انصحوني ماذا افعل

زاد الاردن الاخباري -

بسم الله الرحمن الرحيم


انا مشكلتي صعبة وبدي حل جذري لاني فكرت كتير وما لقيت حل..

مشكلتي في زوجي ..زوجي كتير منيح وطيب ومو مخليني محتاجة اشي والحمد لله انا متير مبسوطة بحياتي الطبيعية ,بس عندو مشكلة بتخليه اكبر مشكلة بحياتي ومرات بندم اني اتزوجتو ,مشكلتو انو ما بصلي وكل يوم خميس بشرب اول شي ما كنت اعرف انو بشرب كان يحكيلي بدي اسهر عند اصحابي ويرجع وقت متأخر واكون نايمة وما اعرف بعدين حسيت بريحة غريبة لحتى اكتشفت الموضوع ,انا ما منت اعرفو كان زواج تقليدي وحتى فترة الخطوبة استمرت سنة وكان مسافر ما شفتو غير لما اجى ليتزوج ,هلا انا وزوجي واولادي التلات عايشين بدولة خليجية ولا في حدا اشكيلو همي حتى انا صارلي 7 سنين متزوجة عمري ما شكيت لاهلي عن اي مشكلة بينا لانو الاهل بكبرو المشاكل بدل ما يحلوها,شو اعمل ساعدوني حاولت معو وهددتو انو احكي لاهلو وخصوصا لأمو لانو كتير بحبها بس ما في فايدة ,انا الحمد لله ملتزمة وبصلي ودايما بصوم حتى اولادي اتعلمو الصلاة مني هو ولا الو دخل بالدين نفسي يلتزم ويخاف من ربنا حتى مرات بتمنى يصير شيخ ومتطوع قد ما انا مقهورة منو عنجد اشي بقهر احنا عكس بعضنا تماما من ناحية الدين .
بتمنى الي عندو راي فعال يحكيه ويساعدني بمشكلتي الصعبة