والدي لا يعلم !!!

زاد الاردن الاخباري -

مرحبا لقراء جوردان زاد

مشكلتي بتتلخص اني كملت دراساتي العليا ووالدي ما بعرف

طموحي اني اكمل دراساتي بس هو كان رافض الفكرة من اولها حتى لما انهيت توجيهي ماكان حاب يخليني اكمل ولما درست البكالوريوس ما حكا معي سنة ونص بده ياني اتعلم خياطة وحتى ما ازعله تعلمت الخياطة وجبت الاولى على قسمي بالجامعة وكملت ماستر بجامعة خاصة الدوام فيها فقط السبت والحمدلله انهيت بتفوق وحتى اخوي بكمل بالسر جامعة

حسيت انه وادلي عنده عنصرية بالتعامل مع اولاده انا واخوي الكبير ما حب انه نتعلم لكت اخوتي الصغار كلهم بالجامعات والله يوم مناقشتي للرسالة كنت خايفة ليفتح باب غرفة المناقشة ويفوت علي ..امي واخواتي عارفين اني بكمل وهم ساعدوني لانه اخوي كان بوصلني وبروحني من الجامعة ..

 

نفسي افرحه واحكيله اني انهيت كتير حاولوا من عمامي يفهموه اني كملت دراساتي العليا بس هو مش مقتنع وبحكي مو معقول بنتي تكمل من وراي..

المشكلة هلا انه كل واحد بجيني ليطلبني ما عند خبر انه والدي مش عارف اني كملت وخايفة اي حدا يغلط ويحكي اني كملت ..انا بمشكلة والله مش عارفة احلها .

 

والدي ما عنده رحمة وصعب يعني بجوز بطلعني بره البيت ...