أهلي ضد زواجي

زاد الاردن الاخباري -

أنا فتاه عمري 29 سنه وهلا أنا بشتغل بس أي بنت بعمري لازم يكون عندها إستقرار بحياتها , يعني تكون متزوجه والها بيت واولاد , كل صاحباتي اللي بعمري واللي اكبر مني واللي اصغر مني متزوجين وعندهم أولاد وبصراحه ما بحب التقي بحدا منهم لاني كتير بتدايق لانو انا مو متلهم ما عندي إستقرار , المهم أنا خلصت دبلوم وبابا صار يحكي خليها تعيش حياتها وتشتغل , وبعد فتره صار يتقدملي ناس واهلي مابدهم الا اللي على مزاجهم ومتل تقاليد العائله , يعني يكون دارس جامعه ووضعه منيح ومن نفس البلد والخ... , واخر فتره اجى شب اصغر مني بأربع سنين وما كمل دراسه وعنده شغل خاص وبيت واخلاقه كويسه واهله ملتزمين بالدين , طبعا انا بهاد الوقت ما في مجال احكي بدي افكر واشوف لانو العمر بيمضي وانا لازم اشوف حياتي

بس اهلي مش عاجبهم لانو اصغر مني وما معه شهاده وطبعا حكوا تلفون اكتر من مره ووسطوا ناس وشيوخ بالموضوع وبابا لا حياه لمن تنادي , وانا اكبر وحده وعندي خوات تنتين بعدي وحرام يتعذبوا متلي , انا بعرف انو كل شي بالدنيا نصيب بس اهلي عم بيعقدوا الامور

والله مو عارفه شو اعمل معهم ؟؟؟؟؟