الى متى ؟؟؟ مللت

زاد الاردن الاخباري -

الى قراء زاد جميعا

باختصار مشكلتي هي بداية لمشكلة (ببدايتها ) انا امراه متزوجه وعندي بنت .زوجي انسان غريب الاطوار يعني مافي اشي غالي على قلبة كله عنده رخيص ومااله قيمه.يعني لا مصارية ولاسيارته ولا اشي عنده اله قيمه .يعني وضعنا على قدنا وانا موظفه يعني اذا كان بجيبته 10 دنانير بس واجا صاحبه طلبهم بيعطيه ياهم وماعنده استعداد يفكر باللي بالبيت كيف رح تمشي امورهم هاي مثلا . اذا كان صاحبة عنده سهران واجا يروح بيعطيه سيارته يروح فيها ومنقعد ننطر تاني يوم على هيني ويلا وصلت ومنتاخر على شغلنا عشان يرجع صاحبه . وباليوم التاني نفس الاشي يعني السياره بعد الساعة 9 مش معنا بتكون مع صاحبه يعني لو شو مايصير اشي بنص هالليل ماعنده استعداد يفكر فيه .الجزء التاني انه برضو صاحبة بييجي عنده من اذان المغرب لوقت متاخر او بروح هو عنده وبس يروح من عنده بيجيبه يكمل السهره عنده .يعني طول نهارهم عند بعض وصاحبه عزابي .صار يلغي كل مشاويري واموري الخاصة عشانه وعشان صاحبه .يعني باختصار بطل يفكر في كزوجه واللي طلباتي واللي مشاويري الخاصة ونفسي نقعد نشرب فنحان قهوه مع بعض كله التغى عشان صاحبه . صار يطلع يتسوق معاه برضو وانا ماللي وجود .شو اعمل انا جد كتيير تعبت وحكيت معه كتير وتمشكلنا وهو مابيسمع اللي . طبعا رح تسالوني ليش ملزق فيه . لانه انا بعرف من اخوانه انه هدا الشب قعدته حلوه ومابيملل وكل الشباب بيحبو قعدتو .

بس لايمتى ؟؟؟ مع العلم انا مومقصره معه باشي .

صار ليلنا ونهارنا وانام واتصبح بوجه صاحبة شو اعمل؟؟؟؟؟