حالة ترهل

ـ كيفك خيّوه..
ـ الحمد لله تمام ...
ـ وكيف الشغل معك...؟
ـ احسن من هيك عبث ...
ـ االله يزيدك .....بس كيف يعني وضح .. ؟
ـ الحمد لله يوم شغل وعشره بالبيت ....
ـ معقول يا زلمه ؟ طيب كيف والمسؤول وين رايح عنكوا...
ـ والله المسؤول ابن حلال صح..حطه على الجرح بطيب ....بختملي كرتي على التلفون...
ـ الله ريّحنا من هظاك الاولاني ابن ال ( ) يا رجل ابن حرام مصبّر ..كنا نخيّط الثمن ساعات كل يوم ...ولا كان يحب يشوف واحد قاعد ... ول عليه شو نكد ....
اما هسع محسوبك سمردح .....حتى لو داومنا ....منمضيها طق حنك وشرب شاي وقهوه وتخويث ....
ـ يا زلمه ....يا هنيّالك ..على هيك دوام ....والله انا ماكل هواء,وحظي زفت....مَنَا قادر اتنفس ....يا رجل هاظ سايق علينا الشرف والوطنيه ....والاطقع من هيك ما بقبل هدايا ...بقوللك حرام وما بحب الهدايا بالشغل..هاظ جاي يقيم الدين بمالطا...الله يريحنا منه عن قريب.....
ـ ...ولك انت الحق عليك .....
ـ طيب كيف ؟؟؟
ـ ولك دبّرلك واسطه ثقّاله وتعال عندي .....
ـ والله يا اخوي مِمِحله .....اِجرَيِّه أتهبَّرن وانا ابحبش على واسطه وما لقيت ......
ـ مع انه في واحد عندنا بلديه ...وموجود فوق بالاداره ..بس بعيد عنك هامل ...ما بنفع اخوه.....
ـ طيب ...اسمع ...انا عندي واحد من الاخر ...وهو اللي زبطني ...بس بدك ترش علف !!!
ـ يا رجل برُش علفين ..... طيب قديش بده ؟
ـ دبرلك اربعميت ليره ...والزلمه عندي ...والزلمه بقول لا تدفع الا بعد ما تنتقل.....
ـ يا زلمه ايدي بزنارك ..وينه هاظ زلمتك دلني عليه ...بدي ابيع مباريم المره ...وعمر ما حدا جوّش...
ـ تكرم عيونك بس امهلني يومين ....
ـ طيب ....بس لا تنسانا طنيب على ولاياك...
ـ له يا رجل ..شو بتحكي انت ...بنسي عمري ولا بنساك...
ـ بعرفك طول عمرك اصيل ......الله لا يحرمنا منك....