الاقنعه العجيبة

زاد الاردن الاخباري -

بدي ابعت الكم مشكلتي ويا ريت تساعدوني.

انا بنت وا تقدملي شب وبعد ما اهلي سالوا عنه عرفوا انه هاد الشب كان متزوج ومنفصل وعرفه انه اله اخو بس اخوه هاد متزوج كمان وعنده طفلين وطفل متبنيه والمشكله انه معروف عنه انه من الناس الي بحكوا بالدين وبحاول يعكس للناس انه شيخ وكويس وهو بالواقع حياته مقضيها يركض ورا فلانه ومن فلانه لفلانه والادهى من هيك انه الناس متناقضه برايها فيهم منهم الي بحكوا انه الشب واخوه نفس الشي وناس بتحكي العكس بس الاغلب صار يعرف حقيقته وانه هو بتظاهر بهيك امور وبالحقيقه هو عكس هادا الشي وداير ورا البنات وشغلته وعملته يعرف عن هاي وهديك ويستخف دمه وهو يسال عن فلانه وغيرها وبستخدم وحدة من قرايبه لانه يوصل لاهافه بالتعرف على البنات وبصراحة اخوه المطلق ناس بتحكي عنه هيك وناس بتحكي انه بس اخوه وهو ماله دخل وبعد ما فكرت بالموضوع مش عارفه اقرر انه انا مش صغيرة بالعمر ويمكن هاي الفرصة ما تكرر وبنفس الوقت خايفة لانه المتدين والي بحكي بالدين والي بتننى بنت المفروض ما يكون بحاول يركض ورا البنات وباساليب مختلفه يعني بحاول يعكس الصورة الطاهرة العفيفة وهو من الداخل مريض هيك سرت افكر خايفه يكون من الناس المريضين الي بحاولوا يبينوا انهم كويسين ومتدينين وهو بتخبى ورا هاد القناع عشان يوصل لاهدافه

ساعدوني شو اعمل وكيف بدي اعرف حقيقة الشب الي متقدملي وبالكم حكي الناس شو موقعه واهلي متاكدين من المعلومات هاي واخواني الشباب شكلهم بعرفوا عنه بس ما بدهم يحكولي انا اخوه ما بهمني كثير بس اذا اخه هيك ممكن يكون هو منيح وكويس ساعدوني