حلق شعر شباب اتهموا بـ "انتهاك آداب اللياقة" بالإمارات

  ياريت هالموضوع وهالعقوبات تطبق عنا لأنو زي ما احنا شايفين الشباب والبنات عاملين هالممرات والجامعات عروض أزياء حتى بطل واحد يفرق بين الشب والبنت

  الشرطه معهم حق وكان لازم يسجنوهم شي كم يوم للتأديب..

بذكر سنة 2004 وانا بجامعه اليرموك شفت طالب لابس بنطلون ممزوع من عند الركبه قلت لحالي معقول في ناس طفرانه بهالشكل (كنت بدي ازت عليه ليرة مصاري)
اكتشفت بعد فتره انها موظه (ياهملالي) و الغريب كمان انه شعراته كان عاملهن سبايك طالع زي القنفذ...
احكولي وين الرجال لم بتلاقي الواحد منهم يغنج زي البنات ولابس خصر ساحل( المس البنطلون مجرد لمس بسحل بتعثر صاحبه وبيجي على صباحه) وقال بقلك بناة المستقبل و حماة الوطن تقنعوني اللي زيه حامي للوطن!!... هيه اكيد حرية شخصيه وعايشين بجو دمقراطي بس مو لدرجة تصل لقلة الادب وعدم مراعاة مشاعر الاخرين الاخلاقيه.
اما بالنسبه لبعض البنات صدقا يعجز اللسان عن الكلام.

  wallah a7na bedna shorta zay haka fe jordan

  شيء مخزي ومقرف حقا !!!!!!!!!

  خطوة مباركه عشان نخلص من اشباه الرجال الي منتشرين بالشوارع
بس يا ريت ما يكون في تميز يعني حلقتو شعر الشباب وكتبتوا اهلهم تعهدات طيب والصبايا بس وبختوهم ليش يا ناس هو الدين نزل للرجال فقط

ايووووووووووووووووووه عرفت ليش لانه الصبايا بيلبقلهم

  والله في شباب بلبسوملابس كانهم جايين من المريخ ، جد ما بعرف كيف بعض الشباب بدهم يتزوجو و يتحملو مسؤولية بيتهم ، و يكون عندهم اطفال و همي هيك .
شكلو لازم ترجع خدمة الجيش ، مشان بصراحة البلد صارت معظمها بنات .

  بس بدهم يقلدوا أمريكيا وغيرها

  نعتذر عن النشر...

  يا ريت يرجعو خدمة العلم بالاردن عشان الشباب يصير عندهم نوع من الرجولة وتحمل المسؤولية .

  اقسم بالله اني ضحكت و انا بقرا هالخبر

يا جماعة الخير ساعات بشوف اشخاص قدامي ما بميزهم هما ذكر وللا انثى صارت البنات بتلبس زي الشباب و العكس ..
انا ناوي اتزوج و استر على حالي والله

  بس بلاش اصلا الامارات كلها بلد ......... وجايين على الشعر

  واله يا خوفي تكون منهم يا ابن اخته لكونان بس عنجد انهم بفهموا--------------------

  رقم 2 من الاخر فرط ضحك :)

والله هذا الحكي المزبوط و ياريت شرطة ابوظبي تعمل نفس الاشي والله اوقات بحكي وينكوا يا طنطات الاردن
تيجوا ترعبوا الطنطاط اللي هون,,

بس اتوقع انو شباب الاردن كلها رجال و هذول الطالعين فئة مريضة نفسية تواجه مشاكل في تحديد الجنس فبتلاقي الواحد مسحل بنطلونو نفسو واحد يسحلو البنطلون..

و ندائي الى البنات مشان الله ارحمونا و الله احنا شباب و الواحد فينا مضغوط فارحمونا بلبسكو, و انا يستغرب من اللي بشوف اختو طالعة زي هيك و بسكت يعني ما بغار عليها جد اشي غريب !!! اللا اذا كان من الشباب اللي بسحلوا بنطلوناتهم فاذا هيك بكون بغار منها و بدو يصير احلى منها فديتو انا هالامور

  الحمدلله يلي سمعنا خبر بثلج الصدر
من زمان وينكم

  اوافقكم بالراي من حيث ان هذه التصرفات مشينه
لكن يجب ان نسال لماذا حدثت هذه الظاهرة؟
تربية تلفاز مجتمع غياب الدين.....
وبالنسبة لخدمة العلم هي عبارة عن اهانة للكرامة وانا مجرب بتلاقي الكل المحترم والطنط والدواوين
والشيخ وابن العشائر كلهم سواء
لكن بتدخل المعرفة والواسطة يعني بحاولوا يخلوك رجل وهذا شيء منيح لكن بالاهانة والعجرفة
مش بالاخلاق
شوفوا سيرة النبي هل اهان الرسول صلى الله عليه وسلم شخص لتربيتة ؟؟؟

  يا ريت يعملوا عنا متل هيك، الواحد صاير يشوف اشكال مش طبيعية وبتحتار هاد شب وإلا بنت!

  انا مع خدمة العلم لأنه هدول شباب مش قادر الواحد منهم يحمي حاله عشان نطلب منه حماية بيته عرضه ووطنه. وكذلك البنات ما صدقوا يلاقوا باب مفتوح ويلا وبعدين اللي اخوها من اللي حكينا عليهم كيف بدها تكون هي .هاي مش حرية لأنها تؤذي المجتمع

  اما جيل فاشل, على فكرة تسحيل البنطلون منعوها زمان في اميريكا

  ليش لما المنقبات طالبو بالحرية الشخصية ما حدا اعترض ؟ ولا الحرية بصير يطالبو فيها ناس و ناس لا؟؟؟ بعدين بصراحة زي مافي ناس بنظركم ببالغو بالكشف واللبس والشعر ... في ناس ببالغو بالحشمة ........ مثلا لما تلاقي محدة .........وطالعة كمان هاد مش صح. انا مع الاعتدال بكل شيئ وبلاش الهجوم على الناس بدون زجه حق.

  ارجو من ادارة جوردان زاد عدم انتقاء كلمات و حذف اخرى في المقلات التي يتم اضافتها.اما يتم الحذف الكلي او العرض كامل.حرصا على مصداقية الموقع و على رسالة الحرية في الرأي والتعبير.

  الى المتنكد
قبل ما تحكي على الرجوله قوم بواجبك الي مش قادر ..........حسب كلامك انت في مقال سابق وبعد هيك تعال احكي عن الشيء الي بتعاني من فقدانه

وحاول تتعلم تحكي مع الناس بأسلوب ارقى من هيك عشان الناس تحاول تتقبلك وبلاش هالاسلوب ا.............

  انا أوافق التعليق رقم 20، واتمنى من زاد الاردن أخذ الملاحظة بعين الاعتبار
للأسف خضع موقف زاد الأردن لمجموعة من التغييرات مؤخرا، فيرجى إعادة النظر فيها ليستعيد الموقع جاذبيته
وشكرا

  يعني الشباب زي اكنوا الواحد لاطشيته كهربا وقفو شعراته منها وسحل بنطلونه

والبنات زي كأنهم مركبين برج تحت حجابهم ورا الكشة

  in dala 3ala shi2 fahtha yadal 3ala 3dm wgood aldomgratih fe alemarat.

  الى تعليق رقم 15
اشكر لك تفاعلك لهذا الموضوع الي برأيي من اهم المواضيع في مجتمعنا سيما ان الكل يرى هذه الظاهره ومساوئهاويكتفون بالصمت صمت مؤلم دافعها هو الحرية الشخصية مالم تتعدى على حرية الاخرين وهنا نستطيع الكلام.
اخي اكيد سبب تفشي هذه الظاهره السيئة هو غياب القاعده الا وهي دور الاسرة في تنشأةالاولاد وتربيتهم التربية صالحة اساسها الدين وتوعيتهم بسلوكيات المجتمع الاسلامي... من منا لا يشاهد التلفاز ويرى ما لا يجب على العين ان ترى لكن اخي تأكد ان الرادع هو التربيه السليمه وحسن الخلق.

  اعيدوا خدمة الجيش الالزامي للشباب الجديد ، سنصنع منهم رجالا" ، رحم الله ايام خدمة العلم