رفيقتي ..

زاد الاردن الاخباري -

السلام عليكم ورحمة الله انا كنت ادخل شوف المشاكل بهالزاوية وكتير بحب حلولكم ياريت تساعدوني رح احاول ما اطول أنا سيدة متزوجة عمري 26 وعندي طفلين والحمد لله زوجي كتير شخص محترم ومنحب بعض وكريم وبدون مبالغة هو احسن شخص بالعالم...

انا مغتربة بدولة خليجية ومن اول ما اجيت عالبلد تعرفت على وحدة من بلدنا واهلها واهل جوزها جيراننا وكتير كانت صحبتنا قوية من فترة صار مع زوجها ظرف واضطر انو ينزل وطلبت مني اني اروح انام عندها كم يوم لان هي بامارة تاني ومافي حدى حوليها ومن خلال زياتي الها عرفت حقيقتها قبل زيارتي عندها كانت تحكيلي انو زوجها كتير مهملها وانو بخونها ومابعاملها كويس وحكتلي انو بتدخل على مواقع دردشة وبتحكي مع شباب بهدف انو تسمع كلام حلو وتضييع وقت ما اكتر وقتها ولله نصحتها كتير انو هالشي غلط وطريق لخراب بيتها وانا فكرت انو اقتنعت وعدلت عن اللي هي فيه لما روحت لعندها بينت الامور عالمكشوف انو هي على علاقة مع واحد وبروح عندها عالبيت وانو في واحد تاني حكت معو واخد صورها وبهددها ومعلقة حالها بالف مشكلة انا الله يشهد علي بهدلتها ولومتها على اللي بتعملو بعد يومين رجعت على بيتي وبقيت معها على تواصل وبيوم اتصلت في وطلبت انو اسمح لرفيقها يحكي معي تلفون لان عايزني بموضوع كتير ضروري انا وافقت واتصل والله يشهد انو حكاني وحكيتو بكل احترام وكان كلامو عم يطلب مني انو ادير باللي عليها وانو انصحها ماعاد تدخل على مواقع دردشة وتحكي مع شباب وانو هو صار يحلف انو بحبها ورح يخليها تطلق ويتزوجها انا بعد اتصالو ما اقتنعت ولا بكلمة وصراحة ندمت كيف بخللي زلمة غريب يحكي معي بنفس الليلة بس اجى جوزي حكتلو القصة بكل تفاصيلها لامني وتدايق مني بس الحمد لله تفهمني وسامحني بس بقي براسو انو هو بدو يخبر جوزها وانا اترجاه انو لاء وحرام وخراب البيوت مانو هوين وهو بيحكيلي انو اللي متلها مارح تتوب ومصيرها تنفضح والخوف انو ينزكر اسمي بالقصة وانا الله يشهد علي ما غلطت ولا اللي بالقصة كلها بس بتعرفوا بهيك مشاكل مجرد انو ينزكر اسمي فيه شبهة كبيرة اللي والسبب التاني انو حرام جوزها يبقى هيك متل الاعمى بيطلع عشغلو وهي بتوسخ ببيته شو رايكم ياجماعة نخبر جوزها وارررررررررررجوكم بدون تجريح لان الله يشهد علي ماغلطت بشي وعندي زوجي وولادي بالدنيا ومافيها