شاهد: محمد هنيدي يكشف عن أهم أسرار حياته للجمهور

14-04-2022 05:29 AM

زاد الاردن الاخباري -

فاجأ الفنان المصري الكوميدي محمد هنيدي جمهوره، بتخصيص وقت معين لجمهوره ليرد على أسئلة متابعيه عبر حسابه الخاص عبر موقع التواصل الإجتماعي (فيس بوك).

و قال هنيدي عن أكبر عزومة أكل دُعِيَ عليها: " كنا أنا وعلاء ولي الدين قبل مانتشهر، كنا بنروح المهرجانات ونضرب البدل وندخل البوفيهات بعد الافتتاح ونضرب في البوفيه المفتوح"

و أضاف" ففي مرة لقينا الفنانين كلهم في مطعم كدة بعد الحفلة، دخلنا وقعدنا ومحدش يعرفنا خالص، وعمال الجرسون يحطلنا أكل ونطلب تاني، ويقولنا تحبوا تجربوا كذا ونقول ماهو ببلاش، نجرب، وعلاء يقولي الراجل ده كريم أوي".

و تابع" خلصنا وجايين نقوم وبنخرج من المطعم، لقينا كل اللي شغالين في المطعم ورانا، كنا خلصنا تقريبا نص البوفيه، المبلغ قعدنا نسدد فيه أنا وعلاء ست شهور".

و أجاب على سؤال ماذا تفعل لو رأيت علاء ولي الدين الآن؟

قال هنيدي:"هنسكت، مش هنتكلم في حاجة في مرحلة في الصحوبية خلاص أنت مش محتاج تتكلم، دماغكم وروحكم بقت واحدة، عينك لوحدها هتقول كلام عمره مايتوصف ولا يتقال".

و كشف هنيدي عن مكتشف موهبته، حيث قال: "عارفين هشام منصور الممثل اللي كان عامل في صعيدي في الجامعة الأمريكية مشهد "هي دي شقة المعلم فوزي ومراته الجديدة"؟".

و أضاف" أول يوم في حقوق هو كان رئيس فرقة التمثيل، فلقيت واحد جاي بسرعة كدة عليا وبينهج وكأنه هيضربني، بيقولي أنت عايز تمثل؟ بقوله أيه ... قالي نفسك تمثل؟، قلت له مش فاهم؟ قالي اسمك ايه اسمك ايه وبيزعق كده، قلت له محمد هنيدي، قالي خد أملى الورقة دي، قلت له ورقة أيه، قالي املاها من غير كلام".

و تابعت" طبعا أنا خوفت خصوصا أنه كان أطول مني، بعدها تاني يوم بليل كده لقيت الباب بيخبط، بفتح لقيته ع الباب وبيسألني .. هي دي شقة محمد هنيدي؟، قلت له يخرب بيتك، أنا محمد هنيدي أنت أيه اللي جابك؟ قام قايل لي مش تكتب عنوان صح بقالي 3 ساعات بدور عليك، أنتوا طابخين ايه؟! دخل وأكل معانا ومن يومها بقى صاحبي وحبيبي".

و إختتم هنيدي إجابته عن السؤال الذي حير عدد كبير من متابعيه، حيث قال عن طوله: " السؤال بيتكرر كتير، وللآسف هضطر أجاوب عليه والاجابة هتكشف عن واحد من أسرار الكون، فلما بدات تمثيل قبل شهرتي كان في مشكلة كبيرة جدا بتواجهني، وهي أنني كنت طويل جدا جدا لدرجة أن وشي كان بيخرج من كادر الكاميرا، والكاميرا بتوصل لسرتي، وطبعا مش همثل بسرتي خصوصا أنني بدأت أغير منها، مش معقولة سرتي تبقى أشهر من وشي".

و أضاف" سافرت السنغال، لأن فيها ناس طويلة كتير وبيواجهوا نفس مشكلتي، وهناك التقيت بساحر سنغالي، نفس الساحر اللي ساحرلنا في تصفيات كأس العالم، و عمل لي حجاب أن الناس تشوفني قصير والكاميرا كمان تشوفني قصير، وفي حالة أنني قطعت الحجاب ده أو ضاع مني، هرجع طويل تاني".