صور من الحياة 5

زاد الاردن الاخباري -

وفاء خصاونة

جاك الاهبل اللّي

باع البقرة ب تلات حبّات فول؟!

احكيلكم القصة..

جاك و امه كانو ناس فقراء جداً ما معاهم يحلقوا

أُم جاك قالت لجاك:خوذ البقرة السمرا يُمّا و بيعها خلّينا نشتري اشي

نتسممه

اخذ جاك البقرة و ذهب الى السوق

في الطريق قابل رجُلاً و امرأة

جاك: يا عمّو اشتري

الرجُل:حلّ عنّي يا ولد!

جاك:مشان الله يا عمّو اجبُر عني بدّي اشتري ساندويش فلافل

مدّ الرجُل إيدُه يحاول اغلاق نافذة السيارة لكنّهُ تذكّر في اللحظة الاخيرة

انه يسير على اقدامه وانه السيارات ما كانو لسّة مخترع

الرجل: بقولك روووووح وله من هون قبل ما اجيبلك الدوَر.

جاك: الله يخليلك اللي جنبك تشتري

فأمسك الرجُل بتلابيب جاك

(تلابيب مش عارف شو بالزّبط بس اكيد قبّة القميص)

و قال: مجنون إنت ! وك مجنون..هاي مرتي بتدعي علي

و اراد الرجُل ان يُوسعه ضرباً و رفشاً (يترفّشه يعني)

تدخّلت المراة:مالك يا عقلة..سيب الصّبي

و اخرجت تلات حبات فول من الكيس الذي كان بحوزتها و كانت تقرقط فيه

و اعطتُهم لجاك و اخذو بدالهن البقرة السمرة

عاد جاك الى المنزل مُفعم بالسعادة

(مُفعم يعني مش مصدّق حاله)