ما الحل ..

زاد الاردن الاخباري -

مرحبا

انا طالبة سنة رابعة فيزيا

يعني على ابواب التخرج ان شاء الله

هلأ دايما اول كا فصل بكون متحمسة وبدي ادرس واشد حيلي
بعدين بيبلش الفصل بضل اسبوع ادرس منيح او اسبوعين بعدين بمل
وبصير اراكم بالدراسة فجأة بلاقي موعد الامتحان اجا وانا مو جاهزة منيح
يعني مش عارفة ازا المشكله بتنظيم الوقت لاني بحس حالي ما بعرف انظم وقتي
ومع اني ما بدرس كتير وفي مواد ما بفتحها غير قبل الامتحان بس علاماتي ماشي حالها
بس حابه يتأخر تخرجي وكمان حابة ارفع معدلي
ومش عارفة كيف احافظ على مستوى الحماس عندي
وانا كمان بلتهي كتير

يعني ايام الدراسة بحس حالي بصير اهرب من الدراسة بأي شي لدرجة اني ممكن اروح احضر كرتون مع اخوي الصغير !!
وصحباتي طبعا اللي بتدرس وما بتحكي واللي بتخبي الشرح اللي بتجيبه عشان تدرس عليه لحالها
ما بعرف

مع العلم اني الحمدلله ملتزمه ودايما بحضر كل محاضراتي وبصلي وما بسمع اغاني
يمكن لاني ايام التوجيهي ما كنت ادرس كتير وبالرغم من هيك جبت 80 علمي
ودايما بس يبدا الدوام نفسيتي بتتعب وبنحف كتييييير
لما خلصت الصيفي وصل وزني 47
هلا بالعطله رجع 52 يعني فرق !!!!!!

انا بعرف انو قراء زاد الاردن مثقفين وفهمانين
عشان هيك حبيت اسألكم شو اقتراحاتكم بالنسبة لوضعي !!