الطريق إلى الكرسي مش الطنبر!!!

بدنا حد يساعدنا علشان نساعد بعض انتم السابقون ونحن على دربكم ماضون خبرون ربي يفتح عليكم لوين رايحين .....
مش مهم الطريقة المهم الكرسي الكل بلوح وبشوح على الكرسي دخيل الله ايش راح يعملك الكرسي راح يطول عمرك او يحميك من مرض صحيح بتعيش وبتصرف تقول فندق ١٠ نجوم بس من وين !!!..
هو السؤال ووجب عليك الجواب مش اليوم قبل بكره ....
بكره بصندوقك دفتر حساب وتخيل هيك موقف وهيك ساعة (ولا) حد معك لوحدك (لا) ونيس (ولا) جليس (ولا) قريب (ولا) حبيب سبحان الله العظيم هو القادر على كل شيء....
تذكر الكرسي كرسي حلاق وما راح حد يرحمك غير عملك بالحق والحق تخاف الله على ساعة راح ترحل غصب عنك لقبرك بدون كرسي تخيل نفسك ايش موقفك !!!!...
ايش راح ترد وتقول من أين لك جهز حالك وانت بدار الفناء لمثل هذا اليوم ..
يوم تذهل كل مرضعة....
قال تعالى :.
يا أيها الناس اتقوا ربكم إن زلزلة الساعة شيء عظيم * يوم ترونها تذهل كل مرضعة عما أرضعت وتضع كل ذات حملها وترى الناس سكارى وما هم بسكارى ولكن عذاب الله شديد ......
نجاني الله وانتم من زلزلة الساعة .
قولوا آمين.
حمى الله مملكتنا والهواشم .
والجيش والأجهزة الأمنية درع الوطن والمرابطين بالقدس والاقصى.
كاتب شعبي محمد الهياجنه

---