الوسواس

زاد الاردن الاخباري -

السلام عليكم قراء زاد الكرام انا من متابعين هذه الزاويه والموقع بشكل عام من فترة طويله وهذا ماشجعني على كتابه مايجول في خاطري لعلي اجد عندكم ماينفعني وينفعكم باذن الله ..

مشكلتي باختصار انا فتاة عمري 30 متزوجه من سنه تقريبا والحمدلله ربنا رزقني طفل منذ فترة مشكلتي هي اني تزوجت رجل اقصر مني او بمعنى اخر مش طويل طبعا انا اول مالاحظت هدا الشي بالخطبه كنت متردده اكمل معاه او لا بس كنت ارجع احكي حرام اتركوا لسبب مش بايدو وهو ماخلق حالو وبالعكس اتزوجني عشان يكسر هاي العقده عندو وفعلا مرت الايام بس مش راضي يروح مني هالتفكير على الرغم انو زوجي شخصيته محبوبه جدا وكل عائلتي بتمدح فيه بكل شي وخلوق وبخاف ربنا وملتزم وبحبني وبحترمني ومابضغط علي باشي بس انا كل مابمشي بالشارع وبشوف ناس طويله بقول يارب ليش زوجي مو طويل ولو كنت صبرت شوي يعني باختصار الوسوسه دبحتني وللعلم مابلبس كعب بس اطلع معاه احتراما لمشاعرو وهو عمره 31 سنه يعني فعليا لو بدو ياخد واحده اصغر مني بقدر بس هو اختارني انا بس انا شو اعمل جد التفكير تعبني كتيييييييير يمكن بنظركم المشكله تافهه بس انا عندي كبيره وبتمنى ازا عندكم اي نصيحه لاختكم انكم ماتبخلوا علي فيها والله يجزاكم كل خير