انتقاما لذاتي ..

زاد الاردن الاخباري -

 
القراء الاعزاء
 
احترامي للجميع في هذا الموقع المميز.
 
 
مشكلتي  مش عارفة كيف ابدا فيها يا ريت تساعدوني بحل سريع
 
 
انا بحب شخص صاحب خلق ودين ووظيفة مرموقة ضلينا نحب بعض 4 سنوات وبنفهم بعض من رمشة العين
 
المهم امه للشب مصرة انها تجوزه بنت اختها والشب رافض تماما  طبعا الشب اردني
 
 
المهم انا متاكد من مشاعره نحيتي 100 بالمية وعندي قدرة كبيرة من انه اميز الطرف الي مقابلي اذا بيكذب او لاء لانه ببساطة انا واعية عمري 29 والشب عمره 34
 
 
بس هاد ما شاء الله عنه كتير منيح....
 
 
المهم  كل مايجيني شب يخطبني يضل يحكيلي ارفضي  لانه نحن اصلا متفقين عالارتباط
 
 
طبعا انا تغيرت كتير عشانه  وهو حكالي انه مستحيل نبعد عن بعض لانه  تعبت على ما اخليكي تتعودي عاطباعي  فمستحيل
 
 
اخليكي تروحي لغيري... فجاة بدون انذار . وبدون اي مشاكل صار عندي شغلة حبيت اخبره عنها رد علي صاحبه عالتلفون سالته انه بدي احكي معه حكالي ماراح اقدر اعطيه التلفون لانه اليوم عرسه
 
 
طبعا انا فكرت صاحبه بيمزح معي  حكتله طيب اعطيني اياه اباركله ... انا لهلا مش مصدقة ابدا انه القصة صح
 
 
خبرت اختي بالموضوع حكتلي اتصل عشغله  وتاكدي وفعلا  خليت زميلي يطلبه عاساس مايشك انه انا طبعا ما راح يشك لانه بحياتي ما اتصلت على شغله
 
زميلي حكا للي رد عالتلفون انه هو صاحب حبيبي ممكن احكي معه
 
 
رد الي عالتلفون حكاله  منت عارف انه مجاز مشان عرسه انا هون  انصدمت
 
 
حسيت انه الموضوع صار اكبر من مزحة  الموضوع طلع جد
 
طبعا كل القصة الي خلتني اكشف الموضوع هي انه في شب بيضل يرن علي  ومصر يحكي معي طبعا انا كنت رافضة تماما لانه "مرتبطة" فرنيت عليه مشان اخبره الي بيصير هون اكتشفت كل القصة يعني انه متجوز
 
 
حبيت احكي مع مين ما كان وقتها وكان هاد الشب الجديد بوجهي فحكيت معه
 
 
الي صاير هلا  انه عرفت انه الشب الي بيحاول يتعرف علي هو صديقه   مش الي رد علي عالتلفون اول مرة
 
 
هلا هو ما بيعرف انه انا عرفت انه تجوز
 
والشب التاني ما بيعرف انه انا كشفته انه صاحبه
 
 
شو الحل مشان الله راح انجن من الي بيصير
 
 
اكشف التنين لبعض.... ولا اسحب مع الشب الجديد لحتى اشوف شو نهايتها معه
 
ولا انسحب وخلص... بس لازم افش غلي بلي تركني بدون اسباب
 
 
طيب حتى لو تركني ليش يعطي صاحبه يحكي معي ويتعرف علي مشان الله حلولي هالقصة
 
 
وبدون تجريح لانه حاسة انه في شي مش صح بس شو هو مو عارفة
 
 
عفكرة ما بدي تحكولي انه ما كان يحبك  ولو بيحبك ما تركك   انا متاكدة من حبه الي بس الشب كمان بيحب امه كتير وما بعرف ازا الي تجوزها هي قريبته ولا غيرها