محتارة كتير ياجماعة شو اعمل

زاد الاردن الاخباري -

انا إمرأة متزوجة من 3 سنوات تقريبا وعندي بنت .

بإختصار مشكلتي لو بدي احكيها بدي ايام .

المهم اهل زوجي ناس مزاجيين لأبعد حدود ومابيحترمونا لا انا ولا زوجي ابدا .يعني بحجة انه احنا اقرب ناس الهم من باقية اولادهم فالامور عندهم عادي ,تعبت بنتي وفاتت المستشفى (رضيعة)وما اجو وبدون مبررات وتعب زوجي نفس الاشي وكمان ماشفنا حدا منهم لدرجه انهم رنولي الاقيهم على الباب اعطوني طلته وراحو.هلا والد زوجي انسان ظالم جدا من وهم صغار واقرب مايكون للمرض النفسي من شده العظمة المهم قرر فجأة بعد ما هجر زوجته اله سنين انه يرجع منيح معها ومع اولادها وكان المفروض من الكل يرجع يحبه ويحترمه وقلنا هدا واجب وانا سعيت كتير في موضوع صلحته مع اولاده. وبعدها بفتره قرر فجاة واحنا عندهم يمنع حدا من اولاده يفوت البيت لاهم ولانسوانهم ولا اولادهم .

وواللله بدون اسباب بس لمجرد انه انسان مزاجي .ونادي زوجته وحكالها قدامي انها تخبي الفاكهة اللي هو جايبها عشان هو عاددها بالحبه .

ياجماعة انا سحبت حالي انا وزوجي وبنتي مع انه كنا ماخدينها عشان يشوفوها بعد فوتتها المستشفى اتلقتنا حماتي وخبرتني انه زوجها مابده حدا يروح عليهم . بعد ماكان مجننينا انه لازم نطل عليهم لانهم بلشوا يكبروا.هلا عندي كم سؤال براسي انا مستحيل افوت البيت عندهم لانهم بس بدهم يقرروا نروح لازم نروح وبس يقرروا يطرونا لازم يطرونا وحماتي بيصير تحكيلي هدا الحكي اللي طلع منها .مش المفروض تنهي الموضوع مع زوجها وماتخبرنا باللي صار .واللي بقهر انه بعد فتره قررت تحكي معه بالموضوع وشمحولنا نروح عندهم كل اولاده .

حسسونا زي اللي عامل عمله وغفرولة .انا هلا شو اعمل خايفة اصر على موقفي ومااروح اذا زوجي راح لانهم اهلة هو حر .اصير احرجه مني على اللي صار .ولا ولا كأنه اشي صار واروح بس مش قادرة ياجماعة والله بيعد علينا الأكل مع انه وضعنا منيح الحمدلله ومش محتاجين اشي وشبعانه انا من بيت اهلي . وبكل بساطة بسأل حماتي انه ليش احنا زعلانين .

طيب انا شو عمل