اقترب موعد زفافي .. ماذا افعل؟؟؟

زاد الاردن الاخباري -

السلام عليكم
بتمنى انو ما تستخفو بمشكلتي
انا بنت عمري 27 سنة دارسة و حلوة و الحمدلله اهلي ناس كتير مناح
اجاني عريس من معارف اهلي و بيعرفوهم منيح انهم ناس كويسين
و الشب كتير منيح
تمت الخطوبة و المشكلة اني مش مقتنعة فيه من ناحية الشكل بالمرة
و فيه اختلافات بسيطة بوجهات النظر
و ازا حكيت هالاشي لحد بحكولي ليه توافقي بس الي صار انو كان فيه ضغط كبير من ناحية اهلي و فعلا ما بقدر احكي اشي لانو كتير الناس مناح
و الشب كتير منيح معي و بعاملني باهتمام كبير
المشكلة انو مش قادرة احس باي اشي تجاهو بسبب شكلو و هوة بحسو كتير بحبني و مستعد يعمل اي شي عشاني بحاول احيانا اتغاضى عن ناحية الشكل
بس احيانا بسمع حكي من الناس اني حلوة و هوة بالمرة مش لابقلك
و حرام و من هالحكي
بتأثر غصب عني و احيانا بفكر بالانفصال بس ما بقدر لانو جد بخاف ما الاقي حد يعاملني زي ما هوة بيعاملني
ببداية الموضوع كنت بحاول انهيه باني طلب مهر عالي و طلبت حفلة الخطبة تكون بفندق من اختياري و وافق على كل هاي الشروط و العرس كمان شهرين و جد مش عارفة شو اعمل لانو مش متأكدة ازا رح اقدر احبو يوم من الايام ... لانو بهاي الفترة بسألني ازا حبيتيني و بجاوبو انو اه
لانو ما بقدر اجرح مشاعرو
 جد مش عارفة شو اعمل و خايفة اظلمو معي ...