واقعة في موقف صعب ؟؟

زاد الاردن الاخباري -

السلام عليكم..انا عندي مشكلة و واقعة في موقف كتير صعب..انا مهندسة و عمري 23 سنةوبقولو اني حلوة و مو ناقصني شي قبل 5 سنوات تعرفت على شب و كان لسه عم يدروس حاول يحكي معي بس رفضت و بعد حوالي 11 شهر من المحاولات بلشت اتعرف عليه و عشان اطمئن حكى لاهله عني و عرفو والدي من شغله لانه والدي و والدو مهندسين و التقو قبل هالمرة و مدحو فينا كتير بس ما كان في اي مجال لاي شي رسمي لانه بعده بالجامعة و طول هاي الفترة و اهلة يبعتولي سلامات و يسالو علي بكل المناسبات و هلا تخرج و سافر عالخليج و اشتغل و بلش يحكي مع اهلة يجو عنا زيارة عشان نخطب بس مرت ابوه اللي كانت طول الوقت بتموت فيني و فيه بلشت طلع حجج ما الها داعي بس بسبب اصرارة اجو عنا زيارة و كانو كتير مبسوطين و قلولي انتي احسن و احلى ما كنا نتوقع اطمنتلهم و بعد ما روحو كنت بستنا زيارة تانية عشان نحكي بالتفاصيل اكتر بتفاجا بموقفهم السلبي و عدم موافقتهم التامة بسبب اهلي لانه والدي كبير بالعمر و عنده سكري و زهايمر والدتي كانو شاكين بوجود ورم عندها بس الحمدلله سيطروا على الامور و اخوي الصغير شخصيته مو كتير قوية لانه وحداتي و هاد الشي ما عجبهم خافو على اولاد ابنهم من هاي الامراض هلا معارضين تماما و اهلي عرفوا باسبابهم و حسوا باهانه كبيرة بحقهم و راقضين تماما برضه!!!!هلا هو قاطع اهلة بسبب تصرفهم و قرر نتزوج بدون موافقتهم و طبعا اهلي رافضين شو الحل؟؟؟؟