مشكلتي .. اني لا زلت أحبها

  يعني بتحكي انو مافي امل من الزواج وهي مابتصلح زوجه ومن هالكلام!!!لشو موجع راسه بكلام فاضي يعني؟؟؟
استهدي بالله وشوفلك شغله اشتغلها احسنلك...
no_mercy_22@yahoo.com

  المشكله الاكبر انها لا تصلح كزوجه لي

لانها بعيده عن دينها هي واهلها

انتهت المشكلة .. انساها يا ولدي..

فطريقك مسدود .. مسدود .. مسدود يا ولدي ..

  الاخ صاحب المشكلة من كلامك : المشكله الاكبر انها لا تصلح كزوجه لي لانها بعيده عن دينها هي واهلها !!!!!!!!!!

نصيحة يا اخوي بالمختصر دور على صاحبة الدين ...

هدانا وهداكم الله للخير دوما .. و شكرا

  انت قلت انها بعيده عن دينها
انساها وربنا يعوضك خيرا منها
عليك بالصلاه قراءه القران والدعاء والاستغفار في كل وقت

  السلام عليكم.اخي بالله يمكن حبيت هاي البنت مثل ما بتحكي بس ما دام هيه باعتك بيعها وانا بنت وبحكيلك بكل صراحه البنت يلي ما عندها دين ما بتتاخذ صدقني ويمكن رب العالمين مو رايدلك هالبنت شوف بنت صاحبة دين واهلها محترمين ورح تكون اسعد انسان على وجه الارض ان شاء الله وبعدين بيجي الحب اتوكل عالله.والله ولي التوفيق.

  يا زلمه وين المشكله ؟؟؟؟؟؟؟؟؟

((عندما يمدح الناس شخصاً، قليلون يصدقون ذلك وعندما يذمونه فالجميع يصدقون))

  (اظفر بذات الدين تربت يداك) هذا ما قاله المصطفى صلى الله عليه وسلم

انا متل ما فهمت من حكيك انك ارتبطت بغيرها خاطب يعني فالله يهديك بلا ما تخون خطيبتك حتى بأفكارك وخليك معها وحاول تحبها الله يهديك انا دايما بحكي شغله وحده اي شب او بنت لازم ما يبتعدو عن العلاقات اللي ما الها داعي قبل الزواج او الخطوبه المحرمه يعني حتى ما يصير معهم زي هيك مشاكل واعمل متل ما حكولك الاخوان قبلي واضب على قرأة القرآن لعل الله يهديك

  كيف يعني بعيدة عن الدين؟؟؟
كيف حكمت؟؟ شو المظاهر؟؟
ليش لو كنت انت اصلا قريب من الدين بتمشي بهالطريق؟
بتتكلم بالدين!!!؟
يا زلمة فاقد الشيء لا يعطيه...

  نصيحتي الك الصبر لأنه رح يجي اليوم الي تحب غيرها وتنساها وانت حبيت هاي البنت لاسباب كنت تشوفها فيها ما كنت تشوفها بغيرها لكن ربك كريم الله يرزقك بنت الحلال الي ما تتركك حتى لو شو ما كان السبب لانه الحب تضحيه وصبر وصدق اذا كان الهدف منه الزواج والدنيا لسه بخير وبنات الحلال موجودين

موفق باذن الله

  صديقي العزيز في مثل عربي بيقول الي بيطلعلي بعين بطلعلوا بعينتين وهي صريحة معك وبتقول ما بدها اياك وانت بتقول انها لا تصلح كزوجة فالامر بسيط ومحلول انساها والتهي بشغلك وصدقني راح تنساها... وانا على فكرة عشت قصة حب استمرت 7 سنوات وبعد ما انتهى كل اشي صرت احن بس كرامتي كان فوق كل اعتبار مع اني قدمت من التضحيات الكثير والكثير ولكن شعرت ان الشخص المقابل شخص انتهازي وكنت اعرف وكنت اضع الاعذار له و بعد انتهاء دراستها قالتلي كلمة وحدة ما قدرت اتحملها وكرامتي فوق كل اعتبار وبتذكرها مثير بس مستحيل افكر اني ارجع الها لان الحياة الزوجية مش لعبة يوم او اسبوع هاي لعبة طويلة ولازم يكون الطرف الاخر قد المسؤولية ويوقف معك عالحلوة والمرة . بكرر انساها والتفت لحياتك ودور على بنت الحلال اذا كنت مقتدر وما تفكر تحب اي وحدة لانك حترجع وتقارن بينها وبين القديمة وحتصير تحكي وين ايامك ..... الشكر الجزيل لزاد
engwalid1983@yahoo.com

  كلام سخيف مثل الي كتبه... هذا اذا دل فانما يدل على انكِ سخيف.
كنت تحبها ولما دخلت على الجامعة حبت غيرك لأنك ما كنت نافع معها. ولأنها بهدلتك وقلت قيمتك لسا بعدك بتفكر فيها ليس لأنك بتحبها بل لترد جزء من الإهانه.وانا متاكد لو انها جائت وركعة بين رجليك ما رح تتزوجها.
ولكن السؤال الذي يطرح نفسه ونفسي اعرف الاجابة، وهو متى اصبح في الأردن الحبيب مثل هذه الأشكال؟
ارجو من الأخوة الاردنية الأجابة اذا كان لديهم اجابة.

  هناك سببان جوهريان لكي لا تفكر بالموضوع
1 انها بعيدة عن الدين
2 انها تركتك ( خلي عندك شوية كرامة ) وسيبك منها في الف وحدة بتتمناك ، وملينات البنات اكثر من الهم على القلب مع احترامي لكل بنت


تحياتي

  مشكلتك قريبة من صاحبة الموضوع الاول

يا زلمة فكك ما بتصلح وبعيدة عن دينها لشو حبيتها لشكلها كله مكياج ونفخ
فكك منها
وبتقول انها بتكذب
وبتشك فيها
الي بحب بيحول سم الحبيب لعسل مش بيشك وبقول فيها العبر
هاد مش حب هاد تعلق دير بالك

انت ناضج يعني اكبر من المراهق التفت لنفسك
وارجع لدينك بتنساها بسهولة لو حاولت او كانت عندك نيه صادقة
بس اذا كنت مفكر انه عنا سحر يحللك مشكلتك فانت غلطان

  الشي اللي بئدر اقولك اياه انو اختار فتاه زات دين وخلق حسن مادم انت بتحكي عن البنت انو هي تركتك انت انساها واتركها لانه هي ما بتحبك ولي بحب ما بيترك حبيبه لاي سبب كان اصلا ما بدك ياها فكر فيها كيف رح بتكون ام ولادك وهي اكيد بتغرف ميت شب يعني علاقتكم حرام وغلط انساها وارجع للقران واستغفر الله وان شاء الله بتلائي حل

  أكيد ربنا بحبك عشان هيك باعدها عنك لأنها ما بتناسبك .. بدك وحدة تسترك وتستر بيتك ..
الله يوفقك ...

  تقريبا كل انسان مر بهالمرحلة في حياتة مع اختلاف اشكال العلاقة, بس انا بقولك ان الحب مواسم, ما بينتهي عند شخص معين, الزمن بينسيك, و حيجي اليوم الي تلاقي حب جديد, نصيحتي انك لما تلاقي هذا الحب تبقى تاخد الطرق الحلال عشان ربنا يبارك في هالعلاقة, قصتك الأولى اكبر دليل على صحة كلامي, زي ما يكون ربنا عاقبك لأنك عملت شئ هو ما بيرضاه, انت اخترت تحكي مع بنت و تبني مشاعر بدون صفة شرعية و كان هذا عقابك للأسف.
بطمنك اني بعرف ناس صار فيهم مثلك و بعدين حبو و تزوجو و عايشين احلى حياة, اما ذكريات الحب القديم فبتختفي و بتصير اتفه من ان تذكر.
بتمنالك التوفيق

  تخطب المرأة لأربع ............ فإظفر بذات الدين تربت يداك يا إبني

  يا سيدي العزيز انتا وضعك صعب وكلامك فية شوي من الا منطقية...انتا بتحب وحدة اول شي مبتعدة عن دينها هيه وأهلها وهاد نقطة مهمة جدا لازم تحطها ببالك ، وأهلها لن يرضو بك كزوج لها في المستقبل....وانت شاب ومتعلم وفاهم الصح من الغلط ..
نصيحة مني أقعد مع حالك ساعة زمن وجيب ورقة وقلم (عادي ما فيها شي)وأكتب سلبيات البنت ع جهة وايجابياتها ع جهة ..وشوف انت وقرر شو رح تختار ، السلبيات ووجع الراس في المستقبل في أدق تفاصيل الحياة والي مش ممكن تخطر ببالك هلأ ،،،أو الأيجابيات التي لا تعد ان تذكر وبشكل قليل جدا...وحدد موقفك وانسى الحب ايام الجامعة لانه برأيي كان روتين الوحد بشوف البنت كل يوم إلا ما يفكر فيها (بس فكر فيها لو كانت محترمة ودينه واخلاقها عالية)وخليك في مستقبلك وحياتك.


الله يوفقك..

  السلام عليكم ورحمة الله وبركاته اخي عندما قرأت ما كتبته شعرت بأنها ليست مشكله بل نعمه من نعم الله وهو ابتعادها عنك بأعتقادي لا تريد الارتباط بأحد لانها وكما استنتجت من كلامك ليست من هذه النوعيه بل تريد ان تنتقل من شاب لآخر دون ان يتحكم بها احد وخصوصا انها بعيده عن الدين فلا يوجد شيء يمنعها من ذلك اتمنى منك ان تشكر الله على ذلك وهنا ساقول لك قصه وهي لقريبه لنا متدينه ابنها احب فتاه بعيده عن الدين والاخلاق وكل شيء وكل مره كان يفتح مع امه الموضوع كانت ترفض وبشده بسبب اخلاقها السيءه والفتاه تعلم بذلك اتدري ما فعلت اصبحت الفتاه تدبر وتكيد للأم وكل مره شيئ جديد وكله عن طريق المحاكم طبعا مره ترفع ذعوه بانها تكلمت عنها بالسوء ومره قامت بتهديدها بالقتل الخ حتى ان الابن اصبح يبكي ويعض اصابعه ندما على معرفته بهذه الفتاه واصبح يطلب السماح من اهله لذلك اخي اشكر الله بانها انسحبت من حياتك وبهدوء اتمنى لك التوفيق واسفه على الاطاله.

  أخي السائل الكريم...

مشكلة الحب أحيانا أنه يطمس على العقل فيصبح الإنسان أسيراً لعواطفه خصوصاً إن كانت تجاه إنسان لا يستحق الحب..

نصيحتي لك اتركها، وما شعرت به من كلامك انك انسان ملتزم ان شاء الله
وانت بتستاهل أحسن منها لأنه يا صاحبي الحب الأعمى المجرد من العقل يجعل الإنسان بعد الزواج يكتشف خبايا لم تكن في حساباته فوقتها لن ينفعك الندم.

انطلق لحياتك بنفسية جديدة ودور على بنت الحلال ذات الدين اللي تحفظك في بيتك ومالك وأولادك..

  انا بصراحه مو شايفه في مشكلة شوية وقت وبتنسا البنت

  كم كان عمرها عندما احببتها؟ وهل درستم في نفس الجامعة؟ وكيف حكمت انها بلا دين هي واهلها ماهي الاسباب التي ادت الى استنتاجك؟ كم مدة علاقتكم؟ ارجو الاجابة حتى نستطيع مساعدتك لانك لم توضح اي شيئ

  لانك صدقت في حبك وحبيتها من كل قلبك عشان هيك لسه بتحبها , وانا مثلك افترقت عن اللي بحبه من سنة واشي ولسه متذكريته مع اني ما بشوفه ولا بسمع صوته ولا حتى سيرته بس اللي بحب عنجد عمره ما بنسى حتى بينه وبين حاله.مع انك ما وضحت الاسباب اللي خلتك ما تطلبها وشو السبب اللي خلاك تحكي انو ما عندها دين؟
الله يرزقك ببنت الحلال اللي تحبك وتصونك واتذكر انو اللي بالقلب خليه بالقلب ومع الوقت بتتناسى وبتلهيك الدنيا , واذا اتزوجت عن قريب ان شاء الله ما تظلم زوجتك واكرمها وحن عليها لانو ما الها ذنب باللي صار معك.
الله يوفقك .. امين
الرجاء النشر وشكرا

  شو بوجعه هاظ وك مالك يا ...

  وين تعليقي با زااااااااااااااد؟؟؟؟؟؟؟؟؟

  اسمع لايهاب توفيق لمن يقول((ملهمش في الطيب يا قلبي يا طيب يلي ما شافو منك الا كل شيء طيب
بكرة القلب الي بعنا يندم على يوم ودعنا
والله يعوض علينا الله يعوض علينا

او اسمع انا وليلى لكاظم
بتعبر احسن من اي حكي

  اسمع حبيبي فش اشي اسمو حب كلو حكي فاضي الواحد عمالو يشغل حالو فيه لانو مش ملاقي قصه

  أخــــي العــزيز الحـــــل بإيدك إنـت...
يعنـي هــي طلبت منك تقطع علاقتك فيها و لا تصلح كزوجة مستقبلية..
بيجي يـــوم وبتنـــسـاها..نعمـــةالنسيـــان نعمة كبيرة..
لو كــل انسـان توقف عند لحظــــة مؤلمـــة بحياته ما استمـــرت الحيـــاة...

  لمشكله الاكبر انها لا تصلح كزوجه لي لانها بعيده عن دينها هي واهلها ورغم كل هذا ما زلت احبها ... والا لشو بتصلح؟؟؟؟؟؟؟ اخر زمن

  اخي العزيز الزواج يحتاج الايجاب والقبول من الطرفين وانت تقول انها انهت العلاقة وفوق هذا يبدو انك مقتنع ان اسبابها كاذبة، لا يحق لنا ان نحكم على دينها واهلها دون ان نعرفها لكن يكفي حكمك انت انك غير مقتنع بها بعقلك وفوق هذا هي رفضتك، ربما تقول عنها هذا او تقنع نفسك بهذا الكلام لأنها جرحتك برفضها او جرحت كرامتك او ربما كلامك صحيحا"، في جميع الأحوال النسيان مسألة وقت فقط مهما كان صعب، لا تعزل نفسك وتفكر بها دائما"، دع ايمانك بربك كبيرا" وعندما تصلي قم بالدعاء ان يرسل الله لك الانسانة المناسبة وان يكون الحب متبادلا" ومع قناعة بالعقل لا من طرف واحد، كن قوي واقضي الوقت مع الأهل والأصدقاء وفكر ان يكون هدفك النجاح في الدراسة والحياة ومن اهم عوامل النجاح القناعة ومن بعد ذلك الصبر وتغليب العقل على العاطفة. ما زلت صغيرا" والحياة امامك لا تدمرها بتفكيرك السلبي وكلما فكرت بها قم وصلي ركعتين واشغل نفسك بما هو مفيد. الله الموفق.

يرجى النشر وشكرا".

  الاخ الكريم صاحب المشكله

الواضح بلفعل ان تفكيرك بهذه الفتاة مشكله كبيرة,,,,,لانه لا نهايه واضحه لهذا التفكير او لهذا الحب

فكرة الزواج بلنسبه لك غير واردة من هذه الفتاة ,,,,,,,,لذلك لماذا تشغل نفسك بلتفكير بعلاقة غير معلومة النهاية ,,,,,,,,فكر بلعقل والمنطق لعلك تصل لنتيجة

واستغرب منك تعلقك بها على الرغم من انك ذكرت انها طلبت منك الابتعاد ........وانك لاتفكر بها كزوجة لانها غير ملتزمة .....

...ماتمر به الان قد يكون سببه انك لم تجد بديلا عنها ........او ان انهاء العلاقه بها ترك بحياتك فراغا كبيرا
اقتل هذا الفراغ باي عمل ,,,,,,,او اي هوايات ,,,,,,حاول البحث عن فتاة لتكون زوجة ليس للتسليه وقتل الفراغ

اتمنى لك التوفيق

ولكم الاحترام والتقدير

  نصيحة يا اخوي بالمختصر دور على صاحبة الدين
تصونك وتصون اولادك بلمستقبل وتفتخر فيها وانتا جامعي ومتعلم وعمرك مش صغير فلازم تعرف كيف تختار شريكة حياتك .............
لازم تكون متدنية في الدرجه الاولى ومتعلمه وحالتها الاجتماعيه جيده ...
فنصيحتي ياا اخوي زي هيك بنت ما بتلزمك نهائي
وهذا رأيي الشخصي

  اخوي نصيحة حاول تنساها واللي باعك بيعه
والجامعه تخلق شخصية تانية
يعني البنت كانت في فترة مراهقة واما الان بلشت
تكون شخصية اخرى , لو كانت بتحبك صح ما تركتك
بمجرد انها دخلت الجامعه نسيتك انساها احسنلك,

على فكرة مريت بنفس قصتك والحمد لله عدت.
وان شاء الله هتعدي عندك.

  انا برأيي اللي ببيعك بيعو
و ازا هيي مو مناسبة كزوجة حاول تنساهاو الله خلق نعمةالنسيان عشان ننسى و ما تقول ما رح تقدر لانك بتكون بتضحك على حالك , انت ما بدك تنساها

  اول شيئ بشكر الجميع على رأيه وبخص بالشكر 11.م وليد السعيد و17.منال و 20.ام عمر و31.قارئه و32.وسن لان كلامهم رائع ومنطقي جدا وساوضح اسألة بعض القراء وخاصه23
اول شيئ انا اخاف ان اخطب وارتبط بفتاه واظلمها وانا افكر بحبي الفاشل .
الفتاه عندما احببتها كان عمرها 17 سنه ولم اتعرف عليها عن طريق الجامعه والفتاه يوجب صلة قرابه تربطنا بهم يعني بعرف اهلها واستمرت علاقتنا لمدة سنه ونصف .
شكر خاص الى زاد الاردن

  ما في مشكله اصلا ما هي ما بدها اياك وانت شايف انها ما بتنفعك

  دين الإسلام هو دين الوسطية وهو دين الإعتدال،
عندما تقول فتاة غير متدينة هذا يعتبر وصف عام يمكن أن يكون خاطىء لديك ويمكن أن يكون صحيح ، كيف ذلك؟

هل لباس الفتاة أو الحجاب هو مقايس للتدين؟ أقولها لك بكل أمانة هذا ليس المعيار لقياس تدين الفتاة أو عدمه؛ تجد على سبيل المثال فتاة غير محجبة ولكن أخلاقها عالية وتصلي كل الصلوات والعكس كذلك يمكن أن يكون صحيح. بالتالي إذا كانت نظرتك لتدين هذه الفتاة فقط من خلال لباسها أو حجابها فهو ليس بالضرورة أن يكون صحيح.

الحالة الأولى:على سبيل المثال إذا كانت هذه الفتاة غير محجبة ولكنها تصلي ، ممكن أن تتعبرها مقصرة ولاكن لا يمكن أن تعتبرها غير متدينة ،لأنه يمكن بكل بساطة أن تقنعها بلبس الجاب ؛وبما أنها تصلي إذا لديها الدافع لذلك.
الحالة الثانية: إذا كانت هذه الفتاة محجبة ولكنها لا تصلي ، فهل تعتبر هذه الفتاة غير متيدنة؟ ليس بالضروة، ممكن أن تعتبرها مقصرة ولديها القابلية لأن تلتزم بالصلاة .
بالتالي أن تحكم على تدين هذه الفتاة أو عدمه من الظاهر ليس صحيحا،
هنالك من الشباب من يحب أن يرى زوجته بلباس الجلباب ، إذا كان هذا إختياره من البداية فله ذلك، أما على سبيل المثال إذا ارتبط مع فتاة محجبة فقط فله أن يحاول معها بأسلوب محبب ولاكن لا يستطيع إجبارها على ذلك لأن هذا اختياره من البداية، ولبس الجلباب أو عدمه ليس بالضرورة أن يكون مقياس للتدين.

نصيحتي لك أن تتأكد جيدا قبل أن تحكم على أي شخص بأنه متدين أولا ، فلسنا نحن من نحكم على البشر بالتدين أو عدمه وهنالك معاير كثيرة لذلك.

وهذا ينطبق أيضا على الحكم على الشباب ، سوف أعطي مثالا على ذلك:
الآن لو عرض برنامج ديني على شاشة التلفاز لشيخ معين، تجد شخص أحب أسلوب هذا الشيخ و شخص آخر لم يعجبه أسلوبه، هل هذا يعني أن هذ الشيخ مقصر؟ بالطبع لا ولكن أسلول هذا الشيخ كان محببا للبعض ومنفرا لبعض آخر.

بالتالي عندما يقوم الشاب على سبيل المثال بنصح خطيبته أو زوجته ، من الممكن أن يكون أسلوبه محبب و من الممكن أن يكون أسلوبه منفر دون قصد، لذلك إذا كان أسلوب هذا الشاب منفرا ،لا نحكم عليه مباشرة بأنه متعصب أو متسلط ، تسطيع خطيبته أو زوجته أن تنبه هذا الشاب من أجل تغير أسلوبه أو تحسينه.
هكذا تكون الحياة تكامليه بين الشاب والفتاة.

بالنسبة لموضوعك ، أعتقد أنك تناقض حالك كيف تقول أنها لا تصلح زوجة لك لأنها غير متدينه وأنت أصلا ارتبط فيها من قبل كما تقول فهل كانت متدينة والآن بعد أن تركتك أصبحت غير ذلك؟

تعلق الشاب بالفتاة لفترة طويلة بعد أن يفصلوا، يكون ليس لمجر نزوة أو حالة مؤقته؛

هذا الحب النابع من القلب لإنسانة أصبحت جزء منه ، لإنسانة أصبحت جزء من حياته، فكيف بعد أن شعر أن هنالك إنسانة أعطته معنا جديدا لحياته بعد أن أعطته الأمل والحياة أن يواجه كل مصاعب الدنيا ، أعطته الأمل والحياه ليعمل بكل عزم من أجلها، أعطته معنا جديدا للسعادة ، أعطته معنا جديدا للتسامح، أعطته ثقة جديدة لم تصل إلى هذه الدرجة من قبل لوجودها معه، فهي نصفه الثاني ، فهي الهواء الذي يتنفسه ، وهي الدفىء والحنان ،وهي مصدر إلهامه، وهي الزوجة والصديقة ورفيق الدرب معا في شخص واحد .
فبعد كل هذا كيف له أن ينسى؟سوف يشعر بأنه كان شيء وأصبح لا شيء، فهل سوف ستعود الدنيا له بعد كل هذا كما كانت.

  قل معي: وكلت امري الى واحد احد , يارب اني اسألك الخير كله ما علمت منه وما لم اعلم , ربي استغفرك لما علمت واستغفرك لما لم اعلم , لا اله الا انت سبحانك اني كنت من الظالمين .
توكل على الله اخي فهو حسبك , وكلما ذكرتها استغفر , وتأكد ان من ترك شيئا لله عوضه الله خيرا منه , وانا متأكدة انك انسان طيوب وعاطفي ولو تخطب وتكون خطيبتك متدينة وبتخاف عليك رح تتعلم تحبها ورح تتعلق فيها , بس هسه انت لانو ما في بحياتك حدى , بعدين هي كانت مراهقة ومو واعية , انت بس ادعيلها بالخير وما تقنط من رحمة الله رح يعطيك كل الخير.

  الى moh من صاحبة موضوع (كنت احب شابا وانا صغيرة واستمريت معه ل 7 سنوات) تعليقاتك مفيدة جدا وواقعية , وارجو منك ان تدخل الى موضوعي وتعطيني رأيك, وشكرا لك ولزاد الاردن

  اخي الكريم شيء طبيعي ان يكون صعب ان تنسى انسانة سبق واحببتها، لكن انت ساعد نفسك ان تنسى هكذا اذا كنت مقتنع فعلا" انها غير مناسبة ولا تريدك اصلا" اذا كن مؤمنا" بالقضاء والقدر والنصيب واعلم انك لن تأخذ الا نصيبك، صلي واشكر الله انه كتب لك نصيب افضل باذنه، وثق تماما" اذا شغلت وقتك كله انك ستنساها تماما" مع الوقت وخاصة عندما تقابل انسانة اخرى تحبها وتحبك. الله يوفقك يا اخي.

يرجى النشر وشكرا".

  رداً على 38
عندما يأمر الله عز وجل بالحجاب وتجد فتاة غير محجبة فلا تقول لي أنها متدينة
من الممكن ان اخلاقها عالية ولكن لا يطلق عليها أنها متدينة
لأنه دينها الموجود لديها ليس بالمستوى المطلوب لأنها غير محجبة وتنتظر ان تقتنع بأمر الله والعياذ بالله
المفروض أن تلبس الحجاب فقط لأن الله امر به ولا تنتظر إنها تقتنع
وهناك فتيات غير مسلمات وأخلاقها عالية ولكن هذا لا يعني أنها متدينة
والإنسانة المحجبة ولا تصلي فإثمها على نفسها
وتعتبر عاصية او كافرة عند جمهور العلماء
فالحجاب يعتبر مقياس أولي للتدين هو واللباس
لأنه الدين الذي لا يقودها للتحجب ليس بقوي بل ضعيف جداً

  وينك يا جرثومة, ليش ما علقت؟ والله انا بحب تعليقاتك لانها في الصميم
تحياتي للجميع

  الأخ السائل ابني العزيز اكيد ان كل انسان يواجه صعوبة في نسيان الانسانة التي احبها او كون تجاهها مشاعر قوية، ولكن علينا ان نميز بين الحب الصحي الواقعي الذي يجب ان نرحب به وبين الحب الذي يتخذ شكل مرضي ويكون غير مناسب، اعتقد ان كونك تعاني فراغ عاطفي يجعلك هش الآن ولأنك لم تجد انسانة اخرى تفكر بها وتبادلك الحب والحنان اصبح تفكيرك كله يتجه نحو هذه الفتاة، علما" ان الطبيعة البشرية صعبة ومعروف ان الانسان بشكل عام والرجل بشكل خاص يميل الى التفكير بالفتاة التي قامت برفضه وجرحت كبريائه ومشاعره، وارى ان تكون واقعي وتتقبل فكرة انها غير مناسبة لك بسبب رفضها لك وبسبب عدم قناعتك بنجاح علاقة معها والزواج من غير قناعة لن ينجح ابدا" وفوق هذا ما زلت صغيرا" يا ابني وهي صغيرة والعواطف متقبلة في هذا العمر تتبدل بسرعة كبيرة، لا شك انك ستتألم فترة لكنها مسألة وقت وستنسى، وانا متأكد انك عندما تعطي نفسك فرصة للاندماج بالحياة الاجتماعية مع الأهل والأصدقاء وتهتم بدراستك او عملك سوف يقل التفكير بهذه الفتاة حتى تأتيك من هي انسب لك. الله يوفقك.

للتواصل: dreyyad@gmail.com

يرجى النشر للافادة وشكرا" لكم.

  يا ابني العزيز انا متاكد انك تفكر فيها فقط لأنك لم تجد بديل لها والآن تظن انك لن تحب غيرها لكن صدقني اقول لك عن تجربة سوف تحب غيرها وتنساها لكن امنح لقلبك وقت لينسى واشغل نفسك بالحياة العملية وصلي ترتاح، والأهم لا تحاولي رسم صورة سلبية لها بعقلك بل تمنى لها السعادة والخير. الله الموفق.

يرجى النشر وشكرا" على جهودكم.

  اخي اكيد اول ما تتعرف على انسانة غيرها وتحب وتلاقي مين تحبك رح تنسى هاي البنت بس لازم تعطي حالك فرصة لأنه النسيان بدو وقت وخلي ايمانك اكبر عشان تقتنع انك رح تاخذ الانسانة اللي الله كتبلك اياها، واكيد لو تعمل استخارة على هاي الفتاة رح تشوفها غير مناسبة بس اعطي القلب فرصة ينسى وحاول تتعرف على ناس جداد.

ارجو النشر.

  شكرا لكلامك الجميل ولتعليقق الرائع جدا
وحابب احكيلك اني انا متأكد من اخلاق البنت ودينها عندي اسباب كتييير ما بقدر احكيها واوضحها وانشالله انو الله اختارلي الخير والصواب .
صاحب المشكله

  اخي العزيز اقدر حجم ألمك واشعر انك تعطي الموضوع اكثر من حجمه لأنها حبك الأول ولأنك لم تحصل عليها بسبب الظروف، لكن عليك ان تقنع نفسك انك انسان قوي وتقتنع بالأسباب وخاصة ان عقلك يرفضها حتى وقلبك يلحقها، وارى ان تسلم قدرك لله تعالى وتقتنع بما كتبه الله لك وانه سوف يرسل لك غيرها وصدقني الحب المتبادل اجمل واصدق مليون مرة من العاطفة التي تشعر بها انت الان على كل قوتها، وصدقني الأيام كفيلة بمحو الألم ان اعطيت نفسك فرصة، التزم الصلاة وتقرب من الله وبنفس الوقت اعطي وقت للأصدقاء والأهل ومع الأيام سوف ترى تغيير اوضاعك باذنه تعالى.

ارجو النشر وشكرا" للمحرر والموقع.

  ما تمر به اخي هو عبارة عن تعلق غير صحي بالماضي والحب الأول وسوف تنتهي هذه الحالة عندما تقابل الانسانة المناسبة وتشعر بحب متبادل وينتهي الفراغ العاطفي الذي انت فيه. ونفص الكلام ينطبق على الأخ Moh

  الى الأخ الكريم Moh

اخي العزيز Moh بالنسبة لسؤالك السابق حول موضوع التعلق فان التعلق حتى بعد الفراق عن الانسانة التي احببتها من زمان شيء طبيعي وهذا شيء يعتمد على عاطفة الانسان ووفائه لذكرى الحب الذي عاشه وبخاصة في ظروفك لأنه كان بينكما رابط رسمي وكنت على وشك الزواج، وايضا" الظروف المحيطة بك لا تساعد على النسيان كونك موجود بالغربة وبعيدا" عن اهلك وربما عدد اصدقائك محدود وطبيعي ان تتذكر وتتألم حتى لو انك حاولت ان تشغل نفسك، لكن اؤكد لك ان كل شيء يتغير مع الوقت وانا متأكدة انك مع الوقت سوف تصبح الأمور اسهل ولا اقول انك سوف تنسى كل شيء لكن الذكرى تصبح جميلة وغير مؤلمة، وعليك ان تقتنع ان كل شيء في الدنيا قسمة ونصيب وله اسبابه، وان كتب الله لك ان تعود اليها سوف تعود وتتزوجها وربما ان الله كتب لك شيء احسن. سوف اعتبرك مثل اخي الصغير لأنني متزوجة ولدي ابنة صغيرة وانصحك ان لا تستسلم للألم واليأس ودع ايمانك كبيرا" بالله ولتكن لديك قناعة بأنه لن يصيبك الا ما كتبه الله وان كل شيء يصبح اسهل مع الوقت وصلي عندما تشعر بالحزن كي ترتاحي. الله الموفق.

يرجى النشر وشكرا".

  كلمة خاصة الى ابني الأخ Moh رقم 38

يا ابني العزيز رجاءا" لا تستسلم لهذا اليأس لأنك ما زلت شابا" صغيرا" حياتك امامك ودوام الحال من المحال وكما قلت للأخ السائل في مشكلته عليك ان تعرف ان الانسان بالارادة والمثابرة والصبر والايمان يحقق كل اهدافه والنسيان يا ابني مسألة وقت لا اكثر، عليك ان تعرف ان الليلة الحالكة الظلام تأتي مباشرة قبل الفجر، انت تشعر القارىء بألمك في كل سطر تكتبه لكن الحياة ما زال بها أمل، واظب على الصلاة والدعاء وقراءة القرآن كي تشعر براحة نفسية وان شاء الله عندما تنهي عملك وتعود سالما" الى الأهل والأصدقاء تتغير نظرتك بالحياة وتصبح بها تفاؤل اكثر (تفاءلوا خيرا" تجدوه) ومن ترك شيئا" لله عوضه خيرا" منه. الحياة لا تتوقف عند نقطة معينة يا ابني، عليك ان تساعد نفسك على النسيان.

للتواصل: dreyyad@gmail.com

يرجى النشر للافادة وشكرا".

  انا بقول ياريت اصحاب الردود السخيفه يشغلو حالهم بسولافه على مستواهم اما انت يا اخي فعليك بالاستغفار والرجوع الى الله واحمد الله لان الله سبحانه وتعالى يكون قدر لك الخير ان شاالله (الطيبون للطيبات والخبيثون للخبيثات )

  فاظفر بذات الدين تربت يداك

  انا برأي انك تسمع لكلام الرومانسي المنسي لانو كلامو منطقي جدا وكلا الباقي طبعا لانو الانسان اللي فعلا مابستاهلنا بلا منو واكيد كل انسان مر بتجارب بحياتو والشاطر اللي بيتعلم من هالتجارب والله يوفئك ويهديك ويرزئك ببنت الحلال اللي تسعدك وتنسيك اياها

  فكر بعقلك اخي الكريم وخذ بنصحية دكتور اياد لأن الندم على الماضي لا يفيد وتطلع الى مستقبل افضل مع انسانة اخرى مناسبة.

  اليوم سأعلق بالعامية أيضا..

والله عيب مرة ثانية ..

وخحدة بتحب واحد أزعر وبدور على شباب ووهو مرمي بالحبس..

وواحد بحكي انه بحب وحدة هاملة وبعيدة عن دينها..

والله عيب..

عتبي على زاد الاردن مرة أخرى..

وأرجوكم يا زاد ما تنشروا متل هالموضوعات..

ولكم الشكر..

والسلام لأهل السلام

  بسم الله الرحمن الرحيم يا شب انتا اكيد متعلم ولو حتا دينها غير لا تتركها وانا بحكي انو الحب عمرو ما بينعاش زي اول مره بتحب شخص والله الا تضل طول عمرك تحبو انا لو منك بعمل المستحيل بس بشرط اكون بحبها اكتر من اي اشي ولا ترد على حدا ومع تحياااااتي للجميع وارجو النشر

  مرحبا يا صديقي
باختصار هل تامن بالقدر ان كنت تامن فسلم امرك لله وان كنت لا تؤمن فقد خسرت اتمنى ان تحقق كل امانيك يا صديقي دمت بود

  قصيدتك كتير حلوة للي بفهمها

  انا مع جرثومه

  الله يشفيكم انتم الاثنين "جرثوم" و"جرثومة" اسم على مسمى فعلا" الطيور على اشكالها تقع، ما صدقنا خلصنا من جرثومة عشان يرجع للساحة وكمان يصير يكتب تحت اسم جرثوم. الله يشفينا من هيك اشكال كل كلامها تعصب وضرب من الجنون. الله يشفي. هادا اللي ناقصنا.

ارجو النشر زي ما بتم نشر آرائهم ضد القراء.

  يا أخي الواحد بتكون عندو الإجابة وبدور عليها عند الناس .
1- باعتك عشان واحد ثاني في الجامعة
2- بايعه دينها

  يا أخي الواحد بكون عنده الجواب وبدور عليه عندنا .
1- باعتك عشان حبيب جديد في الجامعة (واضح )
2- بايعه دينها هي وأهلها كمان
3- حسب كلامك ( لا تصلح زوجة )
4- كذابة
يا رجل خليك فعلا رجل وشوف حالك احسنلك شو بحبها ومش قادر أنساها .. احلقلها وبعد فترة هي بتصير اطارد وراك

  يا باحث كون باحث عن جد واقرأ كل التعليقات للآخر قبل ما تعلق وتفتي من عندك كان شفت انه صاحب الموضوع قال انه اخلاقها منيحة وعنده اسباب ما بدو يحكيها، عيب تحكي عن الناس بهاي الطريقة على موقع عام (بايعة) وهادا الحكي، ارتقي بمستواك شوي بطريقة او اسلوب الكلام احسنلك.

بليز انشروا تعليقي.

  هههههههههههههههههههههههههه بتعرفو حششت على تعليق جرثومة وتعليق رقم 61 ههههههههههههههههههههههههههه جد انكم نهفه يعني عجرثومة هون بحسه متل الكركوز او الكاركاتير هههههههههههههههههههههههههه

  الحب شي جدا جميل ..
ولكن
واضح من كلامك بانك انسان ملتزم .. وانا اريد أن اناقشك من هذه الناحية التي هي الافضل (ياريت كل الناس ملتزمين كان كل المشاكل الها حل في العالم كلو)
مادام انت تركتها بكل احترام ولم تتحاقر معها او تهددها .. فانت عملة نادرة جدا في هذا الزمان . واحييك واحترمك جدا اخي .. وثق بان ربنا عمالو بعطيك حسنات بكل معاناة عم بتعانيها بحبك لها لأنك ما عم تفعل معصية وما بتحاول تأذيها ..
ثانيا ... الحب لوحده صدقني لا يمكن ان ينجح أي علاقة خاصة الزواج ..لان بالزواج يوجد الكثير من العقبات والمسؤولية بحيث أنه اذا لم يكن هناك توافق عقلي او اخلاقي لن ينجح الزواج وسوف يظل هناك نوع من التوتر في العلاقة .. لأن الانسان بطبعه لا يستطيع أن يتقبل عقله عدم التوافق لمدة طويلة . يعني ممكن تعيش معها اول فترة سعيد او بتفكر حالك سعيد انك فزت فيها للبنت ..بس بعدين الظروف راح تتغير .. وطريقة حكمك عالامور راح تتغير و راح تتفاجأ انو في مسائل تانية ما كانت ببالك وقت ما حبيتها لكن هلا انت محتاجها ومش موجودة .. احمد الله تعالى انو هيك كانت النهاية .. واكيد ربنا عم بحضرلك شي تاني كتير كبير و فيه خير اكتر بكتير ... انت احكي اللهم آجرني في مصيبني واخلفني خيرا منها ..
من ترك شيئا لله أبدله الله خيرا منه
الله يهدي بالك و يفرج همك آمين
نصيحة لكل الشباب .. حاولو ما تطورو أي علاقة عاطفية قبل ما تفكرو بعقلكم .... إنو هل هذا العلاقة راح تنجح بالمستقبل او لا .. صدقوني الحب في اولو ممكن انو نتحكم فيه حتى لو تعذبنا .. لكن لما تتطور العلاقة ويصير في تعود و عشرة .. راح يكون العذاب مضاعف

  الحب شعور جدا جميل ..
ولكن
واضح من كلامك بانك انسان ملتزم .. وانا اريد أن اناقشك من هذه الناحية التي هي الافضل (ياريت كل الناس ملتزمين كان كل المشاكل الها حل في العالم كلو)
مادام انت تركتها بكل احترام ولم تتحاقر معها او تهددها .. فانت عملة نادرة جدا في هذا الزمان . واحييك واحترمك جدا اخي .. وثق بان ربنا عمالو بعطيك حسنات بكل معاناة عم بتعانيها بحبك لها لأنك ما عم تفعل معصية وما بتحاول تأذيها ..
ثانيا ... الحب لوحده صدقني لا يمكن ان ينجح أي علاقة خاصة الزواج ..لان بالزواج يوجد الكثير من العقبات والمسؤولية بحيث أنه اذا لم يكن هناك توافق عقلي او اخلاقي لن ينجح الزواج وسوف يظل هناك نوع من التوتر في العلاقة .. لأن الانسان بطبعه لا يستطيع أن يتقبل عقله عدم التوافق لمدة طويلة . يعني ممكن تعيش معها اول فترة سعيد او بتفكر حالك سعيد انك فزت فيها للبنت ..بس بعدين الظروف راح تتغير .. وطريقة حكمك عالامور راح تتغير و راح تتفاجأ انو في مسائل تانية ما كانت ببالك وقت ما حبيتها لكن هلا انت محتاجها ومش موجودة .. احمد الله تعالى انو هيك كانت النهاية .. واكيد ربنا عم بحضرلك شي تاني كتير كبير و فيه خير اكتر بكتير ... انت احكي اللهم آجرني في مصيبني واخلفني خيرا منها ..
من ترك شيئا لله أبدله الله خيرا منه
الله يهدي بالك و يفرج همك آمين
نصيحة لكل الشباب .. حاولو ما تطورو أي علاقة عاطفية قبل ما تفكرو بعقلكم .... إنو هل هذا العلاقة راح تنجح بالمستقبل او لا .. صدقوني الحب في اولو ممكن انو نتحكم فيه حتى لو تعذبنا .. لكن لما تتطور العلاقة ويصير في تعود و عشرة .. راح يكون العذاب مضاعف

  شوف يا صاحب المشكله...
حبيبتك هاي إلتمتلها على شب من شباب الجامعه وحبتو..والدنيا ما بتوقف عند حدا رح تمشي فيه أو بلاه
وبما إنها مو مناسبه لإلك خلص بكره بتلاقي وحده تانيه وصدقني معبى بنات بالبلدأكتر من الهم عالقلب...
فنصيحتي استنى على حالك شوي والحب بجي لحالو لا تدور عليه....

  كلامك حلو يا اختي وامورة كلامك صح وفيه روح فكاهة قعدت اضحك على بعض تعليقاتك انها حلوة وواقعية ومرتبة بس الأسلوب كمان خفيف دم يجذب القارىء والله انك امورة انا كبنت بفكر زيك الصراحة بس مش دائما" تيجيني الجرأة اكتب مثلك. الله يسعدك اختي.

  شكراً 69 هادا من زوقك...
بس يارب يستفيد منو بلاش ما نحس حالنا منكتب عالفاضي :)

  دور عالاصيلة وانا اختك
الاصيلة اللي بتضمن تسترك وتصون شرفك وتحمي ولادك

  خليها على الله .. ومارح يغشك (حاشاه جل في علاه)
كن واقعيا وتقبل الواقع , وإعتبر صدق مشاعرك مالقي مين يستاهله ويصونه ولو فرضنا إنك إرتبطت بيها على كلامك إنه مش مثل مابدك (ولاتصلح لك كزوجه ) إذن بدك تعاسه ولا بدك تتهنى ؟!! ... أخي أعط نفسك فرصه لتقارن وأزل الغمامة عن قلبك لتجد ما هو أفضل وأصفى وأنقى, معلش هي تجربه ولازم تاخذ منها دروس لتفيدك وتتلاشى مالا ينفعك بأيامك المقبله .

  اشغل النفسك بطاعة ربك او اي شيء تحبة يكون لة فائدة وخذ عبرة من الموقف انك ماتفتح قلبك بسهولة الله يتولا امرك

  كلامك يا صاحبي مية بالمية وانا معك لاني مجرب
بس انت شاب حبيت من قلبك والحب ما في عليه كبير . اللي يكون بعون اللي بحبوا بهاي الايام, لانو هالبنات بطلنا نعرف الهم راس من رجلين
thewhit_man@hotmail.com

  يعني بتحبها بس مو مقتنع فيها ...؟؟؟
صدقني انو انا مقدر وضعك وفاهم بشو بتفكر بس بدي احكيلك انو القلب ما بيتوقف وإحنا كل ما نشوف شي حلو بنحب مو اخر الدنيا ومو نهاية العالم اشغل حالك بأي شي ممكن انو يشغل وقتك وما تفكر بالموضوع ... بس موضوعك والله صعب والله يكون في عونك وهاد إيميلي بتمنى تراسلني بنحكي وبفهمك شو تعمل ...

  يرجى عدم ظلم الفتاة والانحياز للرجل، الصدق بالمشاعر يعتمد على الشخص لا على الجنس، هناك فتيات صادقات ورجال يكذبون والعكس صحيح، ارجو ان لا نعمم كي لا نظلم الفتيات، مع احترامي لكل تجاربك. على الانسان ان يحكم بعدل، الصدق مرتبط بأخلاق الانسان وشخصه لا جنسه. واعرف تجارب معاكسة ظلمت فيها الفتاة. يرجى العدل باصدار الأحكام لعدم التجريح والظلم. الله يوفقك.

  شكرا للجميع على تعليقاتهم

  Sir,,
what you talking about , you are 25 years old and educated .. you not little kid.. grow up go find your career ..
The lady is very clear with you ,, stop
your dreems go find a job.

  اكيد انت قرأت التعليقات وحكيت ليش الكل ناسي مشاعري؟؟ مزبوط انها ما بتستاهل بس انا مع مشاعرك الي لسه موجودة............
حاول شوي شوي الانسان بهالوضع بكون محتار كتير بس بالنهاية راح تلاقي حب تاني
وتحياتي للجميع

  انا راي انك تصلحه بلك اهتدتدت
والله يهدي امت محمد

  كويس في الوقت هذا شب بتمسك في بنت دائما العكس بس انت الله يصبرك ع بلواك

  الي بحب بضل متمسك
خليك متمسك فيها واخرتها تندم انها ضيعت وقت بدونك.وشوي شوي بتغبرها زي ما بدك

  الي نسااااك أنسى و خليك رجل , شو مش ما تغيب عني

الي ما بده اياك تلحق وراه؟

  الي نسااااك أنسا و خليك رجل , مش ما تغيب عني

الي ما بده اياك تلحق وراه؟

في 10000000000 بنت غيرها و احلا من روحها وطيبة قلبها

هي شو أسمها؟؟

  كلنا حبينا وإتحبينا و أنا بحكيلك أُقعد مع حالك و فكر و حط قائمة بالسلبيات و الإيجابيات وحكم عقلك بالشغلات اللي بتخصه و قلبك بالشغلات التانية اللي عندها و على أساسها أُحكم و أنا متأكده إنه إنت رح ترتاح ... .

  الحب يا اخي بعمل المستحيل واذا انت بتحبها راح تكون عندك القدرة انك تغيرها وهي اذا بتحبك راح تتغير

  اولا واخيرا هي ما بتستاهلك وهي الخسرانة
واتاكد انه ما في بنت بتترك شب بتحبه اذا اهلها مو موافقين اصلا انت مارحت وطلبتها وهي كذبت عليك
المهم تقنع نفسك انك بتقدر تنساها ورح تنساها واتذكر يلي ببيعك بيعه ويلي اشتراك اشتريه وضحي عشانه

  نصحني جدي مره بقوله (لمل تيجي تتجوز يا بني لا تتزوج الي إنت بتحبها بل تزوج من تحبك، وإذا كنتو التنين بتحبو بعض فخير وبركة) أنا عملت بنصيحة جدي وأصبحت أكثر شخص سعادة في هذا الكون، أنصحك بنصيحة جدي.....

  انا ما رح رد على مشكلتك اخي لأن الأخوة كفو ووفوا وكمان انت اذا شغلت عقلك اكثر من عاطفتك رح تلقي الحل بكل بساطة لان البنت ما بتستاهل منك شي, لكن تعليقي هاد هو موجه لبعض الاشخاص اللي بيكتبو تعاليق وردود مو بغرض مواسات الناس والمشاركة بحلول ممكن تنفع وإنما ليتمسخرو يخففوا دم و يضحكو على العالم. بجد ما بصير هاد التعامل, اللي ما رح يرد بصدق ويحس بالناس مافي داعي يكتب كلام تافه ويستلم صاحب المشكلة.

  لما حبيتها كانت مراهقه وعواطفها غير متزنه والبنات بهاد العمر بكونوا غير متزنات ولما بيدخلوا على الجامعه بشوفوا عالم غريب وبينشغلو عن حالهم فيه.
انساها ودور على انسانه تنجح معها على المدى البعيد
..تحياتي الك.

  اختصر و انساها, انت زلمة مش ولد

  يا ريال ...لا تلعوزنا(بمعنى تجننا)---انساها وريح راسك