يا اتصالاتنا الخلوية .. بكفي رسائل كذبية ؟

في دراسة أجراها أحد مكاتب الدراسات الإستشاريه في الأردن أثبت فيها أن عدد الخلويات بالأردن هو ضعفي عدد سكان الأردن ، ولا يتوقف الأمر على ذلك فحسب بل هناك أمور أخرى تعرفها من خلال أبو حمدان: أبو سالم يتوجه إلى الاتصالات الأردنية بهدف إيقاف خدمة الهاتف الأرضي بحجة وجود الخلوي مع جميع أفراد العائلة ويجري اتصالا مع أبو حمدان بحجة رغبته في أن يذهبا معا إلى الشركة ، يستجيب أبو حمدان لطلب أبو سالم ويتوجها معا إلى الشركة وفعلا يتم إلغاء الخط الأرضي ومن هنا تبدأ الحكاية 0 أبو سالم مع عائلته : من هون ورايح ما بيه تلفون أرضي سامعين تراني لغيته ، كلكوا يابه معكوا خلويات سووا أرقامكوا سوبر لبعض مش أحسن 000 سالم : شو عليه يابه ما دام كل قرايبنا معهم خلويات 0 سلمى : شو يابه من وينتى صاير بتطبق أقوال غاندي ( الاقتصاد في النفقة نصف العيش ) سالم : لا وإنتي الصادقة ( خبي قرشك الأبيض ليومك الأسود) 00000ويا ترى صحيح مع المسجات الكذبيه ؟؟؟ معقول يضل قرش أبيض ؟ أم سالم : ترى اسمع يا أبو سالم بحق فاتورة الأرضي بدياك تظلك تشحنلي الخلوي 0 سالم : يابه أنا كمان بدياك تظلك تشحنلي مشان أحطكو عالسوبر --- سلمى : لأأنا ما بدي شحن من مصروفي اللي بظل بشحن 00 أبو سالم : والله إنك يابه أحسن من إخوانك كلهم زي المنشار عالطايح والطالع بوكلوا، عفيه عليكي واللي بحتاج رصيد بحول للثاني 0 طبعا بهذه الطريقة ضمن أبو سالم موضوع الاقتصاد بالرصيد وبيوم من الأيام وعلى خلوي أم سالم بس تيجي الرسائل –والان مع بعض من الرسائل الكاذبه ---( لقد أصبح الآن متاحا الاتصال مع صديق فما عليك إلا الاتصال على الرقم --- وسعر الرسالة ---- قرشا 0 رسالة أخرى --- إذا أردت التعرف على أصدقاء جدد ما عليك الا الاتصال بالرقم التالي وسعر الرسالة 000 قرشا – أم سالم المسكينة بتجهز أكل بالمطبخ والتلفون بالصالون ويمسك أبو سالم الخلوي وعاد كل واحد وعلامه –ويصيح بصوت مرتفع – هيه يا مره هايه أخريتها بدك تتعرفي على أصدقاء من وراية مهوه هاظا اللي ظل عليه ،وعليه ما عليه ما إنت قاعدة بهالدار ---- يتحاور أبنائها ومع أبوهم لا جايب ولا مستجيب ولا كأنه معاه عقل وراح طار بعيد – يابه إهدا افهم خلينا نفهمك القصة وما بيها 000أبو سالم : أنا قلت ما بدياها بوجهي ----وفعلا مسكينة أهلها بعاد عنها وما بيه قدامها غير دار أبو حمدان وتتوجه إلى دار أبو حمدان والدموع لم تغادر عينيها ---أم حمدان: تفضلي يا خيتي سدر الدار إلك أبو حمدان بعد سماع الموضوع اسمعي يا خيتي أنا بعرف إنه بيه خطأ، الحق مش على أبو سالم الحق على هايه الشركات اللي طالعتنا بموضة الرسائل ولا يهمك هسا بشوف أبو سالم وبتفاهم معاه . أبو حمدان يتوجه لدار أبو سالم : شو يا أبو سالم ما تخلي العقل منك بسرعة ولا إنك شك بالمستورة ما إنتو صارلكوا مع بعض أكثر من عشرين سنه ، وبعدين هيه شو دخلها؟ هايه الشركة اللي ودتلها الرسائل الماصخة أي همه لما يودوا هايه الرسائل بميزوا هايه الرسالة رايحة لمين ولا لمين ما إنت عارف يا أخوية كلها شركات ربحية وبتودي رسائل كذبيه أي المره هذيك ودولي رسالة بقولوا بيها إني ربحت خمسين ألف دينار وفعلا دقيت عليهم وظلهم لاطعيني عالخط خمس دقايق وبالأخر ما ردوا هاظا هوه الحكي، مش كل الرسائل بتتصدق وبنفس الوقت أثناء الحديث بتيجي نفس الرسالة لأبو سالم اللي بتقول إذا أردت التعرف على صديق،صديقه ---الخ، وعلى خلوي أبو حمدان بتيجي رسالة 5000دينار الجائزة الكبرى لأعلى نقاط أرسل على الرقم والرسالة بسعر 000قروش، شايف يا أبو سالم كلها رسائل كذبيه أي همه بعرفوا إنه هايه الرسالة أجت لمين هاظا حال الخلوي --- أبو سالم : الظاهر إني تسرعت لما عصِبت على أم سالم أي أنا شو بعرفني غشيم ووقع بسلة تين الظاهر إنه الأرضي طلع أرحم، أبو حمدان : انته غلطت واعترفت بخطاك وكأنك ما غلطت أنا بعرف وقديش أم سالم غالية عليك بس دايما فكر وما تتسرع أبس الظاهر إنه الاتصالات الخلوية شافوا بالرسائل الكذبيه ربح كبير فكرك انته كيف بدهم يغشواا الناس؟ بهايه الطرق الإلتوائية أي أنا نفسي يبعثولي رسالة ويقولوا فلان هوه اللي ربح أبس شاطرين بالرسائل البايخه قال إذا بدك أخر نغمات المطرب فلان ما عليك إلا الاتصال وبتطلع النغمة بستين قرش خلاف الرسالة وانتظارك وبالآخر يمكن ما يبعثوها --- الصراحة إنه بيه رسائل بتخدش الحياء العام ولازم كلنا نحاربها ومش أي رسالة نتجاوب معها وانته يا أبو سالم تعال معاية عشان تعتذرللمستوره وتتحلى بمناسبة رأس السنة الهجرية كل عام والمسلمين كلهم بألف خير .. العتب على القائمين على هذه الشركات الأصل الدقة ومراعاة الأخلاق العامة في المجتمع فأنا مع أبو حمدان بأن هناك الكثير من الرسائل المشينة والمنافية للأخلاق العامة فمثل هذه الأمور تساعد على هدم المجتمعات ودمارها وهدر الثروة المالية بل استنزافها نحن مع أن يكون للدولة اليد في مراقبة هذه الشركات لأنها تهدم الأخلاق في مجتمعنا الشبابي الفتي فماذا يستفيد الشاب الأردني من معرفة أخر أخبار الفنانة فلانة على سبيل المثال وهي أقل من أن يذكر اسمها فالأمانة بأعناق القائمين على تنظيم الرسائل الكذبيه بكفي لهووووووووووووووووووووووون كذب يا رسائل خلوية إلى اللقاء ------------------------------------------------- مع يوميات أبو حمدان ؟؟؟؟؟؟؟؟؟؟ Hikmat_b@yahoo.com