ابني مستقبلي معه ام ارفض

زاد الاردن الاخباري -

بالبدايه اشكر كل من يقوم على هذه الزاويه التي ارتاح لقارءة مافيها من مشاكل واراء واتعليقات

انا لست بمشكله ولكن هو استشاره اتمنى كل من له راي سدسد ان يفيدني برأيه

انا فتاه عزباء عمري 32 سنه جامعيه لا اعمل من عائله معروفه اهلي محافظين عاديه الشكل لست بالجميله ولكن الحمدلله اشكر الله على ما اعطاني من اشياء اخرى

تعرفت قبل فتره على شخص طبعا من جهة اهلي وشفته لاول مره وبعدها صار بينا مكالمات واخبرني باعجابه فيني

هو متزوج ويكبرني ب 10 سنوات متعلم جامعي وبنى نفسه بنفسه  وكمان وظيفته محترمه وعايش مع زوجته وعنده اطفال منها ووضعه المادي لاباس به لانه عنده دخل اخر غير الوظيفه هو بصراحه خفت يكون بتسلى او نزوة بحياته يعني ما شعرت تجاهه باي شي بس انبسطت انه اعجب فيني

اي بنت بتحب تشعر باعجاب من شخص اخر صرنا ناخد ونعطي ونحكي عالتلفون صحيح لا تتجاوز دقائق ومو كل يوم لكن مع الوقت وبعد 3 شهور انا تمسكت فيه شعرت اني بدونه فعلا اشعر بنقص

انا متضايقه لانه متزوج وما بدي اكون بموضع خيانه  لكن التعدد مشروع بدينا بغض النظر عن الاسباب وطالما القدرة الماليه والعدل موجود ليش لا وبصراحه انا بعمر مارح استنى واحد اعزب يتقدملي  لانه من 5 سنوات ما تقدملي اي عريس والعمر بمشي وخايفه اضيع هالفرصه من ايدي وبعدين اتحسر  بدي اخلص من اهلي قرفت العيشه معهم وغير هيك عندي كمان اخوات اصغر مني

صرنا نتمنى اي واحد يجي لنتزوج  لنخلص هو الان وضعه المادي شوي موقف لانه مافي حركة بالسوق لكن حكى بس الوضع يتحسن رح يتقدملي والعرس والزواج بشهر واحد

الحمدلله ما بنحكي بمواضيع حساسه  - مواضيع عاديه وبسيطه لانه اصلا حكينا دقائق بسيطه

بالنسبه لزوجته فحكيتله بدي تعدل بينا بكل شي ولو اني حابه يكون الي وحدي لكن شي احسن من شي وانا راضيه مضطره اتنازل لاني بوضع ما بسمحلي اضل اتطلب لمتى يعني وما في زي مااتمنى  اكيد هي مارح توافق يتزوج غيرها وخبرته شو ممكن يسير وتطلب منه الطلاق

هو قد هالشي وبعرف شو حيساوي لانه عارف شو الخطوة اللي راح يقدم عليها

بدي راي الجميع هل اكمل مع هالشخص وابني مستقبلي معه ام ارفض واقطع المشوار معه