رميت القلم وكسرت الطبله

زياد البطاينة - جلست لنفسي ...وانا بعرف انه في بلدنا يظل عمران بحس قيادته واهله قوانين ومشاريع قوانين وانظمه وتعليمات وتعاميم واللي بدهم اياه بنفذوه ...واعرف انه في حريه بل هامش حريه والشاطر من يستثمره في حدمه رسالته ...وبعرف الناس بتطالب باحزاب وقنون انتخاب وبتخفيض الاسعار وشرح فاتورة الكهربا والنفط وانه في رقابه عالكلمه وانها بدها رسوم وطوابع وبعرف انه اللي بخرج عن الخط في فرم اصابع وووووو
وتذكرت اني صحفي مخضرم واستاذ وعضو عشر نقابات عالميه وعربيه ومحليه وان الصحفي عليه واجب ورف المهنه يحتم عليه ان لايجاري ولا يحابي وان يكون حياديا برايه لايخشى بالحق لومه لائم وان عليه واجب تجاه وطنه وامته ورسالته من هنا سمحت لنفسي ان اكتب هذه المقاله
بعد ان وصلت الى ان
حكوماتنا مظلومة .... مظلومه..... والشعب ناكر للجميل...واخو ؟؟؟
اعتقد ان هذا الحكي راح يرضي الكثير ومنهم بهالحكي... كانك تحك لهم على جربه شو يعني شعب... وشو يعني حكومة... وشو يعني قوانين واسعار وبنزين وكاز وغاز واراضي وتصدير واستيراد شو يعني الشعب بده ديمقراطية.... طيب وشوهي الديمقراطية و ليش الديمقراطية بدنا اياها..... واحد منا بقول احنا شعب غشيم شو بعرفنا بالديمقراطية وسخام البين.... وشو فيها لو الحكومة عدلت الدستور ولا ضيع الواحد عمره عباب ديوان الخدمه صاف بالطابور.... ماهو ان راح ولا اجا بهالزمن المر صار الكل مقهور بس الحالوالحمد لله مستور وخليها بالقلب تجرح ولاتطلع وتفضح شو يعنى انتخابات وقوانين واحزاب وتعددية؟؟؟,
وشو يعنى حقوق انسان؟؟
وشو يعني لما تعين الحكومة مستشار ولا مدير مكتب...براتب عشره من الغلابى ولا تطير فلان بدون سبب ولا تعين فلان وهو متخرج امبارح باعلى الوظايف وبصيرقوي يناطح ماهو مسنود وماعليه قيود ؟؟؟ وشو يعني لما بلغي الرئيس تعيينات اللي قبله ويحلق للي عينهم من سبقه؟؟؟ شو يعني لما بوقف وبتحدى وبصر على انه لازم يبقى فلان ولازم يروح فلان ؟؟؟؟
شو يعني لما تعين المعيد والعميد ,وتدعي للتجديد... طب ما الناس صاروا بهالزمن اسياد وعبيد؟؟؟ شو يعني لما يرفعوا سعر البنزين الزيت والسمن والطحين.... شو يعني الاف عن العمل عاطلين وشو يعنى لما تحبس صحافيين وهم فى الاصل بنظرهم شوية كدابين ...وشو يعني لما يحطوا راس الشعب با لطين؟؟ وشو يعني الحرية والديمقراطية والكرامه ؟؟؟ وشو يعنى لما نندفن بالحيا واحنا عايشين وشو يعنى لما فى المطار اول كلمة تنقال الاردنيين على جنب ؟؟؟؟ وشو يعني ولما بنوقف عباب السفارات من الصبح للمساء والجواب مافيش ماهو الواحد منا راح ولا اجا ابن ...... شو يعنى بلد بتتسرق ولا بتتحرق وشو يعنى كام عمارة بتقع و كام الف مشروع فشل وشو يعنى لوكم واحد من هالشعب انتحرمن برج الاسكان ولا بناية الفانك او شنق حاله بحبله ؟؟؟
شو يعني لوباعو ارض العبدلي وشو يعني لو الراتب بدقيقة طار...ولا ضانا ولا المطار شو يعني لو ظل الديان عباب الدار ينطر طول النهار ؟؟ شو يعني لو البنك حجز عالدار وباع الاثاث والاحجار شو يعنى لما يتحول الظلم عدل والعدل ظلم .....
وقال بيقولو كيف المسئول ينام وعيونه بتغمض ويحلم
وماعد محدودي الدخل ومعدومي الدخل واللى عايشين فوق فوق واللي عايشين فى الوحل واللى عايشين فى الترب واللي حمل شناطيه ومن الوضع هرب...
,شو يعنى لما يبقى فيه اطفال بالشوار ع بلفوا عالحاويات وعلى ابواب العمارات وبين السيارات وبلموا علب البيبسي وبشربوا اللي ظل فيها وبطعجوها وبجموعها وبروحو يبيعوها بقروش يشرب ولا يوكل فيها
شو يعني رسوم وطوابع بتتضاعفعباب الوزارات والدوائر لانه الموظف بتقا سم مع المراسلوالمراسل مع الموظف وهات هات والحكومة ماحطت ماكنه توخذ الحق وتعطي الحق ؟؟؟؟
شو يعني ضرايب اشي معروف واشي ماهو معروف؟؟؟حتى صرنا نقرا ضريبه على ضريبه شو يعني لو راح الولد عالمدرسة بدون مصروف وصار يحسد زميله على باكيت الشبس ولما يقرب منه بقول له بس... شو يعني لو مرض لو مات لو نام بالشوارع بالحارات والحلو بسموه تسريب...... وشو يعني لما يبقى عندنا كل كام شهر كام قتيل بالشارع ولا بالحي
شو يعني ضابط لما يضربك على رقبتك.... شو مش عارف لويش الرقبة خلقها الله..... ولا فكرك علشان ياخد مقاس ايدية..... افهم يا بجم اعرف القصة و اوعى مهما يبهدلك ضابط ولا شرطي ولا يضربك تكون اهبل وترد علية..... لانه تقرير واحد بخليك شهور عنده .....شو يعنى بلد بتنباع شو يعنى كل شىء ضاع وشو يعنى مستشفياتنا للزباله ومقابرنا لفشة الغل والسكر والممارسات الخاطئة شو يعني لو غاصت السيارة ولا البنت والطفل بحفرة بالشارع ولاسيارة انكسرت على جبل بسموه مطب و لو عجال السيارة اكلتها عين القط اللي بمواصفات مميزة لعيون من صنعها النا ولهالزمن المر..... ولا وين بدك يودو هالزبالة وشو يعني لما اللى يموت منا يحطوة بالسريرولا بغرفه عزرائيل وبستنوا مين يدفع الفواتير ولا بظل محجوز تايقرجها الله ......شو يعنى لما ناكل لحمة كلاب وحمير وبعد في ناس بتتكلم عن الضمير و لما نشرب مية مجارى هو احنا كنا لاقيين.....مالتناكات مصدرها مجهول والقوارير معبيه من الحنفيه اغلى من البيبسي شو يعنى لما يبقى اللى عندهم الكبد والسرطان وملايين الامرض بايد رب العالمين وشو يعني لما الواحد منا ببيع كبد وكلى بالف دولار ولا الفين ما هو فى الاخر عارف رايحات لوين.. اجرة سكن وتلفون وكهربا ومي واكل ومارس واذا ظل شي ضرايب حكوميه... والراتب بح ....
شو يعنى الجيب خاوى و معهوش حق بكيت الدخان هو يعنى احسن من مين.... شو يعنى لما يبقوا كلهم مديونين وشايلين الطين ما كل الاردنيين مديونين واللي مش مديون نايم بالسجن عشكات مش مدفوعه ولا على اموال البورصة اللي تدينها على امل؟؟؟؟ انتم مفكرين نفسكم وين بتقولوا عمارات وبيوت وكلهن مرهونين بتقولوا الزراعه مش جايبه همها وحالتهم كرب لعلمكم هاى هيه سياسية الارض
وبيقولوا كمان فية ناس عاطلينعن العمل ... طيب ما يشوفوا فية قديش موظفين اخذوا دور المساكين بواسطة نائب او دافعين.... والبعض راتبه بعين ميه موظف ... ولسه ماصار له شهر متقاعد
عيب الناس انهم مش فاهمين شو يعنى احتكار وشو يعنى لما الاسعار تغلى كل ساعة ولا كل نها...ر هاي اسعار عالمية واحنا لسة فى اول المشوار اللى بيفهم من الناس صاروا يسموه حمار والصابر جمل والمسكين ارنب وحرامي فار.... شو يعنى خطط خمسية ورسوم جامعية وتوجيهي
من الاساس تعليم التعليم للي نزل اسمه من الديوان ولا تحت اسم المكرمه ولو كان شبعان ابن شبعان العلم مش للفقير التعبان سيبك من المعارضين وجرايد المستقلين طب ما الشعب بياكل ببلاش

شعب مقرف صحيح وثانويةوشو يعني رسوم لفزيةن ومجاري وصرف صحي ومواقف والبعض سثقه مهدوم مش لاقي يصلحه

قال شو بدهم المعلمين ماعندهم ظل الا شوية الاعتصامات واضرابات وقايمين بمظاهرات شوية زعران ولا اولاد خارجين على القوانين بدهم يعملوا فى البلد حالة.... وشو يعني لما يبقى كام مليون عليهم حكم قضائي مش منفذمره بسموهم معثرين ومرة مطلوبين ومره غارمين .... شويغني لما النصب زاد وشو يعنى لما ينتشر الفساد بطول وعرض البلاد..... شو يعنى لما يبقى الظلم عدل والعدل ظلم
وقال بيقولوا كيف المسؤول ينام...... الحكومة ياناس عندها حق وعيب الناس انهم مش قادرين يفهموا الحكومة.... والحكومة مش راضية تتطلع وراها وينحسب عليها رجوع للورا والمعارضة تقيد للحكومة شموع لان كل يوم فيه جديد وبحد ذاته عيد انابدي حد يقولى فية اكتر من هيك راحة

وساعات كمان بيبقى كاتب عليها عضه اسد ولا نظرة حسد شفتوا الموضوع وصل لحد وين بس انتم مش فاهمين الحكومة وبتظلوا تقروا وتكتبوا... وهيه مابتقرا ورق بس من جوه قلبها عليكو احترق بكفي عاد يانمور من ورق بس صدقوني انه احنا احسن من غيرنا بكثير
pressziad@yahoo.com

---