ساعدوني

زاد الاردن الاخباري -

انا بنت عمري 26 سنه احببت شاب و انا في عمر الطفوله, كبرنا و كبر الحب معنا
تقدم لخطبتي و الحمدلله ماكان في اي اعتراض من الاهل لكن بشرط اخلص دراستي
يعني خطبة لمدة سنتين
في فترة الخطبه كنا اسعد حبيبين ممكن تشوفوهم .كتير متفاهمين و صعب نختلف على شي مهما كان ,واذا اختلفنا بتنتهي المشكله بوقتها .علاقتنا كانت اكتر من رائعه, لغايه ما اجا اليوم اللي غلطنا فيه انا و ياه و سلمته نفسي بحجة ( ما احنا شبه متزوجين )
14-04-2012 كا المفروض يوم عرسي لكن من بداية 2012 و انا ملاحظه تغيير عليه , بطل مهتملي ابدا
صار ما يحكي معي الا اذا انا طلبته, و لو حكينا بيكون كلام اقل من عادي
يعني مش كلام شحصين قرب عرسهم.
08-02-2012 حكى معي مكالمه كانت القاضيه
اقترح ناجل العرس سنه لانه مش جاهز ماديا و مفكر يسافر على الامارات يشتغل شنه و بعدها بنتزوج و بسحبني لعنده
انا بكل طيبه وافقت و حكيتله انه لازم يحكي هالكلام بنفسه لاهلي. بتكون احسن لو تيجي منه
بالفعل اجا حكى مع بابا و ما كان في اعتراض ,, بالعكس بابا حكاله اذا بدك انا بدعمك و سدهم براحتك..يعني مو لازم تسافر و تتبهدل بالغربه .
رفض هالشي و حكا لبابا انا اخدت قرار.
سافر بتاريخ 18-02-2012 و يا ريته ما سافر
ضل يتجنبني وصار نادر ما يحكي معي . و بتاريخ 01-05-2012 بعت خبر مع امه انهبده يفسخ الخطبه لانه ماديا ما رح يقدر يتزوج قريبا .
بابا بكل حسن نيه حكا معاه و حكاله ما تهكل هم المصاري ,انا جاهز بكل اللي بدك ياه انت متل ابني و ان شاء الله ما بقصر معاك.
رفض هالشي بحجه انه كرانته ما بتسمحله, و قال خليها للظروف , لو قدرت ارتب اموري رح اجي اخطبها مرة تانيه و لو بهالفترة احاها عريس انا ما بدي اقطع بنصيبها .
بابا حكاله و الله يا عمي انا حاولت اساعدك بس اذا هاد قرارك انا بحترمه.
و للاسف متت و انا بترجاه و هو ولا عباله.
المشكلة مش قادره احكي لاهلي على عملتي السودة ة لا قادره اخلي خطيبي يكمل معي والله عرضت عليه اذا هو فعلا ما بده ياني يتزوجني و بعدين يطلقني باي حجة عشان اكون مطلقة مش اكون بنت فاقدة عذريتها وهي لسه خاطبه,,,
والله رح انجن بدي حل بترجاكم.
بعرف اني غلطانه وبستاهل كل هاد.

شكرا