زوجي

زاد الاردن الاخباري -

مشكلتي هي كالاتي املة من الجميع نصيحتي لاعرف كيف اتصرف بشكل سليم

انا امرأة متزوجة زوجي لا يعمل في الوقت الراهن في البداية كانت الامور جيدة وكنت اتحمل موضوع النفقة على البيت الا انه ومع مرور الايام

اصبحت اشعر ان هذه المصاريف تثقل كاهلي لم اعد اشعر بلذة راتبي لانني بكل بساطة لا ادخر منه شيئا.زوجي يبحث عن عمل الا انه لم

يجد الوظيفة المناسبة ..بالبداية كانت الامور عادي وما كنت اهتم انه انا الي بدي اصرف بس مع الوقت صرت احس انه مش من حقي انا الي اضل

ادفع عالبيت..يعني انا بدفع اجرة البيت ...وبدفع مصارف البيت وفواتير من كهربا ومي..يعني بطل يضل معي مبلغ اشتري الي في اشي...وانا مش متعودة ع هيك

وضع يعني قبل الزواج كان راتبي كله الي..كنت اساعد بجزء بسيط اهلي بالبيت بس احس براتبي ...مع العلم انه بعد الزواج راتبي ارتفع ومع هيك ما بحس ببركة هالراتب

هلا المشكلة اضل اصرف ع البيت ولا احط حد واخلي زوجي يشتغل اي شي..انا بحب زوجي وهاد الي بيخليني اسكت..بس احيانا بس اشوف اخواتي كل وحدة زوجها

بيعطيها مصروفها ومصروف البت كتير بتحز ببالي انه انا ليش مش زيهم مع العلم انه انا قبل الزواج ما كان ينقصني اي شي..يعني انا مش حاسة اني تزوجت حاسة انه صار عندي اعباء

مادية كتيرة..وللعلم بالشئ زوجي وهو بيشتغل كمان ما كان يعطيني مصروف شخصي الي..يعني يدفع اجرة البيت وانا كنت اتكفل بالباقي..بس هلا كل شي صار علي انا

مليت من الوضع هاد ومش حابة احكي لاهلي عشان ما اخليهم ياخدو عن زوجي صورة مش منيحة..يعني قدام اهلي بخليه ملاك انه هو الي بيعمل كل شي..وللعلم اهلي

مش مخبراهم انه زوجي ما بيشتغل..بس انا مرات بضايق بالشغل بيجيني تفكير اترك بس بما انه زوجي مبطل من الشغل صعب جدا انا اترك...زوجي ما بيعجبه اي شغل

طيب شو اعمل ابطل واحطه تحت الامر الواقع ولا استنا شوي بلكي هو اشتغل شو اعمل مشان الله والله نفسيتي تعبت كتير...وسؤال تاني هل ازا انا بشتغل بيطلعله انه ما يعطيني مصروف الي بحجة انك بتشتغلي