شاهد: محمد هنيدي يثير الجدل بتصريحاته عن فيلم "يا أنا يا خالتي"

شاهد: محمد هنيدي يثير الجدل بتصريحاته عن فيلم "يا أنا يا خالتي"

زاد الاردن الاخباري -

كشف الفنان المصري محمد هنيدي عن تعرضه لموقف مرعب ومخيف خلال تواجده في شقة الزمالك، التي وصفها بأنها شقة مرعبة.

و قال هنيدي: "لما كنا بنعمل فيلم "يا أنا يا خالتي" اللي كان بيدور حول الدجل، كانوا بيقعدونا مع ناس في المجال ده فأنا رفضت، وأنا قلبي خفيف في منطقة العفاريت والجن والكلام ده"، وفق (لها).

و أضاف" خلال فترة عرض مسرحية "حزمني يا" حصلت على سلفة 600 جنيه وقلت عايز آخد شقة في الزمالك في شارع مشهور، وطلعت أنا والمؤلف أحمد عبد الله الشقة وفجأة سمعنا صوت حد بيطبخ، وكأن ست بيت قاعدة شغالة بتطبخ وقتها، اتشليت وابتدينا نتوتر وهما يعلوا الصوت وكأن أمي قاعدة جوا تطبخ".

و تابع" قلت لأحمد عبد الله أنت سامع اللي أنا سامعه، وشوية قاللي أنا حاسس إن السقف بينزل، وقمنا اخدنا الشنط وإحنا بنلم شنطنا لقينا صوتهم في المطبخ بيزيد، وإحنا بنجري قابلنا الراجل اللي قام بتسكينا وقال لنا هو محدش قال لكم حكاية الشقة فطلعت مسكونة".

و كشف عن عدم حبه مشاهدة أفلام الرعب قائلاً: "أنا في الحقيقة مبحبش أفلام الرعب ولكني بحترم الناس اللي بتعملها، والرعب زمان كان عبارة عن موسيقى مخيفة دلوقتي ممكن نشوف ناس بتتقطع قدامي ودا أنا مش معاه".

وأضاف" مراتي قعدت فترة تحب تتفرج على أفلام رعب وأنا ما بحبهاش، ومرة سبتها ودخلت نمت لقيت الكهرباء قطعت والصراخ اشتغل".

---