بأن الكابوس اقترب على الانتهاء ..... وبعد اكتمال كافة اجراءات العودة والحجز كان الخبر الصاعق ليلة امس بالغاء الرحلة القادمة من قبرص .

نور فتاة اردنية من ابناء الاردنيات المتفوقات والتي حصلت على منحة دراسية بقبرص الا ان هذه المنحة اصبحت لوعة جراء تقصير حكومي غير مبرر بالتخلي عن عودة ابناء هذا الوطن باللحظة الاخيرة من استعدادهم للعودة .

رسالة مؤلمة حطتها والدة نور لزاد الاردن بقلم ابنتها التي اغتربت حينما اطمأن الجميع بأن الوطن لا يمكن ان يتخلى عن ابناءة تحت اي ظرف .
نترك لكم الرسالة كما وصلتنا بانتظار اي تعقيب حكومي او حل او بشرى لاهل نور :

انا نور ، طالبة بالجامعة الاردنية بدرس لغات ، قدمت على برنامج Erasmus + وطلعتلي منحة على قبرص فصل ربيع ٢٠٢٠ ، سافرت الى قبرص والتحقت بجامعة قبرص كفصل دراسي واحد ، بلشت الكورونا وسكرو كل الدول وما قدرت اروح ، اجى الوقت الي كان لازم اروح فيه بشكل طبيعي ٠٢/٠٦/٢٠٢٠ وبما اني ابناء اردنيات ما قدرت ااقدم على المنصة بالمرحلة الاولى واروح. اجت الفرصة اني ااقدم على المنصة للمرحلة التانية وسجلت وخبروني انو ازا في رحلات رح يعطوني خبر لاحجز ، ما صار شي وما كان في رحلات واستنيت شهر وخلص يونيو وبلش يوليو وانا بعدني ما سافرت ، الفكرة انو انا كطالبة ايراسموس وجودي بالدولة الاوروبية مؤقت ، اقامتي خلصت وفلوسي قربو يخلصو والمنحة خلصت ، ما ضل غير اني اروح وارجع لاهلي . خلص شهر يوليو وانا بستنى ولما اعلنو عن فتح المطار ب٥ اغسطس فرحت كتير وقررت احجز بعد ما اتاكد انو الرحلة موكدة ، اليوم ٤اغسطس حجزت الرحلة وبلشت اجراءات تجهيز الوثائق المطلوبة وعشاني ابناء اردنيات وجوازي اردني بس ما معي رقم وطني لازم اعمل تامين سفر ( مع انو شركة التامين لما رحت عندها لاعمله استغربو كيف اني معي جواز اردني وبدي تامين سفر لادخل الدولة الي انا ساكنة فيها ) ، حجزت موعد لفحص الكورونا ودفعت حقو والحمدلله الامور بتمشي بيسر ، بفتح النت بلاقي خبر انو فتح المطار تاجل ، انا مافيي اضل هون اكتر ، اعدت شهرين هيك وانا بستنى خبر ، مصروفي خلص حتى انو حق تيكت الطيارة اخدته من اهلي ، بس من شان الله اروح حتى صاحب السكن قلتله بس خليني اقعد هدول الاربع ايام وانا بعدهم مسافرة ، هدا تاني سكن بغيرو ما معي لادفع اكتر .

---