زوجي لا يطاق ..

زاد الاردن الاخباري -

السلام عليكم ورحمة الله وبركاته....
مشكلتي وباختصار انا فتاة متزوجة من 7 اشهر وعمري 22 سنة زوجي له مكانة مرموقة بالاردن بوظيفة ايضا مرموقة وبمستوى اجتماعي عالي و وضعة كتييير منيح وهوه ابيكبرني ب 14 سنة ولما اجا طلبني كنت سنه 3 في الجامعة ورفضنته لاسباب كتير واهمها عمرة وشكله مو كتيير بالنسبة اللي, لكن مع كل هاد حاول بكل الطرق يوصلي وضلةحوالي ال 4 اشهر وهوه وراي لحتى اقنعني بكل الطرق مستعد يعملي اي شي وبس اكون راضية واقنعتة انه فارق العمر بينا رح يكون مشكلة لكن هوه حكالي انا انسان متفتح على الحياه ومتعلم ولاتخافي انا رح اسعدك ومابنكر بعد رفض عدة مرات اقنع اهلي واهلي كمان ماكان عندهم مانع لانه وضعة كتييير كويس ومثقف ومسموعياته طيبة جدا وصاحب دين واخلاق والكل شهدله بهاد الشي.. وسار النصيب وفترة الخطبة كانت بس شهر وكان اغلب تصرفاتي ما ابتعجبو وحكيت عادي مستعد اغير من حالي عشان انا وهوه نكون مرتاحين بالنهاية لكن بعد ماارتبطنا بلشت معاناتي معه سار كل تصرفاتي غلط بالنسبة اله وبدو ياني متل الريموت الكنترول بايده واي شي بعملة غلط وبخاف من كلام الناس عشان مركزة بشكل مو طبيعي ولازم ارجعلة بكل صغيرة وكبيرة وهاد مو عيب بس هوه بحاول يلغي شخصيتي انا كتيير مطيعه اله وبعمله اللي بدة ياه وبشك كتيير ودايما بس نكون سوا برة البيت بلاحظ من نظرات الناس انه ابتتطلع علي بيروح وبيقيم الدنيا وفرق الشكل بينا كتيييييييير كبير انا كتير حلوة وهوه اقل من عادي و مابخليني اطلع لحالي الا اذا هوه وداني ويجيبني بشك كتييير والله تعبت منه هوة عمرة 37 وانا 22 عنجد مش عارفة شو اعمل مش عارفة اتفاهم وهاني اكتر من مرة قدام اهله واهلي واهلي طبعا ما سكتو وقتها رد عليهم بكل بساطة هاي مرتي ومابسمح لحد يدخل وروحنا ووئتها مد ايده علي وكان سارلنا متزوجين 3 اشهر بس انا نفسيتي تعبانه وحاسس حالي بموت كل يوم ميت مرة منه لانه دايما انا الغلط بنظرة والجدال معه عقيم للاسف...
 وهوه يسافر عشان رسالة الدكتوراه لازم يناقشها وبعد عناء اقنعته يخليني اسافر عند اهلي بالامارات منها فرصة عشان نرتاح شوي ونهدا انا سارلي اسبوعين عند اهلي وهوه بدو ياني اسافر عندة عمصر لانه احتمال يقعد شهرين عشان رسالته.. بس انا تعبانه والحمد لله مافي حمل لسه وانا مابدي ياه بدي انفصل بس مش عارفة شو اعمل مش عارف..

 ارجوكو ساعدوني .. والله حاولت بكل الطرق معاه بس هوه انسان لا يطاق بكل معنا الكلمة ... ارجوكو ساعدوني ارجوكم ....