ياسمين عز تثير الجدل من جديد في برنامجها (كلام الناس)

ياسمين عز تثير الجدل من جديد في برنامجها (كلام الناس)

زاد الاردن الاخباري -

أعادت المذيعة ياسمين عز إثارة الجدل خلال برنامجها (كلام الناس)، الذي يُعرض على قناة (MBC) مصر، من خلال النصائح بشأن احترام الزوج وتعظيمه، حيث تحدثت في حلقتها الأخيرة عن إعجابها الشديد بالرجال الذين يعملون في البنوك والمصارف.

وقالت ياسمين عز خلال البرنامج: "اللي متجوزة موظف بنك دايماً بتتحسد عليه، بيكونوا دايماً على الفرازة، مابيكبروش في العمر، العمر بيجي لغاية عندهم ويقف، تحسي إنك متجوزة موديل، طول اليوم بيشف ويرف من الشياكة والنضافة وريحة العطر بتاعه اللي بتكون جايبة لغاية آخر الشارع".

وتابعت ياسمين عز موجهةً كلامها الى زوجات العاملين في البنوك: "لو جوزك موظف بنك ليكي حق تغيري عليه من أناقته ولياقته ولباقته اللي بتتمناها بنات كتير، وفي حاجة بتلفت انتباهي دايماً، إيديهم وضوافرهم كأنها دايماً معمولة باديكير لوحدها والزوايد متقصقصة، مع إنه مبيعملش فيها حاجة، بس دي حاجة رباني".

وأبدت المذيعة المصرية ياسمين عز إعجابها خلال برنامجها بصوت موظّفي البنوك، وقدرتهم على التحدث بنبرة خفيضة: "صوته صيفي، لأنه راجل، بس بطبقة منخفضة تميل للجاذبية، القميص مسطرة، والبنطلون مكوي والجزمة بتلمع لمعة جلد التمساح، موديل مش موظف بنك".

وأكدت ياسمين عز صعوبة اجتياز اختبارات القبول للحصول على وظيفة في البنوك، موضحةً: "بتبقي ضامنة إنك متجوزة واحد يقدر يتحمل الضغوط، مر على كل أنواع الاختبارات اللي ممكن يعدّي عليها أي حد، ده غير أنه بيكون خبير في فنون التعامل مع البشر، ومعدل ضبط النفس عنده غير طبيعي، الثبات الانفعالي أكتر من ياسمين عز".

وأردفت بالقول: "فما بالك لما مراته حبيبته تطلب منه حاجة، يا سعدك يا هناكي، جوزك موظف بنك، ده مش بعيد من قبل ما تطلبي الحاجة، يكون هو عارفها، عارف عايزة إيه ويعمل ليكي اللي نفسك فيه".

وكانت مايا مرسي رئيسة المجلس القومي للمرأة بياناً رسمياً أعلنت فيه رفض جميع أعضاء المجلس واللجان الدائمة والأمانة العامة بجميع الفروع في محافظات مصر، لما تقدمه ياسمين عز في برنامجها على فضائية (MBC) مصر، وعبرت عن استياء المجلس القومي للمرأة لما تقوله "عز" في حق المرأة ووصف البيان محتواها بالمسيء.

---