ياسمين عز: نسبة الجوع عند الرجل تتحدد بثلاثة مستويات

ياسمين عز: نسبة الجوع عند الرجل تتحدد بثلاثة مستويات

زاد الاردن الاخباري -

عادت ياسمين عز، الإعلامية المصرية، بإثارة الجدل مجددًا من خلال تصريحاتها جديدة المتمثلة برزمة من النصائح لتعامل المرأة مع زوجها عبر برنامجها (كلام الناس) الذي يُعرض على قناة (MBC) مصر.

وطالبت ياسمين عز النساء بعدم تجاهل الرجل في حال عبّر عن رغبته في الأكل محذّرة إياهم من تجاهل قياس نسبة الجوع لما وصفته بـ"الفرعون الكبير".

وقالت ياسمين عز: "يا ريت يا مدام لما جوزك يكون جعان، مش عايزاكي تقولي هروح أجيب لك تاكل وخلاص، كده إنت مش مهتمة بتفاصيله، ومش فاهمة بطنه عايزة إيه".

وحذرت الإعلامية المصرية الزوجات من تجاوز نسبة الجوع عند الزوج مستوى 90% قائلة: "هنا لازم نكلم أبوكي يشوف حل معاكي لإنك مجوعة جوزك، أو ندعي رينا يهديكي، وجوزك ياكل عند أمه حماتك، وترجعي تزعلي إنه بيحب أكلها أكثر من أكلك".

ونوّهت ياسمين عز بأن نسبة الجوع عند الزوج تتحدد بثلاثة مستويات هي النصف، وأقل من النصف، وأكثر من النصف.

وأوضحت ياسمين عز للزوجات طريقة التصرف في كل مرحلة قائلة: "في 3 درجات للجوع عند جوزك الفرعون الصغير الكبير، لو أقل من 50% هنا تجيبي لجوزك سندوتش جبنة أو كوباية شاي مع بقسماط، حاجة خفيفة متسدش نفسه قبل الغدا".

وأضافت: "لو نسبة الجوع عند جوزك 50% في الحالة دي طبق سلطة أو تونة أو شوية بطاطس محمرة، عشان تأهلي معدته للغدا بدون ما يشبع".

وتابعت ياسمين عز: "لو نسبة الجوع أكثر من 50%، هنا فورا تحضري لجوزك الغدا وصينية البطة بالبرتقان أو المحش أو البانيه والمكرونة، زي ما كنت بتعملي وإنت عروسة جديدة".

ياسمين عز تشتكي جارها على الهواء مباشرة

وفي سياق الحلقة، اشتكت الإعلامية ياسمين عز من الإزعاج الذي يسببه لها أحد سكان المشروع السكني الذي تقيم به، بسبب تعديلات يقوم بها في محل سكنه منذ شهر سبتمبر الماضي.

وقالت ياسمين عز "كلامي للمهندس ماجد شريف رئيس مجلس الإدارة، يعني إيه شخص معاه فلوس يشتري بيت أو شقة، وعايز يوسع بيته، فيشتري جزء من نادي مشاع مخصص للكمباوند، ويدق على راسي وراس السكان، اللي كانوا هانئين في بيوتهم، ولما تسأل الكمباوند يقولوا شخص مهم حصل على استثناءات؟".

وأضافت: "البيت ممكن يكون فيه حد مريض أو مش عارف ينام أو أي ظرف، والوقت اللي إحنا عايشين فيه لا يوجد فيه حد مهم فوق القانون يعبث ويلهو بدون حسيب أو رقيب، لازم إدارة المشروع تحترم السكان".

وتابعت الإعلامية ياسمين عز الحديث : "أنا مرفعتش التليفون أطلب واسطة، لإني بنت ومواطنة مصرية عادية ودماغي ناشفة، وأحب آخد حقي بالامتيازات اللي بلدي وفرتها".

---