بالفيديو خالد زكي يشعر بالقهر: بعت عربيتي من 2011 ولا أملك رصيدا في البنك

بالفيديو خالد زكي يشعر بالقهر: بعت عربيتي من 2011 ولا أملك رصيدا في البنك

زاد الاردن الاخباري -

أثار النجم خالد زكي النقاش حول الأحوال المادية لجيله من نجوم الفن، ضاربا المثل بنفسه، مؤكدا أنه باع سيارته منذ العام 2011 لتدبير نفقات معيشته، على أمل تتحسن الأمور ويستطيع شراء سيارة جديدة، ولكن هذا لم يحدث ومن وقتها يستخدم سيارة زوجته، كما نفى امتلاكه أي رصيد في البنوك، وقال إنه يشعر بالقهر لأن ما يعانيه، يتكرر مع أكثر من نجم من رفاق جيله.

وقال خالد زكي في أول ظهور له بعد شائعة وفاته، خلال حواره مع الإعلامية بوسي شلبي في برنامج برنامج ليالي TeN: أنا ليس لدي رصيد مادي في البنك؛ لأني للأسف مشيت بطريقة كان الناس بتختلف معي بها، وهي اصرف ما في الجيب يأتيك ما في الغيب فكنت بحب أعيّش أهلي وأخليهم سعداء وكان بالنسبة لي أنا آخر حاجة أفكر فيها خالص فمعملتش حاجة خالص لي.

وأضاف: الظروف المادية بتلخبطني ومينفعش أقول ده.. عشان محدش يقول الفنان الفلاني مايعرفش يجيب كذا.. ومن 2011 بيعت عربيتي على أمل إن الظروف لما تتحسن هجيب عربية، والحمد لله الظروف اتحسنت كوضع أمني ولكن أنا لحد دلوقتي بركب عربية مراتي ومش قادر أجيب عربية؛ لأني بفكر إن الفلوس اللي ممكن أجيب بيها عربية أقدر اصرفها في الأكل والالتزامات، وبحس بقهر من جوايا على الأحوال المادية بالنسبة لجيلنا.

وكشفت دينا ابنة خالد زكي، كواليس الفترة الصعبة التي عاشتها بسبب انتشار شائعة خبر وفاة والدها، وقالت في مداخلة هاتفية عبر قناة ten: "لقيت بابا بيقولي متقلقيش لو سمعتي خبر زي ده، لكن قلبي وجعني جدًا لما فتحت وقريت الأخبار".

وأضافت: "الموضوع انتشر بسرعة، دخلت لقيت حد بيقول الموضوع أكيد وإحنا اتأكدنا من مصدر رسمي، قولتله حضرتك أنا بنته، فالموضوع سخيف جدًا".

وتابعت: "ربنا يخليك لينا يا حبيبي، خالد زكي الأب ده ملوش حل، كلنا عارفين أنه بيخاف علينا كلنا، وهو أحلى أب في العالم بيعمل حاجات عشان يسعدنا، لما بيشوفنا مبسوطين بيكون مبسوط هو كمان".

وواصلت: "لكن للأسف الناس مبتحسش بحد ولا مشاعرنا، وده عيب أوي، لدرجة ولادي كلموه في التليفون، وقالوله أنت تعبان يا جدو؟".

---