انصحوني بالله عليكم

زاد الاردن الاخباري -

انا امراة عمري 33 متزوجة من 13 سنة ولدي اربع اطفال اكبرهم 12 سنة واصغرهم عام.ولدين وبنتان.

انا وزوجي تعارفنا بالعمل وتزوجني بالرغم اني اكبره بشهور ولكنه اصر على الزواج بي بحجة الحب الذي لا يستطيع العيش بدونه وجاءت حماتي وحذرتني من انه صغير وليس لديه اي مال ليتزوجني به لكنه اصر وفعلا خطبني وشوي شوي جمعنا المهر والعرس والبيت اللي هو غرفة ومنافعها جنب اهله وللعلم اخدت قرض على راتبي وساعدته بكل شي فداءا للحب.المهم تزوجنا وكان كل شيء تمام ورزقنا بابناءنا واشترينا بيت بتدبيري وتعاون اهله معنا وشغلي وشغله حتى انتهينا من ثمن البيت ونحن بهذا العمر وقد حرمت نفسي واولادي كل شيء الا انني ولاني اعلم انه بمثل عمري كنت اهتم بمظري جدا ولو كيلو لا اسمح لنفسي بزيادته.

بدأت المشاكل من سنتان تقريبا بدأ زوجي يتاجر بالموبايلات ويتاخر على البيت بحجة انو بيدور على اسعار كويسة وانا اشك واصدقه بدأ تاخره بالخارج يزيد عن حدو حتى انه في بعض الاحيان يصل بعد صلاة الفجر.والمصيبة الكبرى في احد الايام عاد الى البيت سكراااااااان ولم اميز ذلك الا بعد ان عمل حادث بالسيارة(شطبها)وقاطع الاشارة حمرا وفهمت ان السبب انه ليس واعي مش طبيعي .بعدها حلف انه من الضغوط المادية .حكيتله استغفر ربك ليجبلك مصيبة اكبر.بس اللي بيفوت بهيك عالم صعب يطلع منو صار يتاخر اكتر واكتر ولا حدا من اهلو ماين عليه للعلم انه اهله ملائكة خواته ملكات من الادب والجمال والاخلاق واخوانه نفس الشيءكل صلاتهم بالجامع وبيخافو الله وبيت حماي بيت دين واخلاق وبدهم ينجنو من تصرفاته حتى صرت خايفة عليهم من الزعل حتى انه غلط على ابوه يوم ما بهدلو على الشرب.

المهم انا صرت اشك انه بيعرف نساء او بيخوني لانو تاخيره غير مبرر خارج البيت وبلاقي مسجات حب من اسماء شباب .طلبت من اخوي يراقبو.والطامة الكبرى انه لقيه بيطلع عند وحدة حثاله بتشتغل ببار وعندها بنت لا وجايبلها دبدووب احمر الها ولبنتها واحنا حارمنا من كل شي دايما ما معي.

هلا هاد الحكي يوم الزفت الفلانتاين انا دخلت مستشفى من يومين هبوط بالضغط وما عم تنشف الدموع من عيني .ما بعرف شو اعمل .ساعدوني لانو ما رح اقدر اعيش مع واحد هيك ابدا.