متى سأفتخر ؟؟

زاد الاردن الاخباري -

جد مشكلتي تتلخص بالقصة هاي مش عارفة شو نعمل اي حد بشوفو بحكيلنا سيبك من البلد وروح لبلد اجنبي احسن بس الاهل برفضو انو اتغرب مع انو جوزي بقدر يطلع السويد بس هجرة شو الحل والكم القصة الي كتبتها مشكلتي كل ما تصير مشكلة عندي او بالدنيا بصير اكتب قصص

الابن : يابا مشان الله خلص والله لو اموت ما بلبسو
الاب : والله لاشرحك كطع كطع يلعن الي خلفوك والله لاكسر راسك يا ابن الحمارة
طراخ طراخ طراخ طراخ
الام: يا زلمة خلص بكفي الولد مات بين اديك
الابن: اي اخ اخ اخ اخ
الام: هو الك سنان تعض هسع طكم اسنانك بطيح
الاب: شفتي ملعون الوالدين بدوش يلبسو مش عاجبو وك هاض من ايام سيد ابوك بدل ما تفتخر في مستحي تلبسو
الجار ابو صبحي من بعيد : شو في يا زلمة مالك على الولد شوي شوي
الاب: والله يا ابو صبحي رح يجلطني هالولد صار كد الثور وما بدو يلبس بوتنا عزنا وفخرنا
ابو صبحي : الله يسامحك هسع ضربتو عشان هيك
الاب : ولا لويش مش عاجبك يلي بكولو
ابو صبحي : يا جار انا من كبلك خليت ابني صبحي يلبسو غصب عنو والله بتندم هسع بتعرف لويش
الاب : ول لويش ؟؟؟؟؟؟؟؟؟
ابو صبحي : والله من يوم ما لبسو وهو بمطرحو ما تحرك العالم كلو صار وتصور وابني زي ما هو بكول كل مرة هسع بصير الله وكيلك على الفاضي
الاب: ول ول لهدرجة معكول
ابو صبحي : اه يا جار انسى وسيبك خلي حافي احسنلو بلكن بكرة بشوفو حافي بعطو بوت سويدي ولا امريكي الله وكيلك بطير طير من اول خطوة زي جارنا
الاب مقاطعا ابو صبحي : انو جار؟؟
ابو صبحي : هيني بكلك ابو علي مش صار وهيو معو سيارة لكزز وبيت بيمرح في الخيل كلو من هالبوت السويدي
الاب: هييييييي يا مرة وينك ؟؟؟؟
الام : هااااااااا شو بدك خير
الاب : خلي ابنك يروح من غيرهالبوت " جواز السفر" اكلك حتى من غير جربان" الهوية" انسي خلي حر طليك و جيبي الطاولة خني ادك ابو صبحي غلب
الحديث لن يطول عليكم اعزائي
النهاية !!!!!!!!!!!!!!!!!!!!! ااكيد عارفينها

الاب: شفت شو صار كايمة كيامتها البلد
ابو صبحي: يازلمة العب اجى دورك شو بدنا نساوي اخر زمن