زوجي يخونني .. ماذا افعل؟

زاد الاردن الاخباري -

عزيزي المحرر انا فتاة ابلغ من العمر33 سنة متزوجة ومعي طفلان زوجي رجل ممتاز بمعنى الكلمة وانا احبه واحترمه وضعه المادي ممتاز ومش منقص علينا اشي المشكلة انه دايما مشغول عني وعن اولاده ولما احكيلة بحكي عندي شغل وحتى لمايكون في البيت بقعد في غرفة لحاله بحجة انه الاولاد بزعجوه وكمان هو بخاف عليهم من الدخان وطول الليل وهو بدخن لحتى يناموا الاولاد بدخل وبسهر على الجزيرة وبكون انا في سابع نومة
في الفترة الاخيرة بديت اشك في تصرفاته دايما سرحان ودايما تلفونه مشغول وبعد ماكان دايما مرمي صار مايطلعه من جيبته وصاير كثيرعصبي بحس انه بطل يحبني زي زمان مع انه بحكيلي بحبك وبموت فيك ومستحيل اتجوز عليك ومن هالكلام لكن انا مش مصدقته وبشك فيه طبعا رايحين تحكوا اهتمي فيه اكثر يشهد علي ربي اني مش مقصره معاه بشي وبسوي كل اللي بده اياه ارجو من الاخوات المتزوجات والاخوة المتزوجين تقديم النصيحه لي لانه الغير متزوج لن يشعر بما اعنيه