زاد الاردن الاخباري -

ترددت كتير قبل ما احكي مشكلتي لانها ما بتنحكى بس انا بحاجة اني احكي لانه ما في حل بايدي..

انا بنت متعلمة وبشتغل بشركة كبيرة وبمنصب منيح و يمكن الي ما بعرف مشكلتي بيحسدني على كل شي عندي.. المهم المشكلة مش فيي المشكلة في اخي.. احنا عيلة محافظة و الوالد والوالدة ما قصروا في تربايتنا لكن ربنا ابتلانا باخي الي ادمن على المخدرات..والله لهلأ مو مصدقة كيف صار هالحكي مع انه كان شاب من احلى و اذكى الشباب لكن الله ابتلاه بهذا الابتلاء.. حاولنا معه كتير انه يتعالج و يبطل لكن هو ببطل شوي و برجع اسوأ من اول... مستقبله راح و صحته تدمرت.. من يومين حكى معانا وبقول انه مسكته الشرطة.. امي تعبانة كتير والوالد ما بدو يروح عنده و لا يزوره وبحكي انه بدو يتبرأ منه ... وانا مو قادرة اتحمل اكتر .. طول النهار والليل ببكي..مش ملاقية حل!!! بطل عندي امل بالحياة .. كل ما يتقدملي حد برفض باي حجة حتى انه ما ننفضح و حد يعرف مشكلة اخوي!! انا كتير يئسانة و لولا مخافة الله كان زمان انتحرت!!