ما هو أفضل استثمار؟

زاد الاردن الاخباري -

صراحة انا عارف انه بجوز البعض ما يشوفها مشكلة، بس حاب اسمع اراء القراء، بجوز اسمع رأي ما يكون خطر ببالي، انا شاب عمري 28، بشتغل بالسعودية من حوالي سنتين، واشتغلت سنة بالاردن قبل هيك، الحمد لله ربنا اكرمني وانعم علي ورزقني، مع العلم انه كنت فقير في الماضي، وكنت مشغول بدراستي واحرم نفسي من كل شي، حتى موبايل كنت اتمنى يكون معي ، كل صحابي بالجامعة كانوا يعايروني، من باب انه كنت اهتم بس بدراستي، وما احب المسخرة والضحك على البنات، حتى تخرجت وما حكيت ولا مع بنت، المهم صراحة انا مش مفكر ارتبط، ومعي حوالي مبلغ 40 الف دينار في البنك والمشكلة محتار شو أفضل استثمار ممكن اعمله، طبعا بالنسبة لأرتفاع اسعار الشقق والاراضي هاد المبلغ ما بيعمل شي، بس كمان مش كويس ما استغله، سؤالي: ما هو انسب طريقة لأستثمار المبلغ: شراء شقة، ارض، الدخول شريك في مشروع؟ صراحة لازم اتخذ قرار قبل ما تنتهي اجازتي، وخايف أجل الموضوع سنة و أرجع وألاقي الاسعار ارتفعت اكثر؟ نقطة ثانية ما بحب القروض او اشتري وأقسط لانه رح ظل فكر كيف رح اسدد وانا ما بحب الديون او قروض البنك لانها حرام، وصراحة حاب اعمل مشروع او شي يكون الخطوة الأولى نحو النجاح ، وحاب اسمع رأي سديد بجوز يكون إله فضل علي بالمستقبل ، بعرف انه البعض بجوز يوخذ الموضوع بعدم جدية بس بالنسبة لي بحب اعرف كيف الناس بتفكر لو كان معهم المبلغ ؟ شو الحل وما هو انسب طريقة للتصرف؟