حابة تصير شي معجزة

  انا بقول من اولها انهي الموضوع وحتي لو كاتبين الكتاب هلا احسن من بعدين وانتي هيك تعتبري انك فاسخه الخطوبه وفيه بنات كتير بفسخو وبكونو كاتبين الكتاب وبعدين الله بعوض بالاحسن وزي ما قلتلك هلا احسن من بعدين بلاش بكره يضل في وجهك وتصير مشاكل لانها الحياه الزوجيه مش لعبه هاي حياه وللابد

  السلام عليكم جميعا......

اختي صاحبة الموضوع :

إن الإيمان والرضى بقدر الله وقضائه ركن من أركان

الإيمان، قال (صلى الله عليه وسلم) لما سأله جبريل

عن الإيمان: قال: ''أن تؤمن بالله وملائكته،

وكتبه، ورسله، واليوم الآخرة، وتؤمن بالقدر خيره وشره''·



والزواج، وكل شيء، مقدر ومكتوب في ..اللوح

المحفوظ لقوله (صلى الله عليه وسلم): ''كتب الله

مقادير الخلائق قبل أن يخلق الله السماوات والأرض

بخمسين ألف سنة، قال: وعرشه على الماء'' رواه مسلم·




وما قدره الله وقضاه وكتبه في اللوح المحفوظ هو

من الغيب الذي لا يعلمه إلا الله· إلا أن الله قدّر

أسبابا موصلة إلى المسببات، كما في قوله صلى

الله عليه وسلم: ''من سره أن يبسط له في رزقه أو

ينسأ له في أثره فليصل رحمه'' رواه البخاري

ومسلم· وقوله تعالى: ''ومن يتق الله يجعل له

مخرجا ويرزقه من حيث لا يحتسب''· وقوله

سبحانه: ''هو الذي جعل لكم الأرض ذلولا فامشوا

في مناكبها وكلوا من رزقه وإليه النشور''




أن الزواج، وغيره مقدر، قد علمه الله في الأزل،

وكتبه في اللوح المحفوظ،وشاء وقوعه، أو عدم وقوعه...



وانشاء الله مع الايام ..وبعد الزواج.. رح تتعودي

عليه ولازم تقبلي.. بنصيبك انتي عمرك (23) سنه

وبتعرفي نظرة المجتمع... للمرأه المطلقه!!

ياريت ما توقعي ..نفسك بالخطاء... والناس هالايام ما بترحم...



وليس بالضرورة.. ان يكون الزواج.. عن حب يسبق

الزواج لانه.. لو كل الناس لازم.. تتزوج عن حب

قبل ...الزواج ما راح حد يتزوج....


وكل شي بيد الله سبحانه وتعالى هو علام الغيوب.
..وعسى ان تكرهو شيئا وهو خيرا لكم..


واسال الله ان يرزق كل بنات المسلمين بالازواج الصالحين والذريات الصالحه.

  awal she 7bebty lazem ts2le rbna alkarar alsalem wtsle ealst5ara kl yom l7ata rbna y5tarlek alafdal ,wb3den tfkre mne7 kter l2n enk mo mktane3ha had b7d zato moshklhe kter kbereh wr7 t7se feha b3den ...
f ana mn r2y mn awal altree2 wala mn a5rha w sorry y3ne eash mtl2ha enta 5atbhe wked ma feha she w altla2 she 3ade hl2 b3den hl2 a7san mn b3den l2nk mesh mktne3a so r7 dal hy alnokta b tare2ek daymn ,think befor any thing waked sale alest5ara

  اصلا انت ما بدك واحد زي الشب هاد يحبك و يحكيلك كلام حلو ......لأ ............انت ما بتستاهليه
انت بدك واحد حلو و كذاب و يحب 20 زيك
اصلا انتوا البنات بتحبوا يلي بستغلكوا
روحي شوفي واحد يضحك عليكي بتحبي على طوووول من اول نضرة
احكيلك شغلة ..... ولا بلاش احسن ما اجرحك

  wala mo 3arf sho 27kelk.. el naseeb fe nas elha 7az wnas l2 ana 3mri 25 w2le santean bdawer atjawaz mo la2e e7mde alla eno l2ete naseeb `3eark jahez mn kol she bs mo la2een bnt 7lal

  حبيتي هدا نصيبك وبدك تتقبليه بس موضوع انك مش قادره تحبيه هدا بس اوله وبعدين لما تتعودي عليه ح تقدري تحبيه

  marriage is not about the appearance of each other ..it is about respect .plz love your man as he is .if he has bad qualities okay leave him ..but not about how he looks.
after all nowadays we are beautiful but what about 10 or 20 years of marriage??? beauty will fade and morals and respect will remain.

  يا اختي ازا الشاب منيح واخلاقه منيحه هدا اهم شي خليكي عاقله الجمال عمره ماكان مقياس ابدا اهم شي اخلاقه وعققله وفكره لا تفكري بالمظاهر الي بتزول ومابضل الا الاخلاق والتفاهم خليكي عاقله

  الموضوع مو هيك الموضوع انو مو معبي عينيك فا يا بتتركيه هلا يا بتتأقلمي بس و ازا ما بدك تتركي عشان حكي الناس الناس حاكية حاكية

  احمدي الله وبلاش جنان النسوان(طبعا هادا مرض جديداسمه جنان النسوان مثل جنان البقر)

  بس انا اعرفتك وعرضتيلي الفكره

  ما فائدة الإرتباط بشخص جميل الشكل لكن في داخله أجوف ...

أرى الجمال الروحي هو الجمال ..
عمره ما كان شكل الإنسان مقياس ..
تعاملي مع الإنسان كإنسان قد يملك بداخله صفات فضلى تطغى على الشكل.

وإذا كانت بداية الطريق كذب ومجاملة شو الفايدة من الإرتباط بعدين..

نصيحة لإلك يا أختي ..

صلّي صلاة إستخارة وامنحي نفسك وقت أكثر للتفكير وحاولي تركزي على جوهر الإنسان اللي بتتعاملي معه وشوفي حسناته، أكيد لما تحبيها فيه رح تنسي الشكليات كلها.

فكري بالموضوع بتروي ولا تقارنيه بالأجمل منه ..


أمنياتي لك بالتوفيق ..

  يا حبيبتي بما انك مو حابيتو ليش خطبتي شو هالهبل

وبعدين قاعد بتحكي النا انا حلوة كتير وجذابة طب شو نعملك وبعدين ليش الجمال باثواب تزيننا انما الجمال جمال العلم والادب يا فالحة

وبعدين لا تقارني بينو وبين الشباب وما دامك ما بتحبيه خلص افسخي الخطبة شو بدها تفكير يعني

ولا لازم الناس تشوف قصص هبل ايش يا زاد هاي قصة بتنتشر؟؟؟؟؟

سلام ولا تزعلو

  الله يهديكي هادا نصيبك ارضي فية و بلاش جنان لانو ازا خسرتية مارح تلاقي غيرو

  شكله الناس صايبينك بالعين وحاسدينك والعين مو قليله
اقرأي المعوذات كل يوم وكل وقت واكثري من الاستغفار

  متى طلع هدا المرض اول مره اسمع فيه

  مرحبا ,,

انا برأي المتوضع انه ليش من الاساس ما وافقتي ما دام انت من النوعيات الي بهمها الشكل ؟!!

بس انا حابب انصحك بشي واحد ..الشب و الرجال ليس بأشكالهم و لو انت حلوه و بتجنني و فيكي انوثة كبيره لازم تبحثي عن شخص فيه رجولة كبيره مو على شب حلو ..

بتمنالك التوفيق و حاولي تقربي من الشخص اكتر و اكتر

  وليه يازاد ماطلعوا تعلقاتي

  و الله انا بقول انه الحب و الجمال مش كل اشي.. و الحب بيجي من المعاملة، اما الجمال فمش دايم.. بس انا متأكدة انك بتعملي هيك "مش طايقتيه" لأنه صاحباتك علقوا عليه.. بس اوعك تردي عليهم ..

الانسان بأخلاقه و تعامله .. بعدين في مثل بحكي بما معناه انه خدي اللي بحبك و بده اياكي مش اللي بتحبيه..
و على فكرة صلي صلاة استخارة كل يوم و ضلي عامليه بشكل منيح .. و ان شاء الله الله بختارلك الأحسن..

"1" يا عمي ما بتحب النسوان اوعك تقرب على وحدة و بلاش تزودها..!!

  الرجل لا يؤخذ على جماله
و لا تكوني مغروره
شخصيت الرجل هي الي تاخذ بغين الاعتبار
لا شكله

8شهور حرام عليكي اكيد موت حاله عشان يرضيكي

  والله هاي مش مشكله ينحكى فيها ليش توافقي عليه من الاساس؟ يعني لو انت ما كنت مقتنعه من الاساس كان ما خلتيه يخطبك ؟ بعدين الحب مش ضروري يكون زي ما بدك الحب بيجي بعد المعاشره الزوجيه
انا رأيي الي يكون زوجك يحبك احسن ما تكوني انت بتحبي اكتر
و اذا اجت على الحلاه عمرك ما بتتجوزي لانه ما في انسان كامل مكمل
ممكن تلاقي واحد حلو بس يطلع في مليون عيب و يعاملك بطريقه ما تعجبك
اتجوزي احسنك وتوكلي على الله

  طيب ليش وافقتي عليه من اول بما نك مش مقتنعه فيه؟؟
وما اكتشفتي انك مش مقتنعه الا بعد 8 اشهر؟؟
حرام عليكي بكون خطيبك تعلق فيكي...
واخرا وهو الاهم طبعا الرجال مو بشكله المهم اخلاقه وسمعته ودينه...
نصيحه الك ما تضلي تقارني بينه وبين غيره,لانك ما رح تستفيدي شي..فكري فيه هوه وبس وشوي شوي رح تبلشي تحبيه...

  انسة

اولا الحب شعور رائع ما ان يتسرب الى القلب حتى يعطر ارواحنا، فالحب خاصه لا بفرض على الانسان نهائيا ان كان الشاب ممتاز فانضري الى افضل خلصه به من طرفك وحبيها وسوف تحبيه او حاوي ان تريه وحده وانه الشخص الوحيد في الدنيا اما بخصوص الشكل او الحلاه فهذه من عند رب العالمين لسنا مخيرين بها اهم شي ان يكون كويس ويحبك ان لم ترى غير ذلك فصيحتي لك ان تفترقا وكل شيء نصيب لاكن الزواج شي اخر . ibrahimwithyou@yahoo.com

  يااختي العزيزة الشخص ليس بمظهره بل بجوهرة مادام خلقة ودينه نظيفين فهو بنظري اسمى وارقى مخلوق على وجه الارض ,مو كل شىءبالمنظر الخارجي شو الفايدة اذاكان من الخارج لائق اما من الداخل منحط بكل شىء فهذا لايجب ان يكون موضع مسؤلية اتمنى لك حياة سعيدة معه دائما كوني مع الله ولا تبالي .

اخوكي بالله محمد ايوب

  مرحبا

نصيحه مني اتركي من هلا لانه ازا بالخطبه مو مرتاحه كيف بعد الزواج لسه ما صار في اطفال ولا بيت ولا تكاليف حتى لو كاتبه كتاب والمجتمع ما رح ينظر الك هاي النظره انك مطلقه بعد الزواج رح تكوني انتي المتضرره الاولى والاخيره هو ما رح تفرق معه بتزوج بدل الوحده عشرهز

طالما انتي واثقه من نفسك ومن جمالك الله ببعتلك الانسان اللي رح ترتاحي معه ز
سلام

  if u dont love him dont get married to him,cz u dont have to live with some one u dont love just cz of people,its ur life n not thiers n ure the one whos gona live with him for ever n not them so think n pick by ur self,o 5atain 7omor t7t (by ur self)pllllllz onshoro

  بتحكولي ليش العنوسة بالاردن كثيرة ؟؟؟؟ من هاي البلاوي اللي بنشوفها
يعني هاي بتحكي مع جوزها وبتتخيلو واحد تاني وانا كل يوم عم بيزيد اصراري على عدم الزواج

  أنا دايما بتبع هذي الحكمة
( تقرب ممن يحبك ولا تتقرب ممن تحب ولا يحبك لأن الأول سيبذل ما بوسعه لاسعادك والثاني ستبذل أنت ما بوسعك وبالآخر سيجرحك)

  السلام عليكم
قال رسول الله صلى الله عليه وسلم : { أيما امرأة سألت زوجها الطلاق في غير ما بأس فحرام عليها رائحة الجنة }

لا حول ولا قوة إلا بالله

  السلام عليكم ورحمة الله وبركاته,, اول شي انا من الناس اللي مش مقتنعين بالزواج بالنسبة الي,, لكن سمعت من امام جليل انه في شيطان ببلش يلعب بعقول الخاطبين مشان يبطلو وبستخدم اي طريقة متاحة مشان هيك ما كان لازم انه تطول فترة الخطبة لهاي الدرجة,,,اول شي لازم تعرفي انه شعورك بالاول هو نفسه ولا تغير,, واذا كان شعورك نحوله بالبداية كويس وبعدين تغير بكون هذا من عمل الشيطان. بتمنى للجميع التوفيق

  اختي صاحبة المشكلة

ان الجمال ليس مقياس وحتى لو كنتي انتي باهرة

الجمال ما الفائدة فكري لو خطبتي انسان كامل

الاوصاف وكان يعاملك معاملة سيئة ولا يكن لك

الحب والاحترام سوف تعرضين مشكلتك بالتاكيد

انا بنظري الجمال جمال الاخلاق والاحترام والزواج

المبني على اساس الحب والتفاهم ليس على الشكل

واتباعه قبل ان تتخذي اي قرار فكري وانا

متاكدة انه خطيبك عم بحاول يعمل المستحيل

ليوصل لقلبك وحبك

اتخذي قرار بعقلك قلب قلبك

  يا حبيبتي يا دلوعة، شو رأيك بمهند التركي؟بناسبك؟

رقم 4
كفيت ووفيت

  شكرا شكرا الى رقم 2 سوسنة الاردن كلام جميل ورائع اكرر شكري لك

  انا مش عارف ليش كل مره المشكله بتكون مع البنات وشرطك ها كل المشاكل بتكون عاطفيه....

وكل مره بتكون فيها البنت مظلومه ومش لاقيه حل

انا داري يا زلمه احنا ضعنا ينعن هااااااااااااااا

  الله يعين بنات اليوم على عقولهم
شكلها بدها واحد بيشبه مهند أو أسمر أو يحيى

يا حبيبتي إفرضي تركتي هالزلمة وأخدتي واحد حلو ومتل ما إنت بدك وبعد الزواج وبعد ما تجيبو اولاد ومع الأيام لا قدّر الله زوجك الحلو صار معو حادث واتشوه وراحت ملامح الجمال تبعتو شو رح تعملي رح تتركيه وتطلبي الطلاق لو رح تصبري عليه وتساعديه بمأساتو ساعتها الجمال شو رح يكون بحياتك ولا شيييييييييييييي أو العكس طبعاً لا قدر الله أخدتي هالحلو وانتي صار معك نفس الحالة وراح جمالك وجاذبيتك وين الجمال هووووووون انتي رح تتمني لو ما كان زوجك بهالجمال كلو.

الرجل لا يُقاس بجماله بل يُقاس بأخلاقه
هلئ انتي بدك تحكيلي انو انتي كاملة مكملة بجمالك، طبعاً ما في حدا كامل على وجه الأرض والكمال لله وحده لا شريك له.
كملي معو حياتك والحب والتفاهم بيجي بعد العشرة بعد ما تكونو مع بعض في بيت واحد وكل واحد بيشوف التاني على حقيقته وساعتها بيتولّد الحب، مش تحكيلي بدك تاخدي واحد بتحبيه قبل الزواج لان مش كل الأشخاص بيظهرو حقيقتهم قبل الزواج، فالأفضل أن ترضي بما قسمه الله لكي.

تحياتي للجميع

 
والله غبى " ال شو انا حلوه وخطيبي مش بزياده ودايما بقارنه بالشباب التانين وكان لازم اخد احلى منوو "

وال شو بدها ايصير معجزة حلي عنا ياااااااااااا

وينكك يا جرثوووووووومه حابه اسمع رائيك بهيك موضوع تافهه ؟؟؟؟؟؟؟؟؟؟؟؟؟؟؟

والله حرااااااام امتنا عم تنهار بهاد الشكل وبهيك تفكير
لكان شو خليتوو لجيل 2020 شو بدهم يعملوو ......!!!!!!!!

كيف بدكوو اتربو الاجيال الجايه !!!

بالحب والهبل والقصص التافهه ..؟!

والله انك عكرتي مزاجي وخليتيني احكي بالشقلوب شو هاد فكري قبل ما تبعتي هيك قصه تافهه وكمان بدك ايساعدوك ......!!!!!!!!!

الله واكبر الله واكبــــــــــر
حسبي الله ونعم الوكيل !!

  انا من وجهة نظري انك تتقي الله في هذا الرجل
الذي عقد عليك بالقبول وان من منحك الجمال
الذي تتحدثين عنه قادر ان يحرمك اياه في ثواني
واعلمي ان الله لن يسامحك على ما تفعليه .

وكمان كما تفضلتي انك تبحثين عن معجزة وما ادراك
ان المعجزة قد تحدث ولكن عكس ما تتمني ويمكن
شعرك يكت ولا يصيبك مرض ما تشفي منه لانك تستغفلين الرجل وتبحثين عن الحب والوفا ان من
يبحث عن الحب والوفا كان يجب عليه ان يوفي لمن
اشتراه ورضي به وعن اي حب تبحثين وعن اي جمال تتحدثين هل برابك جمال الوجه هو كل شي لا عزيزتي هيك انت غلطانه فالرجل ممكن يتنازل عن الجمال مقابل الاخلاق ولا تنسي ان من منحك الجمال قادر
على يحرمك اياه في ثواني .

  لا حول ولا قوة الا بالله..
ياعمي غني بعبك ..صحلها جوز قالت اعور...
واللي برضى ما بتعب ..والواحد ياكل من قدامه وبلاش نكون زي الثيران قدامه كومة برسيم وبتطلع ع غيره...

بس لاني انسان محترم رح ادعيلك من قلبي انه ربنا يخلصك منه ويعطيك واحد كذاب كبير تحبيه ويحب غيرك..


وبعدين شو دخلنا اذا كنت حلوة منشان تكتبي "تعتبروني حلوة" ...وكل ازمات العالم وما بدها تطلع معجزة غير فيك..اطمني معجزة البقرة طلعت ع زمن سيدنا موسى وراحت عليك...

  بدك نصيحة مجرب بنصحك ما دامك ما حبيتيه ومو طايقيتو اتركيه لانو انا متلك وصار معي تفس الشي ازا ما حبيتيه هلأ باحلى فترة ما رح تحبيه بعد الزواج. وبعدين ياجماعة كبرو عقلكو شوي شو نظرة الناس ما نظرة ناس..راحة الانسان اهم شي شو الفايدة تضل البنت معو عشان ما يحكو عليها الناس بعدين يعني تتجوز وتطلق هيك احسن يعني!!!

  مش عارفه شو بدي احكيلك انتي من الاصل ليش تقبلي فيه ؟؟ الشكل الحلو مطلوب بس مو بشكل اساسي يعني ازا اموره واخلاقه وعلاقته فيكي تمام فنصيحه خليكي معاه وتوكلي على الله لانه الشكل مو كل اشي واسمحيلي اذا انتي بتنظري للشاب بس على شكله فانتي بتكوني تافهه اتمنى انك تكوني غير هيك وموفقه والله يستر عليكي ويهنيكي يا رب .

  صاحبة المشكله والله انا حاسه انك بتتخبطي على شي فاضي خلينا نحكي بشكل عام اول شي الجمال مو كل اشي بالدنيا لانه ممكن تشوفي انسان حلو كتير وبس تحكي معه مجرد كلمه ما تحسيه قريب من القلب والعكس تمام لازم اختي نشوف الشخص حلو لانا حبيناه مو نحبه لانه شايفينه حلو الجمال بنتهي بعوامل كتيره اولها عامل الزمن الحلو ما بضل حلو وعامل التعامل والرقي بالاخلاق والثقافه مره سالو فيلسوف مو خاطر عبالي اسمه ويمكن يكون افلاطون مو متاكده ايهما افضل للمرأه تتزوج الشخص اللي بحبها او اللي بتحبه فجاوب اللي بحبها لانو المراه عاطفيه بطبعها بتجذبها الكلمه الطيبه والعاطفه الصادق فيا اختي كونك بتحكي انو بحبك استغلي هادا الحب وحوليه لصوره حلوه بعيونك ولا تحاولي تقارني بينه وبين اي رجل اخر مع العشره والكلمه الطيبه رح تحبيه واذا ما اقتنعت اتركيه هلا احس من بعدين الطلاق هلا افضل من بعد الزواج او وجود اطفال وع هيك فكري لانو الظاهر مشكلتك بس في الجمال والجمال يا اختي جمال الروح وليس جمال الشكل في نقطه تانيه انتي بتحكي انك لما بتحكي معاه بتكزبي عليه في كل كلمه بالعكس انتي ما بتكذبي عليه انتي بتكذبي على نفسك لانك انت لوحدك اللي بتعرفي هادا كذب وهو انسان بسمع منك بعرف انك بتحكي كلام صادق من البك بلاش تخدعيه اكتر من هيك ما بستحق منك هادا الشي لانو حرام اما بتصارحيه وبتنفصلو او بستمري معه باحترام والحب اكيد بيجي بعد الزواج اذا عندك اراده في الاستمرار مع الشخص لا تخدعيه الحياه كما تدين تدان الله يوفقك

  على المرأه أن تكون كالقمر وعلى الرجل أن يكون أجمل من القرد بقليل ... انت بدك واحد يضحك عليكي فعلا

  اولا السلام عليكم ...
أختي العزيزة حاب اقول اكم من كلمة . اول شي انتي مدام مو عاجلك ليش من البداية ما رفضتي وليش هلأ بعد مضي 8 شهور جاي بتحكي ما بجبخ .يعني بعد ما صار بينكم عشرة عمر وصار كل همه انه يرضيكي وبتحكي كمان انه بحبك كثير يعني والله حرام عليكي شو بده يكون شعوره بس تحكيلو انا ما بدي اياك ... حطي حالك مكان الشب سألتك بالله ..

ثاني شي .. صلي صلاة استخارة وادعي الله انه يكتبلك اللي في الخير والنصيب الأحسن دايما وسيبك برضو من كلام الناس وتوكلي على الله وادعي مرة تانية ..


ارحموا من في الأرض يرحمكم من في السماء

  السلام عليكم اخي محمد
بحب احكيلك وانا كمان مش انت لحالك
الظاهر ناس كثير نعرض عليها الموضوع
تحياتي الك .

  السلام عليكم جميعا....

الى السيد المحترم( مهند الشوابكه).

شكرالك على اسلوبك الراقي وذوقك الرفيع.

  إنفلونزا الخنازير تعبر القارات ومخاوف من تفشيها
-------------------------------------------
البابا يتحدث عن عمق العلاقة بين الكاثوليكية واليهود
-------------------------------------------
البابا لم يخلع حذاءه في مسجد الحسين بن طلال
-------------------------------------------
توقع إنتاج لقاح لإنفلونزا الخنازير في أسبوعين

  اصلاً لو انك انت تنفصلي عنوا بكون الله كاتبلوا خير به

  اذا انت بتنفصلي عنة بكون الله راضي عنة هذا المسكيين بتعرفي ليش لانك انت من الان بتقارني بينة وبين الرجال او المفاعيص هذا دليل انك انت ملعبة ومش مزبوطة ولك الواحدة ما بتشوف الا زوجها لو شو ما كان بس انا عارف الدنيا اتشقلبت اطلقي واقعدي بالدار احسنلك لانك مش مستاهلة او استني بس يجي روميو وتفيعوا مع بعض على النو.............. والباقي عندك هذا كلة لانك حلوه كال

  نصيحتي اتركي,, أنا كنت زيك مع خطيبي (اللي هلا زوجي).. و كانت نظرتي للوضع متلك (ما بدي أفسخ لنفس السبب)... أنا كتير ندمانة هلا و بكرة زوجي, لأني من الأول مش حابيته.. بعدين لساتك صغيرة.,, شو 23 سنة...!! أصلن بكييييير...

  انا بحكي ألي رجليه بلفلقه موهع زي الي بعد فيها أذا أختي العزيزه موه مقتنعه أنفصلي افضل ألك هلا مت بعدين حتى ماتندمي وفكري منيح وستخيري بين ألأمرين ,الله يوفقك

  انا بنت زي زيك واكيد لما بدي احب وارتبط بواحد بدي يكون حلو بس سدئيني لما تجربي تحبي واحد حلو بعدين بتزهئيه بتصيري تدوري على الإنسان اللي يقدرك وانت استخيري ربك وازا هو بحبك ما تهتمي لشي يمكن صعب انك تحبيه بس انت ما تقارني بحد علشان تشوفيه احلى واحد لانو اكيد الناس في اللي احسن منها وفي اللي أسوأ منها وبعدين انت حاولي تغيري في اشياء انت بتحبيها وبتشوفيها بشب تاني ممكن تغطي على الحلاوة متل اللبس او قصة الشعر او اي شي بيخطر عبالك او تتقربي منو ولما تحكيلو كلمة حلوة انت حسي فيها أبل ما يحس فيها هو واقنعي حالك انو هالكلمة من البك انت مو علشان بس تجاملي وانا متأكدة انك رح تصيري تحبي اكتر ما انو بحبك لانو هو حتى لو ما حسستيه انك بتحبيه رح يحس لحالو والناس بتحي خدي اللي بيحبك مو اللي بتحبيه

  انا شايف انها القصة ومعظم التعليقات
لنفس الشخص لتعويض النقص الحاصل جراء
العواصف الرعدية التي عصفت بهذا الباب

  تحياتي للجميع :

عزيزتي صاحبة الموضوع :

تتلخص نظرية فرويد عن النفس الإنسانية في الآتي:


إن الحياة النفسية للإنسان ليست حيوانية فحسب، ولكنها كلها تنبع من جانب واحد من جوانب الحيوان، هو الجنس المسيطر على كل أفعال الإنسان.

رغبت في ان تتمعني في هذا الكلام فعلاً الشكل مهم في اي علاقه و كما اسلفت الدافع لدي كل رجل او امرأه مرده جنسي و لكن هل يا ترى هذا هو الدافع الوحيد و الأمثل لأختيار شريك الحياه ؟

كما نعلم جميعاً ( ليس كل ما يلمع ذهباً ), و أصل الماس هو فحم حجري يا عزيزتي.

و تذكري الانسان يتقدم بالعمر و يفقد جاذبيته و كل ما يبقى للأزواج و المتحابين هو الحب و التؤالف و الرحمه.


يا عزيزتي انا مقتنع تماماً ان نظرية و تعريف الجمال شيئ قابل للجدل و غير محسوم بتاتاً و الجمال من عين الناظر.

تذكري مهما بلغتي من الجمال و الاناقه دائما يوجد من هي اجمل و من هو اكثر جاذبيه .


انا نصيحتي بأن تكوني صريحه و تتكلمي مع الشاب بصراحه و انفتاح بدون ان تجرحيه و على العكس انا متأكد انه سو يحترم رأيك و يشارك ايضا رأيه فممكن ان يكون له مآخذ على شكلك او حتى شخصيتك.

اما ان تستمري في الكذب كما اسلفتي, فأنا واثق انه لن يقدر ذلك و الكذب ليس موضع احترام مهما كان السبب.

هذا الحل مناسب لجميع الاطراف و قد تحتاجي انتي كأنسان أن تقرأي المزيد و ترتقي بالفكر حتى تتوضح لكي فكرة الجمال سواءاً الخارجي ام الداخلي.

بالتوفيق و احترامي للجميع

  ابعتلك رقم مهند تحكي معو اسمعت انو طلق نور ..... جد احنا في اخر وقت ... قال شكلو مش عاجبها واي شاب بيلفت انتباها .... شكلك واقعه اصلا من طريقت تفكيرك ... احمدي الله انو لقيتي انسان يحبك .... اذا بدك شاب حلو وعلى علاقه ببنات كتير سهل تلاقيه لانو اتوقع يعجبك ..

  خدي اللي بحبك بحطك عراسه

  يااختي بماانك حكيتي انك مابتحبي وشكلو موحلو ليش توافقي عليه من الاصل
بعدين مش كل شي الجمال
ممكن يكون حلو متل مابدك بس قلبه قاسي ولايم
وممكن يكون مش حلو بس بالمقابل مابيحرمك من شئ

  اختي انا مع الكل انه الأخلاق اهم بكثير من الجمال والجمال مو مقياس ورح تندمي اذا خليت الجمال مقياسك للعريس، بس بالوقت نفسه نكون صريحين وواقعيين انا مع الأخت لارا انه اذا انت مو قادرة تحبيه هلأ معناه ما رح تحبيه بعد الزواج ورح تظلميه لأنه مبين عليه منيح وتظلمي حالك معه لأنك ما رح تقدري تحبيه، اذا الطلاق افضل الآن من انه يكون بعد الزواج والأطفال اللي ما رح يكون الهم ذنب ، وهلأ يعتبر طلاق قبل الدخول يعني فسخ خطبة يعني نصف مصيبة وانسي الناس رضا الناس غاية لا تدرك زي ما حكت لارا شو رح يفيدوك الناس اذا ما رح تكوني مرتاحة بحياتك؟ افسخي وفكري مرة ثانية انه ما تقبلي على اي خطبة اذا ما كنت مقتنعة عشان ما تجرحي الشخص الثاني.

انشروا لو سمحتوا شكرا" الكم.

  انا برأيي صارحيه ماحكيلوا الي بقلبك
وخاصة شغلت مقارنته بالسباب الثانين
خليه يكرهك ويطلقك وهيك بتكسبي المهر
وبعدين بيجيكي مهند وبخطبك
معه مصاري وحليوه
كيفك معي على الافكارفهمان عليك صح.

  اختي العزيزة برأيي أن الشخصية والأخلاق أهم مليون مرة من الجمال والشكل الخارجي وخاصة للرجل، لكن بالنهاية هذه حياتك وعليك ان تكوني مقتنعة بشريك المستقبل كي لا تندمي، لا ادري لماذا وافقت على الخطبة وانت غير متأكدة؟ لم تذكري انه يوجد ضغط من الأهل. بجميع الأحوال ارى الحل في فسخ الخطبة فورا" كي لا تجرحي شعور هذا الشخص الذي أحبك بصدق ثم تتزوجينه وتعاملينه بشكل جارح (لأنك لا تستطعين اخفاء مشاعرك الحقيقية للأبد) ويؤدي ذلك للندم والطلاق لاحقا" وتكون مأساة حقيقية بحالة وجود اطفال ابرياء وتكون الطامة الكبرى، انت الآن ما زلت على بر الأمان لأن فسخ الخطبة او الطلاق الآن قبل الزفاف يعد امر بسيط نسبيا" وبالمجتمع يعتبر فقط فسخ خطبة وقد حصل مع عدد كبير من الفتيات وهو شيء عادي واهون بكثير من الطلاق بعد الزفاف وان تعيشوا معا" كالأزواج واكرر مأساة ان حصل زواج وحمل وادت تصرفاتك الى دمار حياة اطفالك ووقتها فعلا" تكوني مذنبة لأنك لم تتصرفي الآن، لا اؤمن ان المشاعر تتغير بعد الزواج ولا يحق لك ظلم هذا الشخص معك وعليك ان تكوني صادقة معه وحتى لو آلمه ذلك ولكن سوف يكون الألم عليه الآن ارحم بكثير من الألم بعد الزواج ووقتها سيكره نفسه ويكرهك انك دفعته لعمل الزفاف وانت تكذبين عليه بمشاعرك، صارحيه بألطف طريقة وافسخي الخطبة وانهي الموضوع، راحتك وراحته اهم من كلام الناس الذي لا ينتهي، وهو لن يجد راحته معك طالما انك لا تحبيه والحب لا يأتي بكبسة زر او رغما" عن الشخص فقط لأنه توجد ورقة زواج تأمر بذلك لأن الحب أسمى من ذلك بكثير، انهي الموضوع قبل ان تجرحيه اكثر وكي يجد سعادته مع انسانة تحبه فعلا" كما احبها وهذا حقه، ومرة اخرى لا تقبلي على موضوع جدي ومصيري كهذا دون ان يكون لديك قناعة كبيرة ومشاعر صادقة تجاه الشخص وبعد عمل صلاة الاستخارة. انهي الآن كي لا تندمي بعد فوات الأوان وتعب اليوم ولا تعب كل يوم. الله الموفق.

يرجى النشر للافادة وشكرا" لكم.

  الجمال جمال الروح و الاخلاق، كم هنالك اشخاص غاية في الجمال الخارجي لكن من الداخل لا نجد ابشع من ذلك و لطالما هذا الشخص يحبك و يحترمك اذا لا توجد هنالك اي مشكلة في المستقبل ستتعودين عليه بل سترينه اجمل شاب في هذه الدنيا و لا تقارني بينه و بين اي شخص اخر لأنه يا عزيزتي لا يوجد انسان كامل فالكمال لله وحده عزوجل واتقي الله في هذا الشاب ولا تجرحي مشاعره لأنه لم يخطأ معك ابدا

  عذرا سيدتي
عذرا مزدوج
فعذرا لاني سوف اقسو عليكي
وعذرا لانه
قد نفقت جميع الالعاب ولم يبقى الا هذه الممزقة
فلا تلومي صديقاتكي فلم يسرقن.هذه تهمة ملفقة
هو حظكي من جعلكي اخر من تختارين

وللاسف اخر من يختار ليس امامه خيار
فهو وحيد القرار

خذي لعبتكي وليس امامكي سوى ان تحبينها
ولا تنظري الى لعب غيركي, فتعيسة ستبدين حينها

ولا تحاولي ان تهديها.فسجلت عليكي لعبة ولن تجدينها
............

والان قفي ايتها المغرورة
واكتبي ما سامليه عليكي على "السبورة"
اكتبيه بخط عريض وانتقي الاغمق من "الطبشورة"
اكتبي ((الرجال ليسوا لعبا بين يديكي تنتقين))

اتفهمين ما تكتبين؟؟؟
ام اذن من طين واذن من عجين؟؟؟؟
ونصيحة اخرى لكي"بقلوب الرجال لا تلعبي والا للجحيم ستذهبين"

هو ليس بجميل؟؟؟منذ متى يقاس الرجال باشكالهم؟؟
وان كان مقياسكي خطا فمن اجبرك عليه؟؟
.....
صغيرة ما تزالين وبزينتكي تتباهين
فلماذا لم تنتظري من يرق الفلب له ويلين؟؟
او ليس حرام عليكي ذاك المسكين
ما علم ان من سوف تقاسمه عمره من مكالماته تأين
وتنتظر ان ينهي ما يقول من الحين الى الحين
....
اسمحي لي يا سيدتي ان اتهمكي
انكي غيره تعرفين
وربما ما زلتي تحبين

فكوني قوية واعترفي, فانتي هنا ما من احد تعرفي
والومه بعض اللوم
كان يجب عليه قبل ان يحببكي بكلامه ان يشعر انه ضيف الى قلبكي به غير مرغوب
كان يجب عليه ان يذوب قلبكي وبقلبكي يذوب.
عموما واذا اردتي مني:
اتركيه الان مجروحا
قبل ان يكمل معكي ويغدو مذبوحا
اتركيه للايام ليبرى ذاك الجرح
ولا تزيدي به تعلقا فيكي
فالمصابين بالسكر بطيئا جرحهم يبرأ
وانتي له سكر بدى ينتشر بجسده ويكلأ

  والله انك جيتي على الوجع وانا كمان متلك ومو عارفه شو بدي اعمل بس بتعرفي شي وعشان حكي الناس وهيك قصص احسن شي تعملي متلي وتدعي ربنا ليل نهار حتى تنشال هالغمة من قلبك

  وحابة اضيف شي تاني انو كل شي الو حل الا المشاعر.. المشاكل العائلية بتتصلح والمشاكل المادية بتنحل الا مشكلة المشاعر ازا في نفور من جهة البنت والله لو اخدها عالجنة ما رح تكون مبسوطة.بعدين لشو مكبرين الموضوع الاحصاءات بتحكي انو نسبة الطلاق قبل الدخول 76% وهدا بدل على انو المجتمع اللي انا وانتو منو صار يشوف الموضوع عادي.مابالك مع وجود اهم سبب وهو النفور.

  لازم تتركيه يشوف نصيبة مع وحدة تعرف قيمتة و تعامله كزوج و حبيب. هو ما اله ذنب اذا هو مش عاجبك.
و على كل حال طريقة تفكيرك كتير غلط, عم تحكي بمنطق بنت 16 سنة!!!!!!!

  الى "الرومنسي المنسي"
كلامك رائع وجميل بشكرك كتير
تحياتي

  بداية..لن أعلق على اللغة التي كتبت بها صاحبة المشكلة..

لن أناديك سيدتي ولا اختي ولا عزيزتي حتى..وأظنك تعلمين لماذا؟؟

تقول الشاكية الباكية بأنها لا تبدي لخطيبها

المزعوم نوعا من الإعجاب..وهي كما ذكرت

تتمنى بأن تنتهي الكالمة بسرعة..



أظنني هنا أتساءل..لماذا لم تحدثنا الشاكية


الباكية عن لقاءها مع خطيبها..أكل لقاءتهما

معدومة الاحساس كما المكالمات الهاتفية؟؟



كلكم تعلمون يا قراء الزاد ما يحصل بين الخطيب

وخطيبته..وأرجو ألا تؤولوا كلامي على انه

انعدام أخلاق لا سمح الله..


الهمز والغمز و (اللز ) وقبلة من هنا ( قبل أن

يدخل الأب او الأخ..كل هذا يحصل بين الخطيبين..



ألم تشفع مثل هذه الحركات لخطيبك أن يدخل قلبك؟؟

ألم تشعري بدفئ يلامس جسدك؟؟ألم تشتمي رائحة

زكية تخرج من فيه..؟؟


أما المقارنة مع شخوص أخرين فهذا والله طامة كبرى يا سادة..أنقارن من جاء بابنا وطرقه نهارا بمن غافلنا وأغار على شباكنا ليلا؟؟؟



أسمحت لنفسك يا شاكية أن تقارني خطيبك ب
( مهند ) او ( أسمر)..أظنك قارنته ب(تامر

حسني ) ووجدت الأخير يعامل ( مي عز الدين )

برومانسية عالية...


ألم تفكري يوما بأن تعلميه فنون الحب والمغازلة(هذا في حال إن لم يكن رومانسيا)..؟؟؟


نعم..يا سادة..هو البحث عن الزواج..زوج يفتح

بيتا ويتكفل بمصروفاته وتكون الأنثى على اسمه

امام الناس..



بيتا يفتقد الحنان والحب..لماذا إذن سمحت لنفسك

بخطبته من قبل؟؟..هل امتلكت يا شاكية جرأة على

طرح موضوعك في الزاد؟؟في حين لم تمتلكي قدرة على

قول كلمة (( لا أريده ))لأني لا أحبه ولاني غير مقتنعة به؟؟


عجب عجاب...أتمنى أن لا يحمل لنا الزاد في يوم من

الأيام خبرا مفاده (( أن زوجة خلعت زوجها بعد

احتفالهما بيوبيلهما الفضي..لأنها اكتشفت أنها

غير مرتاحة له))



أظنك اخترت يا شاكية أن تكوني متزوجة بلا حب..وأن لا تكوني عزباء بحب...

والسلام

  الاخلاق الاخلاق الاخلاق أولا وأخيرا شو بدك بواحد حلو والعين الله عليه وما يكون لاسمح الله بلا أخلاق
وبعدين حتى لو مو حلو انا بفضل انو مرتي تكون أحلى مني مو انا احلى منها بعدين إزا كنتو الاتنين حلوين بتصيرو سكر زيادة وولادكم بيجو مدبقين
ههههههههههههههههههههههههههههه

  عمو روحي نامي حد صاحلو يجوز هاي الايام احمديي الله لقيتي واحد يخطبك شو هل البنات

  سلم لسانك

الموقع من دونك ليس له قيمة

كل سطر من تعليقك له عبرة وارجو

من صاحبة المشكلة فهمه واخذ العبرة منه

دمت ودام قلمك

  عزيزتي صاحبة الموضوع أنا مع الجميع أن الجمال ليس هو المعيار وليس هو ما يحدد نجاح الزواج وقد يكون الانسان جميل من الخارج ولكنه قبيح من الداخل ويسيء المعاملة والعكس صحيح، لا شيء ممكن ان يكون اهم من الأخلاق والشخصية كما قال الأخ عماد، وبالوقت نفسه يجب ان يكون هناك انجذاب وارتياح ومشاعر صادقة بين الطرفين بالاضافة الى القناعة ووجهات النظر المتقاربة كي ينجح الزواج، ما كان يجب عليك ان تقبلي بالزواج من هذا الانسان وتظلميه وتؤذي مشاعره بهذا الشكل، مع احترامي لك لكن تصرفك لم يكن صوابا" وموقفه وموقفك انت صعب للغاية، علما" انه لا يوجد سبب لهذا التسرع بالزواج بما انك فقط 23 ولديك متسع من الوقت للزواج.

عليك يا عزيزتي ان تكوني صريحة مع خطيبك وتقولين له انه لا مجال لاكمال المشوار، انا مع عماد ولارا ان انهاء الموضوع الآن وهو يعد فقط فسخ خطبة اهون بكثير وارحم من الطلاق بعد الزواج وبعد الانجاب. وفعلا" افسخي الخطبة كي لا تندمي حيث لا ينفع الندم. لا يمكن ان تخطي خطوة مثل موضوع الزواج قبل التفكير والقناعة. حاولي التريث دائما" بهذه الأمور لأن الغلط يدمر حياة الانسان. الله الموفق.

يرجى النشر وشكرا" للمحرر.

  الأخت السائلة ابنتي العزيزة عليك ان تخبري خطيبك بحقيقة الأمر لأن الطلاق بعد الزواج نتيجة اكيدة ومريرة لما تعانينه الآن من نفور تجاهه، والزواج الناجح يبنى على الثقة والصراحة Honesty and trustلا على النفور والتمثيل ، والجاذبية الحسية
Physical attraction
هي احدى عوامل الزواج وان لم تكن كل شيء، قومي بفسخ الخطبة الآن لأنك سوف تخربين حياتك بيدك وحياته ان تزوجته وانت تشعرين بنفور وهو يستحق ان يجد زوجة تحبه وصادقة معه. حاولي البحث عن اسباب الوضع النفسي الذي جعلك تقبلين بأي عريس دون تفكير وانت ما زلت صغيرة كي لا تعيدي الخطأ نفسه. للاستشارة:

dreyyad@gmail.com

يرجى النشر للافادة وشكرا".

  يجب فسخ الخطبة فورا" وعدم الاستمرار بالكذب على هذا الانسان كي لا تدفعين الثمن لاحقا".

  انا بشوف انه الحب بكون بعد الزواج ان شاء الله اقوى واجمل وازا انتي من الاشخاص الي بهتموا كتير للمظهر انا بقلك وبأسم كل امرأه واعيه "ان الرجل قلب وليس قالب "بتمنى انك تكوني واعيه شوي وتفكري برجل يحبك مو انتي تحبي !!!؟؟؟
عجبا لكم يامن اتنظرون الى رجل في شكله وتنسون قلبه !!!!
تحياتي لك اخ جرثومه

  يسلم البطن الي حملك والله كلامك كلو حكم ويمس الواقع من جميع الجوانب ...

شكرا كتير نورتنا برائيك وما تحرمنا من افكارك !

  لسبب ما قررت ادرة الموقع حجب تعليقاتي
ليش المقاطعة يا جماعة؟؟
حدا حكالكو اني من المنتجات الدنماركية


طيب ازا ما بدكو تنزلو تعليقاتي بلغو
جرثومة ورومنسي اني بسلم عليهم
ولا تنسونا من المكاتيب

  كتييييييييييييييير كتييييييييييير كلامك حلو يا رومنسي منسي

  كتيييييييييييير كلامك حلو يا رومنسي منسي

  اختي العزيزة
اسمعي كلام المعلقين اللذين نصحوكي
واخص الرومنسي المنسي كلامه كله عبر
وقارئة كلامها عقلاني

  الى بنت اربد:لا اظن ان هذا الموقع يقاطعكي فهو موقع محترم كاصحابه.لكنه بالخطا.فانا كتبن اول البارحة تحت زاوية"خطيبي ما زال يلاحقني"ولم تنزل وعاودت الكتابة بشكل مختصر وهاقد نزلت
تحياتي لكي عزيزتي

الى لوجين:شكرا لكي يا سيدتي وهذا دليل ذوق عندك عال


الى الدحنونة:شكرا لكي يا وردة الربيع
لانكي تقرأين ما اكتب

وتحياتي للجميع

  بصراحة رومنسي المنسي اله أحلى تعليق..

بس و الله هاي المشكلة و القصة منتشرة كتيير يعني انا كتيير من صاحباتي عندهم نفس المشكلة.. بس السبب من الآخر انهم كانوا يحبوا و ما نهو معه العلاقة .. أو ما انتهت العلاقة بالكراهية.."اما سفر أو غيره"..

  شكرا لكي سيدتي
فهذه شهادة اعتز بها
وحقيقة انكم تخجلوني في هذا الموقع فانا لا استحق كل هذا المديح

  حبيبتي بدك تسمحيلي احكيلك انك بنت تافه كتيييييييير ازا كنتي بتتفرجي على المظاهر لأنو الجمال الخارجي ما بدوم وبضل جمال الروح وبعدين انت شكلك شايفة حالك وعينك فاضية...........

  انت الوحيدة من بيدك الحل وهو الفسخ وعدم اللعب بمشاعر هذا الشخص اكثر كي لا يعاقبك الله على هذا الكذب لأن تصرفك مبني على الخطأ ومشاعر الناس ليست لعبة.

  يا ابنتي ظلمت هذا الشاب عندما وافقت على الزواج به وانت لا تحبينه وغير مقتنعة به، انهي الموضوع وقومي بفسخ الخطبة لأنك تؤذينه وتؤذين نفسك، فعلا" بالعجلة الندامة وبخاصة في هذه المواضيع، المرة القادمة تأكدي انك تريدين المضي بالموضوع وقومي بعمل صلاة الاستخارة.

شكرا" على جهودكم ويرجى النشر.

  يا انسه بدي انصحك نصيحه انا كتبت 4 كتب عن هاي الشغلات مع اني صغير بالعمر بس ماخليت شي عن الحب وماكتبته
اولا اذا بدوري على الشكل تاع الانسان انتي مابتعرفي شي بالحب هاد عدم ارتياح الي بصير معك لانك بتفكري فيه كشكل مو كروح حاولي شوفي من جواته مو شكله الخارجي
واذا بدوري على الشكل الخارجي الطلاق مو حرام وانتي خاطبه احسن من بعد ماتتزوجي وتصيري مره مطلقه مو انسه فهمتي
حاولي شوفي الشب من جواته روح مو جسد اذا ما حبيتيه افسخي من هلا احسن
واي شي بدك مساعده هاد ائيميلي
main.mokdadi@yahoo.com

  اختي العزيزة خذي بنصحية الدكتور اياد ومعظم الأخوان وافسخي الخطبة لأن من يحب ينظر للروح لا للجسد كما نصحك الأخ معن ومعه حق، التركيز على الجمال والمظاهر غلط ولكن ان كنت لا تحبينه افسخي الخطبة لأنك تخربين حياته ايضا" وليس فقط حياتك كما قال الأخوان. انت فقط 23 لا داعي لهذا الاستعجال الذي يؤدي للندم، واعملي صلاة استخارة. الله يوفقك.

ارجو النشر وشكرا".

  المظهر يا اختي عمره ما كان كل شي بس انت اولوياتك غلط، على كل حال ما بنصحك تكملي المشوار معه عشان ما تجرحي بمشاعره اكثر وافسخي الخطبة هلأ اريح الك واله الصراحة.

  بدك نصيحتي اذا مو حاببتيه اتركيه يعني اذا مو مرتاحه معو اتركيه والافضل انك تصلي صلاة استخاره علشان ما تظلمي هذا الشخص معك يمكن ربنا يكتبلك السعاده معو وتحبيه بعد الزواج وتكوني مبسوطه ربنا يسعد الجميع

  انا بقول انو اذا مش عاجبك بطلي حقك ولا ليش هم مسمينها خطبة عشان كل واحد يشوف الثاني ويعرف اذا مناسبو او لأممكن انو محترم وكويس بس مش مناسبين لبعض بتصير عادي جدا وبعدين اذا بدك تقيسيها من ناحية دينية اذا انت مسلمة طبعا في حادثة صارت على ايام الرسول اجتو وحدة قالت بدي اطلق من زوجي قلها سيدنا محمد ليش قالتلو شكلو مش عاجبني وطلقهاطبعا بما معناه انا مش حافظ الحديث بس هيك القصة اكييد بتصيير هاي اسمها طبائع البشر ما فيها عيب يا عزيزتي.

  الغرور مش حلو ...

واللي بطلع عالناس بموت ...

وما تقارني بين حد وحد لانه زي ما في افضل منو في اسوا منه...وبكفي انو هالشب بحبك بصدق ...

اي هو في حد ملاقي حد يحبو هذه الايام..اتمسكي فيه وسلملي عليه

  فاضيه لحالك

  انا عندي مشكلة وبدي اطرحها وشم عارفة كيف انشرها وين اروح

  من اجل ارسال مشكلتك:

ارسلي لهم ايميل على

jordanzad@gmail.com

او اذهبي لأول الصفحة عند "ارسل خبرا" اضغطي عليه وقومي بتعبئة البيانات المطلوبة واكتبي المشكلة وارسليها. الله يوفقك.

يرجى من الزاد النشر لمساعدة الأخت من اجل مساعدتها وشكرا".

  بصراحه بدك ترجعي لنفسك هاد الشب مناسب الك واهله بحبوكي ومستعده تعيشي معهم اذا بيوم عرفوا انك مو حابه ترتبطي بابنهم
تانيا الانسان بعيبوا شغله وحده يكون كذاب اذا هاي الشغله عنده اتركيه نصيحه
واذا ما اله قرار وما بمون على حاله كمان انسيه
وبرجع القرار الك
main.mokdadi@yahoo.com

  ياسيد معن والله الشكل مهم بأهميه الروح تماما صدقني احنا بنحكم على الاشخاص من اشكالهم يمكن هاد الشي غلط ...انا بعاني من مشكله من نفس النوع بيجيني خطاب واغلبهم دارسين واوضاعهم اكتر من كويسه وحلوين بس انا مابيعجبني العجب ودايمابعلق على الناس واهلي والناس بيحكوا اني مغروره وبحكولي اني رح اندم.. مع اني بكون امزح وبحب اخد الدنيا بضحكه بس هما جدين وانا مابجرح حد بس بحب اللعب وامزح وبحس اني صغيره كتير على الارتباط وبعمري ماحبيت ولا اعجبت بحد وصاحباتي بحكوا اني معقده... انا غلطانه؟؟؟

  انسه تمارا حلو الشخص يدقق على كل شي خاصه بالارتباط بس في ناس ارتبطوا وخلصوا والانفصال مش سهل
انا الحمدالله وضعي منيح كتير والناس بحكوا حلو عني وكتير بنات حبوني ما بتفاخر بحالي بس انا الي بدي احبها بدي اياها ملكة جمال لاني جامعي وحلو ووضعي المادي منيح ومو ناقصني شي وطموحي اعلى من يلي وصلتلوا والفصل الجاي بادي بدراسة الماجستير
بس الي ارتبط واتورط وجاي هلا يحكي عن الشكل المهم مايزيد الغلط للزواج بعدين نكتشف انه اختيار غلط اذا حاسه اختيارك غلط يا صاحبة الموضوع من هلا حاولي انهي وما ترتبطي بزواج انتي الخاسر الاكبر فيه
main.mokdadi@yahoo.com

  حلو كتير يعني انت متفق معي انه الشكل مهم
وكمان انا برأي ازا كان الشاب او الصبيه عنده هيك مواصفات كويسه انه يدلل شوي ومايضحي بعواطفه بسهوله لأن مشاعره غاليه ومو رخيصه لحتى تكون لعبه ويعطيها لشخص ما بيستاهلها.
تحياتي الك.

  بصراحة بدك رأيي ....
انت انسانة مش عارفة تحددي شو بدك .... المظهر زائل والذي يبقى القلب ...
انا حزين بس على هالأنسان اللي ما عرف كيف يختار ....
انت بدك معجزة لتفكيرك ونطتك للحياة ...

  اكيد لازم الواحد بايعطي شي لناس ما بستاهلو
معك حق تمارا بس الحب اعمى
بتعرفي ليش الحب اعمى وكيف القصه ولا لا

  هلا معن اولا بتمنى تكون منيح
تانيا انا بنبسط بردودك
تالتاالحب اعمى...صحيح ليه الحب اعمى؟؟؟
بسمع هاي المقوله كتير بس مابعرف ازا الها قصه وبعمري مافكرت فيها
احكيلي ياها.

  شو المعجزة اللي حابة انها تصير
لاتفكري انو اذا اجاكي واحد حلو حتكوني مبسوطه يمكن يكون كتير سيئ
لهيك ماتفكري بها الطريقة لانها مو صح
واذا بقيت هيك تفكري عمرك ماحتكوني سعيده

  هاي قصة الحب الاعمى
في قديم الزمان حيث لم يكن على الارض بشر بعد كانت الفضائل والرذائل تطوف الارض سويا وتشعر بالملل الشديد وذات يوم وكحل لمشكلة الملل الشديد اخترع (الابداع) لعبه وسماها الطميمه او اللاستغمايه احب الجميع الفكره وصرخ (الجنون) قائلا اريد ان ابدا اريد ان ابدأ أنا من سيغمض عينيه وانتم عليكم الاختباء ثم اتكأ على شجرة وبدأ واحد اثنان ثلاثه وبدأت الفضائل والرذائل الاختباء وجدت (الرقه) مكانا لها فوق القمر واخفت (الخيانه)نفسها في كومة زباله او نفايات
وذهب (الولع) واختبأ بين الغيوم ومضى (الشوق ) الى باطن الارض اما (الكذب) فقال انه سيختفي تحت الحجاره ولكنه اخفى نفسه في قاع البحيره واستمر الجنون بالعد تسعه وسبعون ثمانون واحد وثمانون خلال ذلك اتمت الفضائل والرذائل تخفيها ما عدا (الحب ) كعادته لم يكن صاحب قرار وبالتالي لم يقرر اين يختفي وهذا غير مفاجئ فنحن نعلم كم هو صعب اخفاء الحب وتابع الجنون خمسة وتسعون سته وتسعون وعندما وصل الى مائه قفز الب بين اجمة ورد واختفى بداخلها فتح (الجنون) عينيه وبدأ يصرخ انا آت اليكم كان (الكسل) اول من كشف لأانه لم يبذل اي جهد في اخفاء نفسه ثم ظهرت (الرقه) وبعدها خرج (الكذب ) مقطوع النفس من البحيره واشار الى (الشوق) ان يرجع من باطن الارض وجدهم الجنون جميعا واحدا بعد الاخر ماعاد (الحب) كادا يصاب باليأس الى ان اقترب (الحسد) وهمس في اذنه (الحب مختفي في شجرة الورد التقط الجنون شوكة خشبية اشبه برمح وبدأ يطعن شجرة الورد ولم يتوقف الا بعد ال سمع صوت بكاء يمزق القلوب وظهر (الحـــــــــب ) وهو يحجب عينيه بيده والدم يقطر من بين اصابعه صاح (الجنون ) نادما يا الهي ماذا فعلت ماذا افعل كي اصحح غلطتي بعد ان افقدتك بصرك
اجابه (الحب) ان تستطيع اعادة البصر الي ولكن هناك ماتستطيع فعله لأجلي كن دليلي
وهذا ما حصل من يومها يمضي الحب الأعمى يقوده الجنون
هاي قصة الحب والشاطر يفهم
main.mokdadi@yahoo.com

  هاي قصة الحب الاعمى
في قديم الزمان حيث لم يكن على الارض بشر بعد كانت الفضائل والرذائل تطوف الارض سويا وتشعر بالملل الشديد وذات يوم وكحل لمشكلة الملل الشديد اخترع (الابداع) لعبه وسماها الطميمه او اللاستغمايه احب الجميع الفكره وصرخ (الجنون) قائلا اريد ان ابدا اريد ان ابدأ أنا من سيغمض عينيه وانتم عليكم الاختباء ثم اتكأ على شجرة وبدأ واحد اثنان ثلاثه وبدأت الفضائل والرذائل الاختباء وجدت (الرقه) مكانا لها فوق القمر واخفت (الخيانه)نفسها في كومة زباله او نفايات
وذهب (الولع) واختبأ بين الغيوم ومضى (الشوق ) الى باطن الارض اما (الكذب) فقال انه سيختفي تحت الحجاره ولكنه اخفى نفسه في قاع البحيره واستمر الجنون بالعد تسعه وسبعون ثمانون واحد وثمانون خلال ذلك اتمت الفضائل والرذائل تخفيها ما عدا (الحب ) كعادته لم يكن صاحب قرار وبالتالي لم يقرر اين يختفي وهذا غير مفاجئ فنحن نعلم كم هو صعب اخفاء الحب وتابع الجنون خمسة وتسعون سته وتسعون وعندما وصل الى مائه قفز الب بين اجمة ورد واختفى بداخلها فتح (الجنون) عينيه وبدأ يصرخ انا آت اليكم كان (الكسل) اول من كشف لأانه لم يبذل اي جهد في اخفاء نفسه ثم ظهرت (الرقه) وبعدها خرج (الكذب ) مقطوع النفس من البحيره واشار الى (الشوق) ان يرجع من باطن الارض وجدهم الجنون جميعا واحدا بعد الاخر ماعاد (الحب) كادا يصاب باليأس الى ان اقترب (الحسد) وهمس في اذنه (الحب مختفي في شجرة الورد التقط الجنون شوكة خشبية اشبه برمح وبدأ يطعن شجرة الورد ولم يتوقف الا بعد ال سمع صوت بكاء يمزق القلوب وظهر (الحـــــــــب ) وهو يحجب عينيه بيده والدم يقطر من بين اصابعه صاح (الجنون ) نادما يا الهي ماذا فعلت ماذا افعل كي اصحح غلطتي بعد ان افقدتك بصرك
اجابه (الحب) لن تستطيع اعادة البصر الي ولكن هناك ماتستطيع فعله لأجلي كن دليلي
وهذا ما حصل من يومها يمضي الحب الأعمى يقوده الجنون
هاي قصة الحب والشاطر يفهم
main.mokdadi@yahoo.com

  شو معن وتمارا ئلبتوها برايفت طيب مش اسهل تتبادلو الايميلات احسن منو بتشرحو لبعض وجهات نظركو ومنو بتحكيلها القصة بالتفاصيل " قصة الحب أعمى " :) هلا خلينا نحكي عن المشكلة البنت واقعة فيها انتو بتشجعو انفصال البنت عن خطيبها لمجرد انو شكلو مو لابئلها طيب انا بحكي انو حتى لو مقتنعين حاولو يكون رأيكم محايد وفيه نوع من المنطق على اي اساس أيدتو انو تنفصل مع انكم ما سمعتو تفاصيل القصة وانا حاسة انو في ظلم للرجال ازا على شكلو بس لكن ازا كان فيه سيئات غير الشكل ممكن انأيد الانفصال ولا لا ؟

  يا انسه نسرين شكلك ما قرأتي تعليقي الاول للبنت صاحبة المشكله بتمنى انك تقرأي التعليق انا ما شجعتها على الانفصال وحكيتلها الشكل مو مهم صح انه الشكل عند الاغلب ضروري بس هاي البنت صارت خاطبه وهادا تعليقي الاول الها
وبالنسبه لتمارا ما في اتصال بينا على الخاص وحبيت احط التعليق وقصة الحب الاعمى مشان يشوفوها الكل
يا انسه بدي انصحك نصيحه انا كتبت 4 كتب عن هاي الشغلات مع اني صغير بالعمر بس ماخليت شي عن الحب وماكتبته
اولا اذا بدوري على الشكل تاع الانسان انتي مابتعرفي شي بالحب هاد عدم ارتياح الي بصير معك لانك بتفكري فيه كشكل مو كروح حاولي شوفي من جواته مو شكله الخارجي
واذا بدوري على الشكل الخارجي الطلاق مو حرام وانتي خاطبه احسن من بعد ماتتزوجي وتصيري مره مطلقه مو انسه فهمتي
حاولي شوفي الشب من جواته روح مو جسد اذا ما حبيتيه افسخي من هلا احسن
واي شي بدك مساعده هاد ائيميلي
main.mokdadi@yahoo.com

  لا تزعل من تعليقي يا معن بس والله مو هاين علي بتنين خاطبين من فترة وحابة انو يكملو مع بعض ازا ما كان في سبب قوي بمنع اكمال الخطبة غير الشكل طبعا على كلن الله ينور طريقها وتقدر تميز الغلط من الصح وعلى سيرة الكتب الي كتبتها اعطيني اسماؤهم عشان اقرأهم واحكيلك رأيي بكتاباتك ازا ما عندك مانع طبعا .

  الكتب خلصت من السوق لانها كانت طبعه واحده بس عندي نسخه طبعا بصورلك ياها وببعتلك ياها اما على البريد الالكتروني او بحطهم بمكتبه عند البوابه اشماليه وتمري تاخديهم

  ياانسه نسرين اراء معن لفتت انتباهي واعجبتني كتير وخصوصا اني حسيته شب واعي بس بينا مافي شي برايفت احنا بنبدي ارائنا على المشاكل المطروحه ومعن عنده خبره بهيك مواضيع وانتي بتعرفي انو البنات بحبو الحب وقصصو وعموما تشرفت بمعرفتك.

  بصراحه كل بنت بتتمنى تاخد واحد يحبها ويحترمها ويكون حنون عليها ..........
بس بصراحد اللي فهمته من حكيك إنك وحده بتعتبري حالك احلى من اي بنت, يعني بهمك يكون حلو وبس.......
اوكي, اتركيه وخدي واحد زي ما بدك,,,,,,, أمور يعني,,,,,,,,
وشوفي الفرق بالتعامل...
أصلا انت ما بتستاهليه......
وبدي انصح كل بنت, إنو ما تاخد واحد بتحبه اكتر ما بحبها,,,, لأ برأيي العكس أحسن......
وإنت حررره,,,,,,

  ليه كل البنات بدوروا على واحد متل مهند
هذي نتائج تربية فاشلة وعدم تأهيل للزواج بناتنا أو معظمهم بفكروا الزواج لعبة ولما بيتزوجوا بيقنعوا نفسهم إنهم لو استنو شوي بياخدو احسن بس دايما الاحسن ما بيجي وبيظل حلم لأنه نسج خيال
الله يهدي بناتنا
ويعرفوا انه الحلم شي والحقيقة شي
والانسان ميزات وعيوب والشاطرة بتصلح كل عيوب زوجها وين ذكا المرأة
ولا بس بتشغله لما بدها تطفش أهل زوجها

الله يهدي شبابنا وبناتنا
شو ذنب المسكين الي قاعده بتخونيه بفكرك
تخيلي الموقف معكوس وهوه حاسس انه مو انت الي كان بيتمناها
ساعتها رح تمسكي فيه وما ترضي تبعدي عتنه الله يهديكي
والازمة أزمة تربية

  يا رقم4
حرام البنت يعني تعبر عن مشاعرها؟
لازم البنت تحب اللي مرتبطة فيه غصب عنها حتى لو مو طايئيته؟
اختي صاحبة المشكلة
بنصحك من هلأ تنهي الارتباط معاه بلاش ما تندمي بعد ما تتجوزي، وانشالله تلاقي حدا تحبيه ويحبك، والله يوفقك

  حاب احكيلك انو في قصة شبيهة لقصتك حصلت لاحدى البنات وكانت بفترة الخطبة نفس ما بتعملي وبعد الزواج فضلو على هالحالة وخلفو ولد وبعديها اتطلقو والنتيجة الضحية الولد فبنصحك تفركشي الخطبة قبل فوات الاوان

  يعني هاي مشكله بكرى بتتزوجوا و بتبطلوا تحكوا مع بعض غير لما تتهاوشوا من الآخر اجيبلك ياها ( على بلاطة)

  القناعة هي اساس كل شي شوفي شو الخصال الحلوة فية وابدأي من عندها واذا ما اعجبك الوضع احكي معي وانا بحللك الموضوع

  تعليقي انا مع جرثومة العزيز على قلبي انك تطنشيه وما تردي عليه ولا بأي اشي عشان يصير يكره الارض الي بتمشي عليها ولا شو رأيك يا سيد جرثومة

  إلى جرثومة:

شو عرفك إنه ريحة فمه زكية؟ بركي ريحته بتخنق؟؟

أنا بعرف شخص يحبني بجنون لكني مو متقبلة شكله (ولا ريحة فمه بالمناسبة اللي بتوصلني على بعد متر) لهذا صديته بلطف.

إلى صاحبة المشكلة: الأصل إنه الشكل مو الأساس ومو مهم كتير، لكن إذا نفسيتك مو متقبلة شكل خطيبك (وفيه فرق بين التقبل والإعجاب بالشكل)، معناته بنصحك من هلأ تنهي هذه الخطبة وتنسي أمره.

  استفسار:

ليش الكل بيقول إنه الرجل مو بشكله، لكن بالمقابل لما الرجل بده يتزوج بينقي العروس على الفرازة وبيحط شروط تعجيزية وبتصير البنت بشكلها وبس؟؟؟؟؟؟؟؟؟؟؟؟؟

كمان البنت مو بشكلها، وقديش فيه بنات عالم محترمات لكن أشكالهم ليست باهرة ولكن مقبولة فقط.

مثل شخص أعرفه شخصياً تقدم لخطبة 100 فتاة بالتمام والكمال واتفرج عليهم كلهم ومااااا رجع لحتى لقي صاحبة الصون والعفاف حرمه المصون.

شوية عدل يعني. إذا إنتو بتتشرطوا علينا بالشكل، إحنا كمان بيطلع لنا نتشرط عليكو.

شكراً.

  قال الرسول صلى الله عليه وسلم اذا جاءكم من ترضوه دينا وخلقا فزوجوه ما قال من ترضوه جمالا وازا فكرتي انو هالشخص ما بستاهلك بعمرك ما بتتوفقي ولا بتتهني بحياتك ولا بتتزوجي ازا ما بتحبيه ما تضحكي عليه لانك بتكوني بتضحك على حالك قبل ما تضحكي عليه فكري منيح وخدي قرارك المناسب وصلي استخارة وتوكلي ع الله انا هاد رأي الله يجيبلك الي فيه الخير سلاااااااااااااااام

  أنابنصحك تتركيه لأنه راح تصير معك كتير مشاكل انتي بتفرضيها لنك ما بدك اياه بجنبك

  شو نوع المعجزة اللي بتستنيها ؟؟ ما تصدقي انه الحب بيجي بعد الزواج لانه ان ما كان موجود من البداية صعب يتولد بعدين

المعجزة بايدك ... بس بدي الفت نظرك لاشي

ان كان متلا فهمان وعاقل وزلمة بكل معنى الكلمة ما تقارنيه مع الشباب الفاشلين لانه رح تتغلبي كتير

وبنصحك تأجلي زواجك .. لانه تصرفاتك لبنت مراهقة ومبين ما عندك خبرة بالدنيا

اي بنت بتقارن اللي عندها بحدا تاني بتكون ما كتير مختلطة بالناس تا تميز اللي عندها باللي برة

يعني طولي بالك

يا بتمشي يا بتختصري

لانه هو شو ذنبه اذا انتي مش مقتنعة فيه ليش تمديله حبال وانتي داخليا ما بدك اياه

حرام

  شو هالحكي يا بنتي المفروض من اول ما وافقتي بعدين الزلمه مش مقصر معك والعالم مش فجل لحتى تعملي فيه هيك لعلمك انتي بتخونيه بطريقه غير مباشره شو بتقارنيه بغيره هذا ما بصير يا بنتي بعدين اذا بدك تحبيه لازم تكسري كل اوهامك وتشيلي الحواجز النفسيه الي انتي صنعتيها وبعد هيك صدقيني رح تقدري تعيشي معه بصدق والله يا بنتي قصتك ومع الاحترام دليل دمار لأخلاق الناس وعدم ايمان بالله وقدره ووين راحت القناعه الي هيه كنز لا يفنى

  اتوقع انو مستوى ثثقافتك يختلف كليا عن مستواااي
لكن باختصاار شدييييد الشكل لا بجيب ولا بودي عند الرجل اهم شي يكون الك الزوج والحبيييييب والصديق
يكوون رجل بكل ما تحمله الكلمة من معنى

  لا يا حبيبتي معلش كوني مطلقةولا توكلي هوا بعدين لما تتجوزيه واضلي مش مقتنعه فيه...
يعني حل مشكلتك بسيط وما بده تفكير اتركيه فورا ومين بيعرف ممكن اذا تزوجتيه وخلفتي ولاد منه تندمي انك ضليتي معه وييجي اليوم الي تبطلي تقدري تجامليه فيه وتسكر معك ساعتها بترجعي لبيت اهلك وجاره وراكي 3 او اربع ولاد وبتكوني كمان مطلقة.. يعني هيك احسن برايك؟؟؟
اسمعي مني اتركيه وزي ما بتحكي انتي حلوة وان شاء الله رح ترجعي تنخطبي للاحسن منه الناس هون اهم شي بهمها بالعروس الجمال.. توكلي على الله واتركيه وبالتوفيق.

  باين عليكي فاضيه من الداخل وبتحبي المظاهر واحسن له يطلقك لانه راح تغلبيه

  عزيزتي صاحبة المشكله
والله مو عارفه شو احكي بس نصيحتي لخطيبك انوا يتركك هو شو بدوا في وحده مخها طاقق وفاضي , كيف هاي بدها تكون ام لأولادوا وتربي اجيال لها المجتمع ............... الله يستر عليكي مع واحد حلو وبدنا نشوف الحلو هاد لما تصيري ختياره او بعد الخلفه بدوا يتمسك فيكي الحلو وله بدوا يدور على وحده تليق بجمالوا الخارق يلي بالاغلب بيحمل مخ فاضي ..............
كون اكثر جديه وفكري ما هو الزواج اكيد انك ما بتعرفي شيء عن الزواج غير الصمده وشهر العسل والطلعات والصاحبات والسهر والدلال والشيبس والشوكلاته والبوظه انتي ما بتصلحي تكوني زوجه ولا ام وتحياتي للجميع خصوصا المصدومه لانوا اراءها كثير بتعجبني وللعلم انا بدخل هون بس لأقرأ تعليقاتها الجميله ............. ودمتكم جميعا

  ؟؟؟

  دي واحد هو يحبك و يموت فيكي, احسن الك من ما تاخدي واحد انت بدك اياه اكتر

  خسارة وحده عمرها 23 سنه وتفكيرها محدود لهل درجة , خسارة ان بناتنا ............. للاسف

  والله مو عارفة شو احكي موضوعك صعب