احترامي للفانيلا

بالامس جافاني النوم وشلحت الفانيلا واحترمتها ورفعتها بعد ماعرفت انه الحكومة وصلت الها ورفعت سعرها حتى تظل مدة اقامتها على جدسدي اطول ولالاادري هل وزعت حكومتنا فانيلات على اعضائها ام لا كمامات ماوصلتنا وهاي فانيلات ماوصلتنا ......وكنت قد بدات اختزل البنزينات لاني عارف في رفع جاي اخر الشهرلما برفعوا برفعوا بالعشرات وبنزلو بالقروش صدقوني نظام حسبتهم لااخذناه بجامعه ولا بمدرسه ولا عارفين كيف .. والمي الحمد لله مابتيجي البيت عالي بس الفاتوره بعدها بتيجي الحمد لله فالسلطه موظفيها نشطاء انشط من نشطاء الحراك وصرت اشتري بالحبه بطلنا بالكيلوحتى ولو انها ارتفعت بس مجبور

كل هذا مش مهم المهم صرنا غرباء ببلدنا وصرنا نسمع من هون وهون

شحادين .....عطاشى .......نور.... فقرا.... جوعانين ... ولو كنا نعرف ماجينا لهالبلد ...واخيرا نشالين ومحتالين ... وصرت اسال نفسي وابحث عن اجابه لجمله هالاتهامات

شحادين يا بلدنا ... قالوا عنا شحادين نشالين يا بلدنا ... قالوا عنا نشالين محتالين يا بلدنا قالو عنا محتاين عطشانين يابلدنا قالو عنا عطشانين.............. والحقيقة تتلخص بسطرين ... نحن شوية مساكين مظلومين يا بلدنا و حياتك مظلومين
عطشانين يا بلدنا ... وتنك المي بخمس و عشرين جوعانين يا بلدنا ومافي لا رز ولاطحين ... طفرانين يا بلدنا

راح الشهر اجا اخر الشهر وكله بالدين .... بالحسرة صدورنا مليانين محتارين يا بلدنا ...ليش نشكي محتارين لمين نشكي محتارين والله مضوط صرنا شحادين وعطشانين وجيعانين بس ليش .......


أراضيناصارت ان ظل منهاشي للبيع.... كلانا للبيع قلوبنا للبيع .....حتىضمايرنا صارت للبيع .. جرايدنا للبيع للسفارات .. .. يا بلدنا على أونا .. على دوّي .. مين بدو يشتري من نحن يا أهل المروة ...صرنا للبيع وصرنا نستحي حالنا
الكبار ماكلفو خاطرهم يوم يسالونا


ليش بنسرق وليش بنبيع وليش بنموت واقفين وليش وليش .. ما سألونا ..
حتى نقول بنسرق لأنه سرقتونا .. بنبيع لانه بعتونا ....بعتو فيما كل شئ حتى الضمير ..... عطشانين لانكو بدكو تعطشونا وما بعرف ليش بتحاولوا تخلونا نكفر بالحب بالايمان بهالوطن وبالخير وبالناس ..... ,وللمر ,بتدفعونا

الكل منا بعرف انه
سرقونا الكبار ... باعونا الكبار الحرامية الكبار صنعوا الكثير منا حرامية صغار وبتكبر وبتكبر يوم عن يوم ويمكن تصيرمثلهم كبار مساكين .. صغار .. صغار والله بعدهم صغار اسنانهم لبن مابتنهش بعد .بس راح تقسى وتنهش مثل الكبار وماحد احسن من حد .
وزرا و نواب للبيع ..مدرا ء و حجاب للبيع .. شعرا و كتاب للبيع .. في الاخبار اعداد كبيرة من تجارنا استثمروا واستغلوا ظروف الطفرانين قاموا بتخزين كميات كبيرة من المواد الاستهلاكية ومن المحروقات ماالحكومة تعودت كل شهر بترفع

تعودنا على مثل هيك قرارات حكومية بدون انذار تسبق التنفيذ لان حكوماتنا الاقتصادية والحافظ الله عجزت عن ترتيب الاولويات ومضطرة نتيجه لتخبط القرارات وفساد السياسات الاقتصادية انها ترفع الاسعار وبتعلن عن الرفع حتى وصلنا للفانيله والكلسون وحفنه من تجارنا بستغلوا الظرف وبشغلو الضمير الفاسد وقت العازة عالكنترول


نعم رجعت الشتوية وانتهى صيف الحكومة بسرعة وقالو ايام الزيت اصبحت مسيت مافي يوم كامل اليوم قالت اذاعة الحكومة انه عاد النفط من جديد يرتفع سعره والذهب ولع والدولار طالع نازل والسكر صار سعره مثل الذهب حتى علبه السردين ولعت والدجاج طار واللحوم بستنوا ضحايا الحج والعدس باللوج وبعدجارنا بقول بحته ومجدرة وجعده واذان الشايب وكبة مهبله واقراص
، والفقير صاراليوم يشوف المي بالقناني والمواد الغذائية والفواكه والحلويات والسكر والشاي والسردين والرز والحليب كل شي مجفف والبترينه والمؤسسة اللي انشت لخدة الغلابى بسعر دكان ابو العبدوغسان وابو قاسم رغم اللعب بالنوع و بالاوزان وسوق الخضرا ماعاد مثل زمان ازمة والواحد مش ملاقي يحط رجله بروح يتفرج الخضرة والفواكه بتخرب بمحلها وماحد شايلها واللحمة كل يوم بسعر والناس بشتروا بالدين لابهم مرض ولا سل ولا انفلونزا خنازيرولاطيور والله الوكيل مش جاسرة تفوت علينا خايفه من هالحال وبتقول محال والعيشه صارت مرة والحنظل والدفله والحرمل صار طعمها احلى
تغيرت الدنيا وصار وقت اللي عامل حاله مؤمن بيكفرك ويتهمك انك منحرفواذا زادت بقول ارهابي ولما بتسكت بقولوا موالي وياويلك لو مشيت مع مسؤول ولا استدعاك مخفر او حد حتى ليوبخك و الموالي بيقلك انك مش منتمي و اصحابك بينقسموا شي بيروح تحت الارض وشي بيروح بالسرطان وشي بيروح بلعبة المخدرات والحبوب اللي توزعت بالشمال والجنوب...... ولكل اللي مامعهم بي تولف
الكل صار عبد للمال وناس مابتنحسد عاالحال بلدنا سكرت ابواب الرزق بوجهنا وبوجه اولادنا حتى اللي رجعولها بعد غياب بشهادات وامال واحلام وتحولو لصفوف البطالة وصاروا بوقفوا بالطوابير على باب ديوان الخدمة وبالاخير( كش بره ودبر راسك ) واللي ماله واسطه الله مع دواليبه وصار الواحد منا عصبيته فوق فوق لابتحمل ابنه ولاجاره ولاصديقه والواحد منا صار لما بعتذر لشخص بالطريق بتصير خروق ولا ارنب ولما بتحاول تاخد حقك فانت واحد مشراني ولما ما بعرف لوين رح اوصل لبكرا لوين وعيني مو نايمة ولا قلبي لما بتروح المحبة ، الاحساس


وبسرقوا حقك ووظيفتك ومهنتك ونظرك وبيصير العالم غربة والناس طايرة لما عيشتك ببلدك صارت اصعب من الهم نفسه ولما جامعة برا بتقول لابنك اهلا وسهلا انا جاي وتارك اهلي ابوي وامي واخوي والبيت والحاكورة والجيران جاي بعد ماسكرت جامعاتنا بوجهي وصارت الرسوم ضرب من المحال والدستور....... ظل يقول التعليم الزامي للنسا والرجال واولاد الكبار مستثنيين مكارم وهبات ودعم والفقير اله الله وكرت المؤن بلكي بلاقي صدر احن


كلمه حق ياوطن ماراح يلاقي احن من صدرك ياوطن بس صرنا ببلدنا غرباء وصار الضيف يقول عنا شحادين وصرنا نستاجر السم ونشتري خبز من الفرن بالبطاقه الذكيه وماعاد عندنا قمح ولاطحين .....وولادنا صارو الصبح يشتهو رغيف ساخن وكاس حليب طازه وحبة زيتون والببور ماعاد فيه كاز حتى صوته يغطي على هوشاتنا وصراخنا ولما نطفيه نتشاهد وبنقول اشهد ان لااله الا الله وبنصير نسمع همساتنا وسناه برسم النا شوارب ..ولحى... ونسينا كلمة شمبر اللوكس والنكاشة وكبريت ثلث نجوم ونسينا البيل اللي بضوي لنا الطرقات بالليل بعد السهرة وسراج وبنوره 4ياسين ونسينا الضحك ونسينا الجوفية وحذر بذر وكمستير ونسيت الصبايا اني اه اني من يجديه سافر سا سافر عالبحرية ونسيت مسيكم بالخير ياعمار العماري ونسينا ونسينا كثير...............


الجوع كافر والعطش كافر والحاجة كافرة وماعاد في مونه ولافزعة ولاعونه ماعاد يقول لك جارك تفضل ياجار ولا الصديق وين صار لي يوم ماشفتك ومامريت عالدار.......... صرنا نسمع بالعسكر والحرامية.......... وصارت فاتورة المي والكهربا والتلفون شحده.... والوظيفة شحدة ....والاكل شحدة ....والعلاج شحدة حتى العلم شحده .....وطلع النا قانون المالكين غول بتهدد الملايين وكثرت الحرامية وانتشر الظلم والجرايم والسرقات......
ليش يابلدنا ليش ياناسنا ليش صرنا نشحد ونستجدي الخبزة والوظيفة والدوا ء
والتوصيله.............
وحكومتنا بتطلع علينا وبتقول شو بدكم احسن من هالعيشة انتم كافرين وجاحدين بالنعمة ...........يارب وين هي النعمة ..........اكيد قلت من لايشكر لايستاهل النعمة .......بس وحياتك ماشفناها حتى نكفر فيها ........وانت اعلم
ملعونه ها لعولمه .......وملعونه التكنولوجيا ....وملعون المشتري والبايع
وملعون التاجر والصايغ وملعون كل من مشى على الارض

حكومتنا ماسالتنا ليش منسرق .. ما سألونا . ..ليش بنبيع .. ما سألتونا .. بنبيع لأنو بأعونا !!سرقونا الكبار ... باعونا الكبار ونحنا حرامية دراويش .. صغار .. صغار .. صغار وبعد بدكم منا نبقى مزروعين بالارض جواميس تحرثوا علينا وتحلبونا .....وبدكم اولادنا تبقى و شناطينا تهدا على الخزاين وتحتها مابعرف كيف والحالة من سئ لاسوا ، .........زحكومتنا مطنشة وعامله حالها مش عارفة وانحصر همها بالتغيير وبالتعديل والاستقبال والتوديع وتوزيع لحمة الضحية قبل مايفلو.... الوظائف بوزعوها حصصعلى مستحقيها من النواب .... والمكافات على اللي طبلو زمروا...... وبكره بتيجي حكومة بتلعن اللي قبلها وبتقول الحق على اللي قبلي واولادنا بكونو طلعوا وصرنا عالحديدة
بس انا مؤمن انه بدور الكرسي وبتروح الحكومة وتيجي حكومة والهم بعده الهم يامنترى بنشوف يوم جديد وبنفرح احفادنا ...
pressziad@yahoo.com