انا وزوجي

زاد الاردن الاخباري -

قراء زاد الاعزاء

ارجو مشاركتي بارائكم الفاضلة

انا امراة متزوجة عمري 28 سنة مشكلتي انه زوجي بيداوم دوام ليلي وبيخليني انام لحالي بالبيت يعني كل شهر بيجي دور انه ينام برى وانا بشتغل يعني ما بنشوف بعض بالمرة يعني انا بروح ع البيت بيكون نايم

ما بشوفه غير ساعة وحدة الي هي لما يجهز حاله ويطلع ع شغله انا بحب زوجي كتير وهو بيحبني بس انا مش عارفة حاسة كتر بعده عني حيخلينا نمل يعني انا صرت حاسة حالي عايشة لحالي وبس احكيله
انه شغلك بيدايقني وبيخلينا نبعد عن بعض بيحكيلي ابطل احسن يعني

مش عارفة شو اعمل هو دور ع شغل تاني بس ما عم بيزبط معه بيحكيلي الي بئيده شغله بيمسك فيها ...ولو حكتله يبطل ما راح يزبط لانه عنا التزامات كيف احل هالوضع خصوصا انه ما عنا اطفال وهاد الي محسسني بالوحدة

يا ريت الاقي منكم افكار اخد منها وشكر كبير لزاد