ساعدوني هل انتظره ام اتزوج غيره ؟؟

  ازا بتحبيه فعلا انتظريه وانتي لساتك صغيرة لاتستعجلي على حالك كتير لانو الحب صعب تلاقيه بهاد الزمن وازا لقيتيه لاتضيعيه ازا بتحبيه وبحبك لاتتركيه وازا طلبك من امك فالشب فعلا شاريك ومابتسلى فيكي فنصيحتي انتظريه والله يوفقك

  منيح اللي بكرة الجمعة .. جاي عبالي صحن حمص!

  طبعا انتظريه لانو مو مجبوره تتزوجي واحد ما بتحبيه وتصيري تفكري يلي بحبو قلبك وتصير مشاكل
الله يوفقك

  الاخت السائلة اذا انت مش واثقة اذا كنت رح تصبري هالسنة لهذه الدرجة خلي يتقدملك فورا او شوفي الرجل المناسب من اللي بتقدملك - معلش سؤال هو بعرف انو بتقدملك ناس للخطبة ولا شو

  لازم تنتظريه إزا بتحبيه
ارجوكي لا تخلي الشب يزعل لانو الشب مو متل البنت
الشب مخلص والله مخلص
الله يهنيكي
محمد المومني

  اذا يتحبي وواثقى في و ما في حد احسن منه احالك استني و شو وراكم
حبيبتي الحب تضحية اهم شي انك تكوني متاكدة من الشخص
حتى لو ما حكى مه اهلك اذا انت متاكدة منه بلشوا مع بعض لو بقراية فاتحة

و اهم شي انه انشالله يكون نصيبك

  ان شاء الله خير..بس مادح نفسه كذاب

وانتي نازلمة مدح بحالك..جميلة وبنت عيلة وومضع المادي...شو دعاية يعني!!

  شو نسويلك...يعني اذا قلنا تجوزي وما تستني راح تردي...تقولي احنا ابوكي وقاعدة بتقنعينا!!

شو هالتفاهة هاي...وبعدين شو يعني بتعرضي بصفاتك..ليكون مفكرة حالك اشي كثير

وبتحكيلنا الشب وضعوا جيد...وبتحكي لازم تساعديه وحكى مع امك وبتفكري تتجوزي غيرو...يعني شو قصتك مش فاهم..شو بدك بالزبط مش قادر اعرف..بتتهبلي علينا!!

وشغل بالبنوك...حرام حرام حرام

روحي اقعدي وبلاش حكي شغل مصخرة وتهبيل...سنحو الي بدو يقتنع انك بتحكي من عقلك

  مرحبا حبيبتي انا وخواتي اخدنا زواجنا عن حب سنة وتزوجنا بس ماكنا نقول اخدو ولا اخد غيرو!!!!!!!!!
هاد ما اسمو حب وتفاهم!!
طالما صورتو شريفة ومهذب وطلب سنة يزبط وضعو واهم من هاد واثقة فييه استنييه

 
يا أختي إن كان عمله حرام في البنك ... فقبلي غيره ولا تقبليه .. فمال الربا قال عنه النبي صلى الله عليه وسلم (( كل جسد نبت من سحت فالنار أولى به )) ، وكل من عمل بالربا يحاربه الله القوي قال تعالى {فَإِن لَّمْ تَفْعَلُواْ فَأْذَنُواْ بِحَرْبٍ مِّنَ اللّهِ وَرَسُولِهِ وَإِن تُبْتُمْ فَلَكُمْ رُؤُوسُ أَمْوَالِكُمْ لاَ تَظْلِمُونَ وَلاَ تُظْلَمُونَ }البقرة279

فيا أختي أتوقع يقيناً أنّه إذا كان عمله بالبنك ( حرام -ربا ) أنّ الله تعالى يضيّق عليه ويجعل عيشته كدر هو وعائلته .


أما يا أختي إن كان عمله حلال ( وهذه بعيده جداً إلّا إذا كان يشتغل مثلا بعيد عن ما يتعلق بالمداولات الماليه ) ؛ فقبليه .. لكن دائماً أحرصي على أن يكون لديه هذه الصفات :-
1- صاحب دين
2- صاحب خلق
3- عنده مال
4- غير ضراب للنساء


أتمنى أن يكون هذا جواب شافي ...شكرا

  ملاحظة2
اذا نطقها وحسيتي ولو شوي بدو تساعديه وحيعتمد عفلوسك من البداية ماتستنيه وخدي واحد جاهز شاريكي احسن منو فاهمة
لانو انا بشتغل بس راتبي الي واذابساعد بارادتي ومو عنصر اساسي اذا كان الك اساس بكرا بصرف البيت رح تتعب نفسيتك كتير خصوصا وضع اهلك منيح كتير بتقولي فما تتسرعي نصيحة وخدي واحد بحبك ومابدو تشتغلي وميسور
او واحد بتحبيه وبحبك ومو سائل عن راتبك وشغلك

  بصراحة حاسة انو هاد الموضوع مارح يزبط من طريقتك حاسة لو اجالك واحد احلى واحسن منو بكل الصفات ما كنتي استنيتيه او التي جملتك استناه ولا!!
اصبري وماتوعدي حد لحد ميجي الشخص المناسب وماتتنازلي لاي حد

  حبك برص وعشرة خرس يا بنت الحلال ارضي بأول خطيب بعد الاستخارة وارضي بذات الدين والخلق واتركي الحب على جنب طبعا حب ما قبل الزواج

  نصيحه استنيه...سنه مش مشكله كبيره..والله استنيه

  انا برأيي ليش حتى ما تستنيه كونه حكى مع امك فهو اكيد صادق لكن عندي مأخذ على الشاب وهو العمل في البنوك انا بخبرك يا صديقتي انه محرم شرعا لكن في النهايه الخيار إلك ونصيحتي إلك بالإستخاره وأكثر من مره فهي طريقك الى الصواب وشكرا

  انا شب عمري 25 سنه حبيت بنت من عمرك وعلى اساس انها تستنى 5 اشهر مش سنة وحكيت مع ابوها في الموضوع وعند اول عريس اجاها وهو ابن خالها صارت بدها اياه وخطبته بس حذاري لانهالله عزيز ذو انتقام سمعت بعده انه اب خاله ترك الدبلة مع صاحبيتها وسافر على مصر ديربالك لا تخلفي وعد وعدتيه لحدا ضلي معاه واستنيه

  والله يا اموره ازا كنتي واثقه منه وبتحبيه بتخيل ما في داعي تفكري اصلا لانك ازا عن جد بتحبيه ما رح تقدري تعيشي مع غيره ...... اما ازا كنت خايفه انه يكون بكزب عليكي فهادا شي كليا مختلف!!!!!!!!! وانت اللي لازم تقرري ........

  لو إنه بحبك عن جد كان إجا وطلبك مهما كانت ظروفه بس هدول الشباب بلعبوا على عقول الصبايا يا أمهات المستقبل أفيقوا

  صاحبة المشكلة:

لقيت قصتك شبيهة بالفلافل!

فعشان هيك استني
BRAND NEW PERSON
واتزوجيه!

فأنت لا تحبيه كما هو يحبك أو لست مقتنعة به.. وهذا واضح من ترددك في انتظاره.

  انستي الجميلة تحية طيبة وبعد :
انا من وجهة نظري ان تنتظري هذا الشاب طبعا اذا كنتي متأكدة من حبه لكي وان تكوني متأكدة من انه على قدرة كاملة في تحمل المسؤولية ولكن في نفس الوقت انصحكي ان لا تتسرعي بقراراكي لان هذا زواج يعني مسألة حياة ابدية بعدين انتي لسة عمرك 22 سنة يعني بنوتة صغيرة ما بعرف يمكن انا صارت عندي عقدة نفسية لاني سافرت الى خارج الاردن لكي ابني مستقبلي اسرع من اجلها مع العلم ان وضعي العائلي فوق الممتاز ولكني لا احب الاعتماد على احد حتى ولو كانو اهلي ولكني عندما عدت الى الاردن وجدتها متزوجه فكرهت تجارب الحب كلها فا انا الان لا اريد ان تظلمي هذا الشاب مع تمناياتي لكي بالتوفيق يا انستي الجميلة ...
اسير الروح

  انا شب عمري 25 سنه وموظف حكومه
وصار معي متل ما صار معك بس البنت ما استنتني
وخطبت لذلك لا تستني شي

  مرحبا...
أنا برأيي أن يأتي لخطبتك من أهلك و من ثم تعملون معا لتفتحوا بيتا ، بهذه الطريقة لن تضطري لأن تبقي محتارة فسوف يخطبك الشخص الذي يحبك و تحبينه و لن يأتي الخطابون لبيتك...
أتمنى لكما التوفيق...

  تزوجي يابنت الحلال ليش تنتظريه مدامك بتحكي انو موظف ووضعو منيح ليش التأخير؟ وصليله الصوره انك رح تنخطبي وخلص وشوفي رح ييجي يخطبك رسمي ولا لاء...fat_joy2@hotmail.com

  اذا بحبك بامكانه يخطبك وانتظري انت واياه فترة الخطوبة مو وعود كاذبه هذا مابصير شو الحكي بكرة اهلة بزوجوه وبقولك اه حان ماني

  مشكلتة انه يعمل في البنوك وراتبه مال ربا وعواقبها وخيمه اقنعيه يبدل شغله وباقيها غندك بلتوفيق

  الافضل انت تنضريه هدا الرأي الخاص اذا كنتي تحبينه لأنه هدي الايام ما في شباب صادقين للأسف
وبالنهايه هذا خيارك

  عزيزتي طالما انك تحبينه ويحبك والأهم من هذا انك واثقة منه ومن اخلاقه وانه جدي في موضوع الارتباط بك لأنه تكلم مع والدتك وطلبك منها بشكل رسمي ، وبالاضافة الى ذلك وضعه المادي جيد وانت ما زلت 22 سنة اي صغير نسبيا" بالعمر، اذن لا توجد لديك اي مشكلة، وبامكانك ان تنظريه لأن سنة ليست مدة طويلة وسيمضي الوقت بسرعة خاصة ان كنت تعملين، وشيء جميل انك عملية ومستعدة للعمل معه والكفاح من أجل زواج ناجح وهذا هو كل المطلوب. انا لا ارى اي مشكلة أساسا" بالموضوع، انتظريه وان شاء الله تكوني سعيدة معه. وعليك ان تتزوجي انسان تحبينه ومقتنعة به وتريدين التضحية معه من خلال الوقوف بجانبه وليس اي شخص يتقدم لك لمجرد الزواج وانت غير مقتنعة. انتظري عام وتزوجيه وكوني صبورة، وفقك الله.

وشكرا" للمحرر والموقع.

  الأخت السائلة

بما انك متعلمة ومثقفة ومقتنعة بهذا الشاب وبما ان لديه عمل جيد وانت كذلك وانت مستعدة للتضحية معه، اذن انصحك ان تنتظريه وتصبري مدة عام آخر لتتزوجيه على خير باذن الله، لأن اهم عامل وهو الثقة موجود حيث انك تقولين ان الشاب اثبت مصداقيته وقام بالتحدث مع والدتك وطلبك منها رسميا"، ولذا ما دمت تحبينه حبا" متبادل ومقتنعة به وبأخلاقه اذن لا مانع من اتمام الزواج، وان تنتظري عام اقول لك ان عاما" ليس فترة طويلة عندما نحب ونصبر ونضحي وبخاصة انك ما زلت صغيرة اي عمرك 22 سنة فقط ولديك القدرة ان تنتظري سنة قبل الزواج، وافضل ان تصبري ولا تستعجلي الأمور وتنتظري هذا الشاب سنة على ان تتزوجي شخص آخر بسرعة وانت غير مقتنعة به فقط لأجل الزواج، ولماذا الاستعجال وانت ما زلت صغيرة نسبيا" وامامك من الوقت الكثير؟ والعام يمضي بسرعة صدقيني وبخاصة وانت سعيدة وتعملين لتؤسسي حياة مشتركة.

اهم شيء يا ابنتي القناعة وطالما انت مقتنعة به وبأخلاقه وهو قد اثبت جديته بالموضوع، انصحك ان تنتظريه عام وتتزوجيه وان شاء الله يكتب الله لكما دوام السعادة باذنه تعالى.

بارك الله فيك، وشكرا" للمحرر وهذا الموقع الجميل.

  مادامك عم تتسائلي بدك ياه او غيره معناه انك اصلا مابتحبيه لأنك لو بتحبيه ماراح تحتاري بينو وبين غيرو بس انا بنصحك انك ماتشوفي حالك عالناس لأنو واضح من كلامك انك ماكلة بحالك مقلب ال شو (بنت عيلة) ليش هو مش ابن عيلة ولا ماحدا معبي عينك

  كتير بهمني اعرف انتي جميلة ولا جميلة جداا؟

مو لأشي بس عشان اعرف احل مشكلتك المعقدة.

  لا تنتظريه
إذا كان البنك ربوي مش اسلامي العمل بالبنك حرام
رح تعيشي طول عمرك بالحرام

  الى عزيزي اللوح :
شكرا كثير وانا بفتخر وبعتز بشهادتك
وانا كنت متوقع انك انسان مثقف
ورد على سؤالك سابقا وبختصار
33 اعزب صاحب مؤسسة تعنى بقطع السيارات
بس بحب احكيلك انه في شب اسمه نفس اسمي على الموقع
الفرق بيني وبينه انا كاتب اسمي مع حاصرة .
اتمنى انه يميز اسمه باي شي مختلف ولك وله كل الاحترام. [جمال

  اختي الكريمه
انا انصحكي ان تنتضريه لانه حسب ما ذكرتي محترم وخلوق ومهذب ,,,,,,,,,,,,,
ونيته الصادقه واضحه,,,,,,,,,
ويريدك بلحلال ,,,,,,,والا ما كلم امك
وانت لا زلت صغيره ولا باس ان تتنتضريه سنه ليست كثير طالما انه شخص مضمون

وانت سيدة الموقف هنا,,,,,,,

قفي مع نفسك واساليها........

__ هل هو صادق؟؟؟؟؟؟؟؟

___ هل يستحقني؟؟؟؟؟

___ هل هو ثقه؟؟؟؟؟؟؟

ان كان نعم ......فتوكلي على الله وانتضريه ..........كم جميل ان ترتبطي بانسان يحبك ....

وان شاء الله يكون يستحقك ويستحق الانتضار,,,,,

وكما قلت لك سابقا ان كان ثقه وجيد لا تخسري انسان احبك وارادك بشرع الله...

والله يوفقك

  عزيزتي صاحبة المشكة:
بدايتا اسعد الله اوقاتك بكل الخير انت ومن يقرا
هذا التعليق .
سيدتي العزيزة اسمحيلي احكيلك انه من خلال ما تقدم من شرح لمشكلتك انك تسالي وتجيبي في نفس الوقت
مثلا تقولي هل انتظره سنة وفي نفس الوقت تقولي انا واثق منه.
امااذا كان ذلك تعبيرا عن الحيرة التي تعيشينها فلا باس .
رايي :ان الاساس الذي يجب ان تبني عليه قرارك
هو الثقة وان لا تكون هذه الثقة بدافع العواطف فاذا كان هذا الشاب انسان صادق وخلوق كما تحدثتي وانت ما زلتي صغيرة بالسن وان تنتظريه سنه فهذا ليس بالكثير على من اراد ان يتزوج ممن يحب اما موضوع انه طلبك من امك فهذا موضوع انا براييي لا يكفي يجب عليه ان يقابل والدك رجل لرجل وان يبدي له اسباب طلب التاجيل سنة
وان يقنع والدك انه انسان مسؤول عن كلامه
حتى يعود عليك هذا الموضوع بالنفع وان تتجنبي صدمات عاطفية كالتي نسمع بها او ان تقعي بشباك صياد حيتان وانت ما زلت سمكة زينه .
والمقصود بهذا الكلام ان يكون متمرس ويتقن الكذب ولا تهمه مشاعر الاخرين وانت لسة على نياتك.
مع تمنياتي لك بالتوفيق .

  توكلي على الله لانو انت بصراحة مش عارفة شو بدك
الحمد لله عالاسلامة ام حسون اكيد كنت باجازة

  اختي ماتردي على مي
هاي غيرانه منك
استنيه والله يقدملك الي فيه الخير

  تعالي اجوزيني احسلك

  من طرحك للموضوع و انتي بدك تتزوجي الي راح يريحك...
بس تجربتي بالحياة و الي بشوفو راح تندمي.
اذا بتحبي صح مش غلط التضحية و مش غلط الشغل

  طيب ايش مالها الاستخارة لمدة ثلاث ايام---- وهيك استشرتي وما شا الله عنك --وحقيقي انا مستغرب جدا انك تسئلي هيك سؤال ما دام بتحبي زي ما بتحكي - وانا عنجد POSITIVE مع تعليق رقم 2 بس مش حمص -- فول

  لوانك بتحبيه كان ماطرحتي المشكله وكان صبرتي سنين وما احترتي بأتخاذ القرار و من طريقة طرحك للمشكله و مدحك لحالك فشكلك بتدوري على عريس انا مرتبط

  اتجوزي والله رح يقدم الي فيه الخير

  انا وضعي مثل وضعك بس انا بختلف معك انو ما عندي استعداد ابداًاخذ غير الانسان الي حبيته وحبني لو بستناه العمر كله والله .
وانت لو بتحبيه عن جد ما كنت محتارة ابداً بس انت ما بتحبيه واول فرصة راح تيجيكي راح تتركيه.. انا بنصحك تتركيه من هلأ اذا محتارة لهدرجة ومش قادره تستني سنة!! احسن ما تكسري بخاطره عند اول فرصة والله حرام


لا تكوني انانية وتفكري بحالك بس وبعدين عمرك 22 سنة ولساتك زغيره

  أنا عندي نفس المشكلة بتمنا إنكم تعطوني حل هوه أهله بيعرفوا وأنا أهلي بيعرفوا بالموضوع ونحنا بنحب بعض وبدنا بعض فيكم تعطوني حل للموضوع؟؟؟؟؟؟؟؟

  يامواطن مسكين
(ضحكتني)وكل الشكر لاهتمامك
بس هاد اكثر موضوع لفت انتباهي كتير
حتى انت لاحظت قلت تعليقاتك في المواضيع السابقة

  شيري
لوح
وسمسم
تعليقاتكم ..........!!!
تحياتي لمواطن مسكين

  ان كنت واثقة من اللي قلتيه انتظريه
واقترح عليك لو يتقدم لخطبك
وبعد سنه تزوجو هيك بتضمنيه اكتر

بالتوفيق ان شاء الله

  اختي العزيزة انا برائي انك تتزوجي الي طلب ايدك متل ما بحكو عصفور بالايد ولا عشرة على الشجرةوكمان سواء اتزوجتي الي طلب ايدك او اتزوجتي الي بتحبيه على الجهتين راح توكلي هوى وتعضي ايديك ندم

  شكرا اخ [ جمال وتشرفنا
اليوم بس فتحت الموقع

شو اقول للأخت السائلة استشيري اهلك
يمكن أحسن يمكن بتهمك الماديات اكتر لأنه وضع الاهل جيد جدا ويمكن لأ

فعلا اخ جمال الجاد بيتجه للأب مباشرة مش الام
احكيلك احسن استخيري

  اخر زمن والله يا اخت بدو اياكي يخطبك الخطبة ما بتكلف راس مالها يلبسك ذبلة على سطوح بيتكو
ليش السؤال يعني انا مو فاهم الي بصير احسنلك اخطبي لانو بترتكبي حرام وانت مو على ذمتو
بعدين ما تسالينا ابوك واخوانك احسن
بعدين البنك حرام ديري بالك خلي ي
بعدين غريبين الرجال بدو اياك تشتغلي شو طمعان لونو رجال كان ما بستنى تمنو تساعدي لازم يهد الارض ولا يشغلك بككرة بتحملي جميلة

  أختي الكريمه
أذا بتحبيه لازم تستنيهبعدين ياأختي خذوهم فقراء يغنيهم الله من فضلهوسدقيني انا شاب لسى متوضف جديد وضعي الملدي تحت الصفر والي بحبها وهي خطيبتي ألأن وضعها المادي ممتاز لكن وقفت معي وخطبتها وبنعيش احلى قصه حب راح تتكلل بالزواج واما نضرة لي أني أنسان فقير لالالا
ولكن نضرة لأنيس مخلص بحبها ساعديه وراح تقطفي ثمرة مساعدتك اله ,وأيد عل أيد بتزقف العجلوني

  حقيقة اختي الكريمة استغرب طرحك للموضوع لأخد النصيحة وهي واضحة جدا ... الشب محترم وشغله منيح ومقصده حلال كونه حكى مع امك وبطلب بس المهلة لسنة لحتى يكون نفسة ان صح التعبير او يكون جاهز ... وبما انك وجدت فيه المواصفات التي تريدها فما بدها سؤال الي بتعرفية احسن من الي بتعرفيه .. ولكن عذرا اسمحيلي " كونك طلبتي المشوره في هذا الموضوع فهذا دليل قطعي على ترددك في حب هذا الشاب والواضح انه بحبك اكتر منك " فنصيحتي حافظي عليه لأنه مش ممكن اتلاقي واحد يحبك بالساهل واتكون نيته سليمة.
وربنا يوفقكو لخير يا رب ويجمع بينكو على خير

  عزيزتي :
اذا كان عندك احساس داخلي من اعمق اعماقك بالراحة النفسية اتجاهه والطمانينة وليس فقط الحب ... فعليك بانتظاره والافضل ان يخطبك خلال هذه الفترة بدل من الارتباط به عاطفيا -اي ان تكون العلاقة رسمية - طبعا بدون تكاليف كثيرة مراعاة لظروفه الصعبة.
وصلاة الاستخارة هي افضل طريق لاتخاذ قرار مصيري في الحياة كالزواج ودائما "الخيرة فيما اختاره الله "

واتمنى لك التوفيق

  HI ALL
I THINK THIS IS NOT REALY LOVE BECAUSE IF YOU LOVE HIM FRANCLY SHOULD BE NOT CONFUSED SO YOU SHOULD ACCEPET IF ANY ONE HE WANT ENGAGE YOU OKY

  للأسف ...
صار الجميع يحكي بالحب بين الشاب والفتاة كأمر عادي جداً .. شو يعني الوحدة بتحب واحد ... وين المشكلة تطلع معه لكوفي شوب شو يعني ... وبعدين نتزوج وإلا نقضيها حب وبس وين المشكلة؟؟؟
يا جماعه الحب أسمى من هيك وما في شيء إسمه حب قبل الزواج.
أنا من رأيي في القضية "إذا جاءكم من ترضون دينه وخلقه فزوجوه"
والسلام