الزواج

زاد الاردن الاخباري -

السلام عليكم و رحمة الله و بركاته

اعزائي قراء زاوية اريد حلا

انا امجد عمري 29 سنه , و كاي شب في هذا العمر المفروض اني متزوج او بالاحرى و ان صح التعبير ( لازم اكون تزوجت من زمان )

قصتي ما بعتبرها مشكلة بس انا من خلال متابعتي لزاويه اريد حلا لقيت انه في ناس مثقفه و الهم افكار و معتقدات رائعه. و اكيد رح الاقي منهم او من كلامهم فائده.

موضوعي عن الزواج :

اولا * الزواج مجرد لانك لازم ترضي اهلك او لازم يشوفوا اولادك.

انا شايف هالموضوع غلط لاني و بصراحه ما بدي اتزوج لارضاء غيري حتى لو كانوا اهلي . بس انا فعليا مش مفكر بالزواج . و الكل بحكي بهالنبره الحزينه ( الله يرضى عليك و الله صار لازم تتزوج و نفرح فيك ) يا جماعه ما بدي الله اكبر .

ثانيا * بنت الحلال

ما في مكالمه مع الاهل الا و بعرضولي قائمه باسماء بنات ( بنت فلان و بنت علان ) . حلوه , شقرا, حركه ما شاء الله عليها . يعني انا و بكل هبل لازم انزل عمان و اروح افوت بيوت ناس ما بعرفهم ولا حتى عمري شفتهم . عشان احرج نفسي او احرج البنت بكلمة لا . و كانه انا ما بعرف اختار عروس . و الاحلى من هيك بيطلعلك واحد شاد على حاله ( والله بكسر الهاء اني شايفها مناسبه الك ) على اساس انها بلوزه !!!

ثالثا * انا مبسوط و اتعودت اعيش لحالي

انا من 7 سنين عايش لحالي و جد مبسوط هيك حتى لما كنت في الاردن كنت ساكن مع اهلي بس في بيت لوحدي

يعني بصراحه مش متخيل حياتي كيف رح تكون بوجود حدا عايش معي.


بعرف انه في ناس رح تكون تعليقاتها بهالشكل

مريض نفسي . لا حبيبي مش مريض لانك بكل بساطة مش طبيب .

ابعد عن الحرام . بعرف هالشي عمو و الحمدلله انا شب ملتزم دينيا.

الزواج نص الدين . انا على علم بهالشي . بس للاسف مش انا راضي بديني الحالي.

رضى الله و رضى الوالدين... اكيد طبعا و انا عمري ما عملت شي يغضبهم.


المطلوب :

نقاش راقي و واعي .

شكرا للجميع.