ما زال يطاردني رغم زواجة

  ايش رايك انتي مثلا؟؟!!
يعني متزوج وانتي مو طايئيتو اصلا لشو عامليتها أصه طويله؟
طنشيه ولا كانو موجود وسلامتك.

  انصحك بعدم فتح المجال امامة وان تبقي على علاقة
جيده معه ومع زوجته .
والحل من وجهة نظري اذا كان لديك اخ ان يجلس معكم في نفس الجلسة واتركي اخوك يوجه الحديث
لزوجة الشاب ويبادبها النظرات لدرجة انه يلفت
نظر الشاب الذي تقولي انه يحبك سوف تلاحظين على وجه الاحمرار ومن ثم سوف يتغير اللون الى بعض الزرقة غيرتا على زوجته وسنسى انك امامه .
وسنشغل بمراقبة الجو .
كرري الخلطة مرتين على هذا النمط واتحداك ان كان سياتي الى بيتكم ومعه مرته .

وانصحك بالصلاة والاستخارة والدعاء
والسلام عليكم

  لو بحبك ما بتزوج البنت (س) اسألينا احنا الشباب انا لو صار معي هالموقف مستعد اضل احكي معك لحتى اغير فكرتك عني واحاول اخليكي تحبيني مو بروح بتزوج بنت تالنية

حكي فراطة سيبك منو وطنشيه

  لو نظرت يا صاحبة القصة إلى الصورة لعرفت ما أنت عليه..

سيديتي..لا أظن كلاك في غاية الصدق..فلبرما هو معجب بك بشكل عادي..وأنت من بلورت ذلك الإعجاب لقصة حب..

قد تزوج..وتوسد ذراعا أخرى غير ذراعك..واشتم رائحة فم زكية غير رائحتك..

لا أرى في قصتك قصة..واستغرب ممن أصبح يدعوك إلى الاستخارة والدعاء..


انظري إلى الصورة التعبيرية...ستجدين نفسك تتقدمين ثم ترجعين حيث أنت...

هكذا أنت سيدتي..تلعبين بنفسك..كما الأرجوحة ( المرجوحة ) التي بالصورة...


عجبا عجاب منكن يا صاحبات القلوب المرهفة..أتحسبين كل نظرة لك منه على انها حب...أصدقت كلام الناس بأنه يحبك؟؟؟

قد توقفت عن الكتابة من قبل...وعندما قرأت قصتك حركت قلمي..

ليس تحريكا ايجابيا..بل حزنا وألما على الباحثين عن الحب...

بل ضالة الحب المنشود...

سلام

  يمكن بتهيألك إنه بحاول يهتم فيكي أكثر من غيرك لأنه انتي في داخلك مقتنعة انه بحبك

طنشي يا بنتي الموضوع مش مستاهل

  ايش يا معلمين بتنصبو على القراء
من وين صار عندو ابن هو خلال شهرين او 3 اشهر بصير عندو ابن معلش لا تظلكم هيك واذا بدكم اجيبو قصص خلوها حقيقيه !!!!!

  انه رجل مخادع واستغلالي ويحب ان يستدرجك لعلاقة خاطئة ممكن ليتسلى او لينتقم منك لمعرفته انك لن ترضيه
احسن الحلول التجاهل التام له ولزوجته ورفض اي علاقة او زيارة وحسنا تفعلين عندما تتركين المكان الذي يتواجدون به وبعد فترة كل منكما ينشغل بحياته

  مزبوط يا prince يعني ما في قصة ما اساسو

  صح لو بحبك كان ما اتزوج البنت (س) يعني افهمي الشباب اكدب منهم الله ما خلأ و كل شب بحاول يعمل حالو دنجوان عصره وكل البنات بموتو عليه يعني الي بتحكي عنو بعمل هاد الشي لحتى يعلئك فيك و تضلك تفكري فيه و نجح علفكرةو خلاكي تفكري فيه و اكبر دليل انك عرضتي مشكلتك للكل و برضو لو بحبك كان حكالك و صارحك و طلبك ...فطنشية و اتاكدي لو شب حب وحدة ما في شي بمنعو انو يرتبط فيها ...

  أرى خير وسيله هي انهاء الموضوع بطريقة المواجهة او قطع الطريق عليه عن طريق الاهل، الهروب منه لا يحل المشكله لانه من اقريائك ويزوركم دائماً، الحب شعور رائع ولا نستطيع ان نسيطر عليه ولاكنه متزوج ونظرة منك ليست حب والله اعلم ما نظرته أرى ان يبعد عن البيت نهائياً وتدخل اخ او اب في الموضوع . ibrahimwithyou@yahoo.com

  والله يا صديقي صفران انك انت فعلا طفران افكار

  ممكن يكون العريس شغال تيربو 3000 سي سي قبل الزواج عشان هيك خلف بشهرين

  يختي على كهن البنات مش كل رجال بطلع في بنت بحبها اختصري بلاش اتخربي حياتو في ايدك الحل مش عنا

  شوو دخل الصورة المعوقة اللي حاطينها
جد شكلها معوقة

  في اختي رجال مو جادين الواحد زي ما حكى الأخوان يستمتع انه يعمل حاله دنجوان عصره وبدو يتخيل انه الكل البنات ميتين فيه حتى لو كله حكي فاضي، واضح انه هو كان معجب فيك بس مو حب لأنه لو حب ما يتزوج غيرك حتى لو انت رح ترفضيه لأنه رح يستنى ويقنعك او يسافر او يبعد وينسى، هاد تصرفاته تصرفات مراهقة ما حصل على اول واحدة تمناها قرر يتزوج واحدة ثانية من غير تفكير عشان يغيظ الأولى بس الحياة مو هيك وانتو مو اطفال مدارس، تصرفاته عيب وانا مقتنعة انه كلامك صح عم يحاول هو يلفت نظرك هلأ عشان تغاري عليه لأنه طفولي مو انسان ناضج مو عشان بحبك، هو ما بحبك وما بحترم حاله بهيك عمايل اي نظرات ادام زوجته المسكينة اللي ما الها ذنب، بس القصة شغل اطفال وقصص وبدو انك تغاري عشان ما عنده ثقة بنفسه، الحل انك ما تكبري الموضوع وما تحضري زيارتهم خليك طالعة من البيت، اذا اضطريت استشيري اخوك او حدا من الأهل ممكن يكون متفهم وعقله منفتح عشان يساعد ويجلس معكم وتخلصي من هالطابق، وفعلا" صلي وادعي الله انه يبعده عن طريقك وانشغلي بحياتك، ان شاء تحبي وتنخطبي عن قريب يضطر يبعد عنك، هلأ انشغلي بحياتك الاجتماعية وطلعاتك احسنلك ما في حل غير هيك. الله يوفقك ويخلصك منه. رجال آخر زمن.

انشروا لو سمحتوا شكرا".

  قصتك بتشبه كثيلا قصة صديقة اسمها هنادي .. اذا ما منت بتحبيه ما فيه داعي تجلسي معه يمكن تجلسي مع زوجته لوحدكو او اي حدا من اهلك يجلس معهم ... اتبعي سياسة التطنيش او الاحسن الصراحة معه ... فهميه انه ما بعني لكك اي شيء غير الصداقة وبعد زةاجه خاصة مع تمنياتب لكك بالتوفيق

  الشيء الوحيد اللي انتي ما اعترفتي فيه انك بتحبيه ، ولا ما كان انزعجتي لدرجة انك تحطي الموضوع هون ، واكتشفتي انك بتحبيه بعد ما هو تزوج ...
الحل انك ما تتعاملي معه بالمرة

  مع احترامي الك انا حاسة انك مغرورة نوعاً ما خلص سيبك من التفكير الفاضي وفكري بصحتك أحسنواتركي الرجال بحاله ......
سلامي للجميع .......

  انا كمان في بنت خالتي بحبها كتير وبدي ياها بس نفس الوضع هي مش طايقيتني بس والله بحبها من قلبي وحاسس حالي اهبل عشني لسا بدي ياها شو اسوي يااخوان المشكلة لو اقدر اشوفها واحكي معها عشان اخليها تغير رايها فيي هي مابتعرفني منيح بدي ياها تحبني انصحوني وين الشباب المقلعة علمونا من علومكم . وشكرا

  اعتقد ان صاحبة القصة مريضة نفسيا وقصتها وهمية من نسج خيالها فلو انه اراد الزواج منها لماذا لم يفاتحها بالموضوع فهي صديقته اربع سنوات.

  لو بحبك ما بتزوج البنت (س) اسألينا احنا الشباب انا لو صار معي هالموقف مستعد اضل احكي معك لحتى اغير فكرتك عني واحاول اخليكي تحبيني مو بروح بتزوج بنت تالنية

حكي فراطة سيبك منو وطنشيه
اخوي بروفيسور الله يخليك بدي تساعدني بقصتي ماعندي خبرتك انا ومشكلتي مش مدردح كفاية اني اخليها تعجب فيي تواصل معاي ارجوك we_r_palestinian@hotmail.com انا مابلعب بدي ياها من 4 سنين و حاسس حالي راح اتعذب كتير بسببها بدي ياها شو اسوي اوسط القرايب عشان يقنعوها ؟؟؟؟؟؟؟؟؟؟؟

  بلا حب بلا وجع قلب يعني الي حبو ايش استفادوا غير كثره المشاكل والخلافات

بعدين اهل العاروس بطلبوا يعني طلابات لا نزلت بميزان ولا بقبان يعني انا شخصيا اهلا البنت الي كنت احبها طلبوا منى 25000 دينار منهم 5000 ذهب

احلى شي حياة العزابي شمام هوى قطاف ورد

  عزيزتي صاحبة الموضوع :

انا لا ارى انكي مذنبه او عندك مشكله حتى المشكله عند الشاب الذي تزوج و ما زال لا ينفك محاولا التقرب منك و مشكله عند زوجته و ابنه انه يخون زوجته حتى لو بالفكر.

اردت ان اوضح حقيقه هنا انه من الممكن ان يكون هذا الساب مهووس فيكي و لا يقبل فكرة الرفض او انه فهم و يفهم منك اشارات و يلتبس عنده الموضوع فلا يميز بين علاقة بريئه و اخويه و بين علاقة حب و زواج.

الحل بسيط جدا :

تستطيعي ان تكلميه وجها الى وجه و تضعيه امام الأمر الواقع فأخبريه انكي غير مهتمه و انهي الموضوع و اذا استمر في مضايقتك تستطيعي و بكل صراحه الطلب منه بأدب في حضور زوجته و اهلك و اهله ان يكف عن ازعاجك.

و تستطيعي ايضا ان تخبري اهلك كونك فتاه شابه في مقتبل العمر و ممكن ايضا ان تطلبي من والدتك توضيح الامور لهذا الشخص بشكل رسمي و مباشر.

انا استغرب من العادات الاجتماعيه لدينا كمجتمع عربي ..... نعم ديننا يحثنا على صلة الرحم و ايضا يأمرنا باللطف و التبسم في وجه اخواننا بالدين و لكن ان طبقنا الدين بحذافيره يجب علينا ان نعرف ان ديننا يأمرنا بعدم الاختلاط من هنا يظهر عيوب و فراغات في المجتمعات فلا يجوز ان تطبق جزءا لأنه يتناسب مع الاهواء و تهمل جزءا آخر لانه لا يناسبك.

بأي حال عزيزتي الموضوع مزعج جدا بالنسبه لي كشخص, فهو لم يحترم اهلك و لا حرمة البيت الذي استقبله كضيف و لم يحترم زوجته .

اتمنى ان تكوني حازمه بالرد و ان توضحي موقفك كونه السكوت غلط في بعض الاحيان و يؤدي الى نتائج كارثيه.
و زي ما بحكوها الحكي ما عليه جمرك
يا استاذ جرثومه اهلا و سهلا بعودتك و عودة تعليقاتك


كنت قد اعتقدت انك اعتزلت يا سيد جرثومه او ان كلام الليل يمحوه النهار ؟


مع الاحترام للجميع

  ما بال الحب قد غدى يباع ويشترى؟
هل فقد فحواه؟ ام جور السنين ما انهاه؟
ام تركد المشكلة في المحبين يا ترى؟
ان الحب اصبح مهاترة.بالوزن من المتجر يشترى
الحب بات في زماننا مسخرة.

اربعة سنين يا سيدتي,دون ان تتمرد مشاعره على اللسان؟
هل كان سور قلعة لسانة منيعا كل هذا المقدار؟
ام من تظنيه محبا كان فرخ جبان؟
لكم مني كل الغرابة والاستهجان

نعم فالحب بريء من ذاك الانسان.
حتى لو كان رفضكي اكيدا.كان يجب عليه ان يصبح بليدا.
ويعود يحاول عديدا.حتى تطنيه عنيدا.
حينها يعطي الحب حقه.حتى لو جف حلقه
ولا يعيش في عذاب لو.حتى وان تزوج لو

ان كان محبا ,هنيئا له بذلك القلب الميت الجبان
وان كان فقط معجبا فالحل هو النسيان

وانتي يا سيدتي ما عليكي الى ان تذهبي الى البقال
وتعيدي له من الحب 4 كيلوجرامات
وان قبل ابدليهن بقلبل من "البهارات"
وقولي له ان محب جبان ابتاعهن لي من عندك قبل اربعة سنين.ولكنه وضعهن امام بيتي ولم اجد مكتوبا عليهن الا اسم متجرك "متجر الحنين"
فعلقتهن على شجرة التين.لعلهن وقعن من احد المارين.
فعاد ذاك المسكين, يبحث عن بضاعته المفقودة,او ربما المهداه.لم يعلم ان الذي اشتراه.قد فقد محتواه
فاعود واقول ان الحب فقد محتواه.

  ازبليه

  اتزوجي وهيك ابتنتهي القصه ؟

  ههههههههههههههه
والله قصة حلوة
رجعو من شهر العسل وصار عندهم ولد هههههههههه

بعدين لو انتي مش معطيته عين ما بعمل هيك
سيبونا يا
اعرفنا انكم حلوين وبطاردوكم بس بلاش

  اولا اريد ان اشكر الجميع على تعليقاتهم.. و اريد ان اوضح ان الشاب الذي يحبني قد تزوج منذ سنتين لذا بالتاكيد اصبح لديه طفل واريد ان اوضح ايضا اني لا احبه مطلقا.. واني علمت بحبه لي عن طريق الصدفة من احد اقربائه وهو لا يعلم ذلك..

  ليش مانزلتو تعليقي اخوي الناشر أتمنى تعرض مشكلتي اللي ارسلتها لك في قسم (ارسل خبرا) بس بدون ذكر اسمي او تفاصيل غير ضرورية واتمنى من الاخوان يساعدوني في حلها

  والله انك فاضيه اشغال


عنجد بنات بالايام هاي حكي فاضي

  تحياتي وأجمل التحيات إلى جرثومة

وأنا معك بكل كلمة حكيتها

  يا هلا والله بجرثومة كلامك حلو كتير ومقنع

  لو معه مصاري مش غلط .... اتجوزيه ... اما اذا طفرااان انسيه للابد .... هههههههههه .... و الله قصه .

  واجهي بالحقيقة وخبريه بموقفك واذا ما تفاهمتي معه حاولي تدخلي شخص متفهم بالموضوع واعتقد انك لو ارتبطت وتزوجت من شخص بيناسبك هيك هو رح يفقد الامل منك ويلتفت لحياته.

  انا مع الاخ جرثومة يعني معلش لو بحبك فعلا كان ضل مصر على رايه وحبه وبادر بالزواج منك بس انت شكلك حاسة بشي غلط

  ما في موضوع ولا شي يعني موضوعك تافه ومابده رأي حدا

  اشكرك اخ جرثومه على كلامك المعبر والرائع فكل كلمه نطقتها جوهره وصحيحه 100% فصاحبة المشكلة تدرك هذا الكلام ولكن واضعه غشاوة على عينيهاحتى لا ترى........ وشكرا لزاد الاردن وتحياتي للجميع

  طيب شو عرفك انه لسى بحبك؟؟؟
روحي اسألية وازا قلك انه بحبك واجهية واحكيلة انت واحد متزوج وانا ما بدي اخرب بيتك واكون سبب بنهاية حياتك الزوجية....اما لو قلك لا ما بحبك فإنه انتي متكبرة شوي وعندك غرور،،راجعي حالك ولا تفكري انه كل واحد حب وحدة وارتبط انه لسى بحبها...
واقطعي الشك باليقين ...ما في غير هالحل

وسلامي للجميع

  السلام عليكم جميعا .......

اول شيء اهلاوسهلا فيك يا اخ جرثومه نورت زاد برجوعك ...... وياريت اتضل مستمر معنا.

عزيزتي صاحبة الموضوع انا لا ارى من قصة مشكله
ولكن يجب عليك الالتزام بنقطتين :

اولا : لا تقومي بالاختلاط مع هذا الرجل اينما كان حتى لوكان في البيت ومع تواجد اهلك حتى لو كنت موجوده في البيت واذا قام بالسؤال عنك دعي احد افراد اسرتك يقول انك خارج البيت او مشغوله....هكذا سوف يعرف انك لاتهتمين
لوجوده .....


ثانيا : اذا قام بمصادفتك لا تنظري اليه بل عامليه وكانك لا تعرفيه واعتبريه انه ليس موجودا اساسا وهكذا مع الايام سوف ينساك....
وكما قلتي استمري بمجاهلته
الله معك ويوفقك

  hey welcome back " jarthoma " comment number 4 .REALLY we miss your comment
I wish you will write 4ever .

yOur truly,

Nena

  هلأ هو كان يحبك وانتي ما بدك فمعه حق يتجوز وكونه تجوز ما لازم ينظرلك الا كاخت وصديقه فقط. فالحل اللي انتي ماشية فيه تمام وممتاز وخليكي عليه وحتى لو ما تستقبليه بالمره بكون احسن وكونكم اقارب يعني ممكن تجتمعو عند حد فكوني دايما مع الجماعه وقعدات رسميه وازا قدرتي تفصلي القعده عشان تتلافيه لا تقصري والله يبعتلك ابن الحلال عشان المحترم هاد يختصرك وموفقه يا رب والله يهدي بالك.

  انا طفران افكرار يا طفران عقل هههه

  "مازل يطاردني"

ايش الئصة ئالبينها افلام action ونحنا مو عارفين !!!!

ال يطاردني ال

والله ناس مو عارفه ايش بدها تعمل

يا جماعة بس يخلص الفلم ئولولي شو النهايه please

  مصدقه حالها يا حرام..

شو يعني انت برأيك الحل؟؟
ولا فكرتي انه حدا رح يقلك اتجوزيه؟؟

يعني من ناحيتك بتقولي ما بتحبيه .. و من ناحيت متزوج .. طب و يييين المشكلللللللة!!!!

رنووووش 2 : و الله هادا شكله مسلسل مكسيكي ما اله نهاية...

  اتجوزي احسن حل

  مشكلتك انه عندك فراغ عاطفي كبير بغض النظر عن قريبك.
حاولي اشغلي حالك في كثير اشياء ممكن تساعدك على نسيان الموضوع
ومثل ما حكو الشباب طنشي جيتو لعندكو وما تقعدي معاه
واذا بيجيك عريس كويس اتزوجيه رح تنسي كل الي كان يصير معك

  شو رأيك أني أتزوجك وتسافري معي
وهيك راح تنحل كل مشاكلك

  اختي انا مع عسل ونانا هذا شخص سخيف يريد لفت نظرك كي تشعرين بالندم انك لم تتزوجيه واكيد هو متضايق انك لا تشعرين هكذا ولا تعطيه ادنى اهتمام وهذا حقك وشيء طبيعي، هناك اشخاص ايضا" يختلط عليهم مفهوم الصداقة ويخلطون بين الصداقة العادية سواءا" كانت صداقة زمالة اي عمل او كانت بين الأقارب بحكم الزيارات المختلطة بالعائلات، وانا مع الأخ علاء العزيز ورأيه صح مليون بالمئة انه يجب الامتناع عن الجلسات المختلطة ولو انها لن تتواجد وتم الفصل بين النساء والرجال ما كان عندك هذه المشكلة بالأساس وهي ليست مشكلة بمعنى الكلمة وطبعا" الخطأ ليس منك بل من الأهل لأنهم مثل الكثيرين لا يفصلون بين الجلسة، على كل حال ارى ان الحل كما اقترح الأخ علاء بالمواجهة وان لم ينفع ذاك الأسلوب او وجدته صعبا" الحل الوحيد الآخر هو بالتجنب والتجاهل والتعمد للخروج عند معرفتك بمجئيه الى المنزل مع ابلاغ احد افراد العائلة كما اقترحت عسل كي يكون الى جانبك سواءا" الأم او الأب او الأخ كي يتم حسم الموضوع. وفعلا" اتمنى لك ان يكتب لك النصيب قريبا" كي تتزوجي وترتاحي بشكل نهائي من هذا الموضوع.الله الموفق.

ارجو من الأخوان الكرام ان يكتبوا بكل احترام ولا داعي للمسخرة مثل تعليق رنوش 2 او مثل من شك بالكلام لأن الكلام واضح والأخت اوضحت انه متزوج منذ سنتين ولذلك لديه طفل ولكنه ما يزال يلاحقها واوضحت انه لم يتزوجها بسبب نظرتها له كأخ ولا شيء من كلامها يدل على التكبر، والأنثى تعلم بغريزتها متى يكون الرجل مهتما" بها، وكلنا نعلم انه هناك عدد كبير من الرجال ليست لدى الواحد منهم وازع ديني وليس على مستوى عالي من الأخلاق ومستعد كل الاستعداد ان يتزوج واحدة وما زال يلاحق الأخرى ولا يهمه لا الأخلاق ولا التربية ولا احترامه لزوجته، مع انني اعتقد ان حركاته استفزاز لأن لديه عقلية الرجل الشرقي المتخلف الذي لا يطيق ان ترفضه فتاة فما زال طفلا" يحاول ان يثبت امامها انه يستطيع ان يجعلها ترغب فيه علما" انه بعد صداقة وقرابة 4 سنين لم يستطع ان يقنعها به لأنه ليس هناك نصيب.

اتمنى من صاحبة الموضوع ان يتم حله وشكرا" للأخ علاء والأخت سوسنة الأردن على تعليقاتهم الراقية والمفيدة بهذا الصدد.

يرجى النشر وشكرا".

  الى الي مسمي حالو الرومنسي المنسي
مالك نازل طعج بالشب؟
في ناس كثير بحبو عالصامت
خصوصا اذا كان خايف من الرفض

بس بدك الصحيح حكيك مدوزن والله

  انا عندي مشكلة بتمنا البروفسور يحلها بدي اكتب
ايميلي وتراسلني لاني عنجد مش عارف شو اعمل
salah.fraj@yahoo.com

  إلى قراء الزاد..وأخص بالذكر منهم : السوسنة وعلاء وبرنس وملاك الروح وعالم اخر زمن..والتحية التحية لنينا,,ذات الاحساس المرهف...


لم أغب يا سادة عن زاد الاردن يوما ..فكل الاحايين أقضيها بين سطوره وفي ثنايا أخباره..

لكني وبصدق أقولها لكم أنني أحسست بلين القصص وضعفها..وربما لمست شيئا بعيدا عن الواقع فيها..

والطامة الكبرى إن لامست هذه القصص الواقع فهذا شر الداء..فقد أصبح التعبير عن الرذيلة كمضغ قطعة سكر..يحلو للكثيرين منا..

أشكركم كل الشكر ..

ولأردننا التحية والسلام..

  عزيزتي صاحبة الموضوع
مما اكتسبته من خبره في الحياة وكتابتي بمواضيع كثيرة واربعة كتب عن الحب ومشاكله بالرغم من صغري وما تعلمته خلال 27 عام
الحل ان لاتقومي بالاتصال به باي طريقه وقومي في البداية كونه من اقاربكي بابلاغ والده واخوانه عن الموضوع واخبريهم بانه اذا لم يجدوا له حلا خلال اسبوع انكي ستقومين باخبار والدك واشقائك لوضع حد للموضوع
عندها سيقوم والده واشقائه بتوبيخه انهاء الموضوع واذا لم ينته يجب ان تخبري اهلك بالموضوع لتنتهي من هذه الحاله
main.mokdadi@yahoo.com
والله ولي التوفيق

  اولا تعيش و تاكل غيرها
ثانيا بدك تنتبه تاني مرة تحب وحدة تقدر على طلبات اهلها.
الصحيح ان المهر و الشبكة ما لازم يتعدو 4000دينار ولا بأي شكل
و الصالة بألف الى 1500 بالكثير
و فستان العرس آجاره 200
و الصالون 200 بالكثير
و الي بدفع اكتر من هيك مضحوك عليه

  بصراحة ما في مشكلة ليكون في حل
ولا تحزني عليه و لا على بالك
و زي ما حكولك مش كل نظرة اعجاب معناها حب. كوني طبيعية في تعاملك ولا تفكري بالموضوع نهائي.

  اذا بتحبها تقدملها رسمي او خلي امك تشوفلك الموضوع, ما في داعي للمقدمات الي ما الها اصل بالشرع و الدين,
اصلا كيف بدك اياها تعرفك اكتر؟!!!!
كل ما تحاول تحكي معها حتبين اهبل و مستقتل!!!!, بالمقابل هي ما حتاخد موضوعك بشكل جاد.
الثقل صنعة

  To Jarthomeh
welcome back
me personally, missed your presence

  لاخت صاحبة الموضوع اول شي هو بالاصل ما حبك لو حبك كان صارحك انتي ما حكى لغيرك
لو حبك كان دخل من الباب وطلبك حتى لو رفضتيه بكون عمل اللي عليه ساعتها بكون ما في نصيب وانت بهيك حاله كونه اتزوج غيرك قعدتي معاه حسيتي انه بنظرلك نظرات خاصيه ما تردي تقعدي معاه مره تانيه شو ما صار بعدك عن نظره ببعدك عن فكره لانه هو اللي حبك مو انتى وبعدين هو عفوا بهالكلمه انسان غير محترم مرتبط بزوجه ما اساءتله ومع هيك ما بحترم وجودها واصلا ما احترم البيت اللي دخله ولا احترم اهل البيت حرمة البيت متل حرمة المسجدمتل هيك شخص حرام الواحد يحترمه ابعدي عن طريقه واذا استمر بالحركشه فيك خبري اهلك هم اصجاب الشان بحلو مشكلتك والله يوفقك

  نورت زاد والله

ارجعنا نقرا تعليقاتك وردوك

شكر لرجوعك

خطيبة ابو عقلين

  لساتني مسره لحتى اعرف شو نهايتوو للفلم ال action اي حدن بيعرف نهايتوو ايئلي متشوئا لحتى اعرف !!!

  يعني انت بخبرتك بدك البنت تساوي فضيحة في العيلة من ولا شئ !!!!!!!!!
يا اخي روح تخوت بعيد

  طيب لقيتلك الحل انا
واجهي بالحقيقه و اخلصي يعني راح يضل يطلع عليكي و ما راح يحل عنك .
على راسي يا رنووووش ضلك يخصي مصرّه تعرفي اخر القصه الي ما الها نهايه ههههههههههههه

  والله معاك حق يا جرثومة ، لما قرات تعليقك عجبني كتيييييييييييير وفعلا ما في قصة من اساسه
والبنت صاحبة القصة فيها تحل المشكلة من غير ما تطرحها على اي حد لانه ما في قصة بالاصل
لو بحبها متل ما حكولها ليش راح تزوج غيرها ول صار عنده ولد من هلا

  الى صاحب التعليق رقم 60 اولا انا وضعت الحل لصاحبة الموضوع مش الك
ثانيا اذا بدي اتخوث بتخوث على الي بقوم بتعليق مثل تعليقك هاذ الشخص الواحد بقدر يتخوث عليه
ثالثا الموضوع ما بوصل فضايح لانه فش فضيحه من اصل اقارب وواحد معجب بالثاني
والطرف الثاني ما برغبه او بنظر اله مثل قريب فقط
ومن تدخل في مالا يعنيه لقي مالا يرضيه
فاما ان تضع شيء مفيد او تلزم الصمت

  صلي على النبي وسبيكي من الهبل اوك وكل واحد بعرف خلاصه

  السلام عليكم

اختي يا ريت تحطي حد الك والو

وازا اجاكي عريس تجوزي والا راح يظل حاطت عينو عليكي

بعدين ازا ابوكي عايش قوليلو عنو وهو راح يتفاهم معاه او امك او اخوكي الكبير

لا تظلي ساكته


ازا ظليتك ساكته راح يظل حاطت امل انو تعيدو زكريات الجامعه


مجرد نصيحه

  عزيزتي صاحبة الموضوع الموضوع قد يكون مزعج بالنسبة لك لكن انا مع الأخوان الذي نصحوك أن تخرجي خلال زياراته ولا تتواجدي افضل لك بالاضافة الى ابلاغ فرد تثقين به من العائلة ليساعد. وهذه هي افضل طريقة حتى يأتيك النصيب ويعيش كل واحد حياته. الله الموفق.

الى رقم 19: اخي العزيز أفضل شيء التقدم لها بشكل رسمي كما اقترح احد الأخوان المعلقين كي ترى ان كان هناك نصيب وتتعرف عليها بشكل افضل من خلال الأهل، لا تنس عمل صلاة استخارة وتذكر ان كل شيء قسمة ونصيب والخير فيما يختاره الله، ان لم تتغير بتعاملها معك تكون لا تستحقك وتكون انت تستحق افضل منها. الله الموفق.

يرجى النشر وشكرا" لكم.

  الى جرثومة اهلا وسهلا

نيالك يا عمي على هالشعبية

حتى خطيبة ابو عقلين معجبة فيك

شكله اجا دورك تلف عليك

لو دامت لغيرك لما وصلت اليك

اسال مجرب ولا تسال طبيب

  انا بقول انو انابحكي انو المشكلة لازم انحلت من زمان وانو الأمور لازم كانت اوضح من هيك بكتيير برضو الحياة بدها اخد وعطا ما بينفع اخد لحالو ولاعطا لحالو بصير مشكال بعدين لازم الأثنين مع بعض فتيكت ايزي يا عزيزي ولا تعأدو الأمور اكتر ما هي متعأدة فعلا اشي بعأد قال يقلك اشي مكفن والنار شاعله فيه اثنين ماسكينو وثلاث بيتفرجو عليه شو هو ؟؟؟


تنويه: للاذكياء فقط
اذا جوابتي هاي الحزيرة بقلب مفتوح رح تلاقي الحل لمشكلتك والرجاء من جميع الأذكياء المحاولة في حل هذه الحزيرة وشكرا.

  انا قرأت الموضوع وما علقت لانه تافه مع احترامي
للكل
بس انا كتبت هلأ عشان اسلم على اروع اتنين من المعلقين وارحب بعودتهم
جرثومة تحياتي
الرومنسي المنسي انت اكتر من رائع

  عادي يوم الاحد على الجزيرة 1+ في مباراة الميلان ونادي جوفنتوس انصحك انك تحضريها وعلى بدي ابشرك انو نادي برشلونة تأهل لنهائي ابطال اوروبا وحيلاقي مانشستر يونايتد عنوانها الثأر

ودمتم سالمين

  عادي يوم الاحد على الجزيرة 1+ في مباراة الميلان ونادي جوفنتوس انصحك انك تحضريها وعليها بدي ابشرك انو نادي برشلونة تأهل لنهائي ابطال اوروبا وحيلاقي مانشستر يونايتد عنوانها الثأر

ودمتم سالمين

  اختصري يا بيسو !!
انتي عارفه انه بحبك كثير كثير ..
التوقبع انااااااااااااااا

  بنت اربد..سيدتي

قف بإربد حيي رسمها البالي..

أحييك..

  اخوي جرثومه :

و أنا كنت اعتقد انك قد قررت مغادرة الموقع و عدم العوده مرة اخرى ام ان كلام الليل يمحوه النهار و ما كانت الى مناوره كي تلفت انتباه القراء.

بأي حال اهلا بك و اتمنى ان تكون قد عدت لتساعد من يطلب المساعده لا ان تكون :
Attention Seeker & Drama Queen

شكرا جزيلا و تحياتي للجميع

  كل هذا بسبب ضعف الدين وعدم قناعتة بزوجتة

  جواب الحزيرة عود الكبريت صح؟

  الى بنت اربد
الى صاحبة الكلام الموزون
ارى فيكي الفتاة الحرة
الواثقة.الراسمة للخطى.العقلانية
اتابع تعليقاتك:
دائما في محلها ودائما مفيدة ومختصرة
هنيئا لاهلك على هذه الذرية
وشكرا لكي فانا اقل مما قلتي

وتحياتي للاخ جرثومة:فعلا انت نبراس هذا الموقع

الى الاخ مرار طريق:اخي
اتستقل 4 سنين؟؟لعمري انه عمر بحد ذاته على محب معذب
انا ارى _وقد اختلف معك_ان الحب جراة وانه تمرد وعصيان
فما فائدة الصمت؟ان الحب والصمت دربات متوازيان لا يلتقيان
وشكرا للمديح,كان جميلا وان بدى خافتا

  شو يا علاء شو مالك جاي بجرثومة

اذا قرر الرجوع لزاد والتعليق هو حر وبعمل الي بده اياه يعني انا مو شايفه في داعي لتعليقك الاخير

  لقد اقتربت من الأجابة الصحيحة لكنها مش هي بس على فكرةهي بتنفع حل لمشكلة صاحبة القضية يعني مع شوية كاز سريع الأشتعال

  الرومانسسي المنسي..

أنتم الأصل ونحن الفرع..

بنت إربد..هنيئا لتربة اربد..ودحنونها بك ... أحساسك عالِ جدا...

علاء..لست قوّالا في الليل...فوالله يا صديقي إن نهاري كليلي..

ولست ممن عن الحب يبحثون.. كذلك فإن القراء لما يثير اعجابهم يلتفتون..

والسلام

  اختصارا لكل الاراء لو ان الشب بحبك كان باح بسره لك وبالعاميه كان ضل وراكي لاخدك الا ازا انت بتحاولي تقنعي نفسك انه يحبك ولما راح من بين ايديكي ندبتي حظك وشكرا لتقبلك المفترض لرأي

  الأخت السائلة ابنتي العزيزة الحل الواضح هنا هو ابلاغ الأهل كي يتصرفوا بما يرونه مناسبا"، ثم عليك انت التفكير ان كان اسلوب التجاهل افضل شيء او اسلوب المواجهة وذلك حسب معرفتك له، ولكنه ان شعر بعلم الوالد حول تصرفاته سوف يخجل من نفسه ويتوقف عن هذا الأسلوب الحقير. لا تترددي بالحديث بصراحة مع من ترينه مناسبا" من الأهل سواء الوالد او غيره.

للمساعدة: dreyyad@gmail.com

يرجى النشر للافادة وشكرا".

  يجب مواجتهه وعدم السكوت اكثر على وقاحته ويفضل ان يتم الحديث معه من خلال الأهل.

  انا مع د خليل ان افضل الطريقة هي المواجهة والحديث من خلال الأهل وعدم السكوت على غلطه اكثر.

  برأيي ان هذا الشاب لديه ضعف بالوازع الديني وغير ناضج بتصرفاته، ارى يا ابنتي ان تأخذي بنصيحة الدكتور خليل وان تعلمي أهلك بالوضع كي يقوموا بوضع حد له للتوقف عن هذه التصرفات الصبيانية. علما" انني موافق الأخ علاء والأخ عماد انه لا داعي للجلسات المختلطة من الأساس.

شكرا" على جهودكم ويرجى النشر.

  اختي العزيزة يجب ابلاغ اهلك كي يكونوا على علم ويساعدوا بالموضوع والأفضل تجنبه حتى يقوم والدك بالتحدث اليه كي يصحو من غفوته، وكلام ابو عادل صح حول عدم نضجه وتصرفاته الصبيانية. لا تستكي اكثر على الموضوع. الله يوفقك.

ارجو النشر وشكرا".

  اذا سمعله كلمتين من ابوك اختي ببطل هاي الحركات الطفولية وبكبر عقله شوي. خلي ابوك يحكي معه.

  مو عارفه شو بدي احكيلك بس انتي ازبليه

  مرحبا بتعرفو قصة فاشلة
وذايقتوني فوق مأنا مذايق
اختصرو
كبرت عزكو

  انت بتهيالك انك غامضة ؟؟؟؟؟؟؟؟؟؟؟
كل شي صار مكشوف .وما عاد هناك غموض

  هاي
كيفكم
تحياتي للجميع

تقول اراك مبتسما تغني وكم يحتاج مثلك للبكاء
وما تدري ان بكاي صعبا وأصعب من دموعي كبريائي

مني لألكم
سلااااااااااااام

  ياسيدي الله يطول عمرك ازا كان عمرك27 وعندك هادي الخبره فأنا بتشرف بصداقتك
وردك على صاحبه التعليق 60 فشلي خلقي فيها بصراحه انت طالع من خرجهم لهدول المايعات.

  ليش شو القصه الا اذا انتي حانه او بتحبي انو يضل مشغول فيكي انتي من عندك قرري شو بدك اخرتك تجوزي وتنسي

  هاييييي يا حلوى شكلو انتي بتحبيه لانك رغم كل هالوقت لسه ما تزوجتي وكتير متبعه ومهتمه بموضوعو و عمليتها مشكله وهو صار عندو ولاد يعني انتي اخر همو بنصحك ما تفكري بالموضوع

  حلو هالموضوع والقصة
والاحلى من هيك التعليقات
الي نازلة متل زخات المطر يعني قريب المية تعليق صار منشور على الموضوع الي بنظري الشخصي شايفة
فرقع لوز

في مثل بحكيلك يا فرعون مين فرعنك
رد عليهم فرعون وقلهم تفرعنت لانه ما لقيت حد يردني او يمنعني

وهاي اختنا الفاضلة حابه تعمل جو ونجحت والدليل قدامكم كل هاي التعليقات على شي سخيف ما اله اساس .....

يا اخواني ويا اخواتي في هنالك مشاكل حقيقية في مجتمعنا وظفوا اقلامكم وخبراتكم في حل مثل تلك المشاكل وليس في حكي فاضي بطعميش خبز

اعتذار لصاحبة القصة لكن معروف عني انه انا رجال مسحوب من لساني بعرفش اشوف العوج واضلني ساكت

والسلام ختام

  شو يعني حابة ننصحك انه روحي احكي معه مثلا ؟؟؟؟
انتي لحالك المفروض تفهمي انه لازم تتجنبيه و ابدا ما تقعدي معاه لحالكم

يا جماعةفكروا بعقولكم شو مالكم يا جماعة؟؟؟؟؟

  بصراحة ما في مشكلة ليكون في حل
ولا تحزني عليه و لا على بالك
طبيعي يلاحقك تعرفي ليش لانك انا طلقت من فتره ورح اضل الحق وراء طليقتي ( للخراب بس )

  مع احترامي الو هاد واحد عينه فاضية ضلك اتجاهليه لانك ما بتحبي حدا ياخد زوجك منك
وحرام الطفلة تتربى بعيدة عن حنان الام والاب وازا فتح معك الموضوع احكيله يبعد عنك

  سلام للجميع اولا
يا اختي هذه ليست مشكله ويجب ان تتعاملي معه ع طبيعتك
ولو احبك لما تزوج وسوف ينساكي لانه الان مسؤول واصبح عنده عائله وفي المستقبل سيكون عنده اطفال ومشاغل الاطفال كثيرة ولكن اهم شئ ان تتصرفي ع طبيعتكي ولا تعطي الموضوع اكبر من حجمها لان في هذه الاساليب سوف زوجته تلاحظ اكتر

  هيك شطوووووووووره
اهاا أكيد لازم تضلك مجاهليتو

  بتعرفي انو التطنيش حل لكل المشاكل طنشيه و خلصت المشكلة

  ما بحبك كزوجة بل تسلية! لانه ما في شاب بحب بنت و ما بصارحها لانه بدو ما حدا يوخدها منو!

  يعني شو هالهبل!! قصة حاله حالها بحالها، هوه متزوج وعنده طفلة وإنتي مو طايقتي !!! شو بالله ابتستني ... !!! مبسوطه عحالك إنو لسه بتهبل عليكي !! طنشيه وانتهى

  يا بنت الاوادم والناس اولا انا دخلت على هالموضوع متشجع يا صباح ياكريم على اساس انه في مشكلة و نحاول نرفدك بخباراتي بس المشلكة انه حضرتك لازم الان تحكيلي شو قصدك من هالقصة اللي ما فيها مشكلة يعني واحد ما بتحبيه واتزوج وبزوركو بحكم القرابة وعامليتلي منها قصة كبيره بالله يااختي تعاملي معه زي هالخلق العاديين وان ما زبط معك هالشي يااختي لا تجلسي مجالسة يعني بليلا بلبلوكي ما عمل عمايلك روحي خلنا انشوف غيرك عنده مشكلة حقيقية نحاول نحلها اله الله يرضى عليكي روحي والله نزعتيلي مزاجي واني طالع هسع من هالنت كله اوف

  والله يا بنت الاوادم والناس اولا انا دخلت على هالموضوع متشجع يا صباح ياكريم على اساس انه في مشكلة و نحاول نرفدك بخباراتي بس المشلكة انه حضرتك لازم الان تحكيلي شو قصدك من هالقصة اللي ما فيها مشكلة يعني واحد ما بتحبيه واتزوج وبزوركو بحكم القرابة وعامليتلي منها قصة كبيره بالله يااختي تعاملي معه زي هالخلق العاديين وان ما زبط معك هالشي يااختي لا تجلسي مجالسة يعني بليلا بلبلوكي ما عمل عمايلك روحي خلنا انشوف غيرك عنده مشكلة حقيقية نحاول نحلها اله الله يرضى عليكي روحي والله نزعتيلي مزاجي واني طالع هسع من هالنت كله اوف

  خليكى فى حالك وخراب البيوت حرام ولما انت حاسة بانو مهتم فيكى ومتزوج وعنده طفل بتجلسى معاه ليه من اصلو خليكى جدية واحسبيها بعقلك واظن انك اكيد ماتحبى يححصل معاكى كدة وصلى وادعى ان ربنا يرزقك بابن الحلال وخلى الرجل ده لزوجتة وطفله ســـــــــــــــــــــلام

وبلاش دلع بنات

  اطيلي السجود مع الدعاء و التوسل لله ان يفرج همك مع انه وبكل بساطة مشكلتك لاشيء بالنسبة للمشاكل اللي بدها حل عنجد
موفقة

  من المفروض احترام مشاعر الاخرين وان تقتنعي ان كل شي نصيب ويجب ان تستقبلة بالوجة الكشر لانة بنات الناس مش لاعبة